 for web4.jpg)
 for web3a.jpg)
#ရဟန်းမင်းကြီးဖရန်စစ်ကဆင်းရဲသား၊ဒုက္ခသည်များအပေါ်သာသနာအနေဖြင့်ချစ်ခြင်းမေတ္တာပြသရမည်ဟုဘူဒါပတ်မြို့ စိန့်အဲလစ်ဇဘက်ဘုရားကျောင်း၌မိန့်ကြား
#Pope says the Church needs to be charitable while meeting the poor and refugees in Budapest's St. Elizabeth Church
ကျွန်ုပ်တို့အနေဖြင့်မေတ္တာတရားနှင့်ဆိုင်သောဘာသာစကားကိုကျွမ်းကျင်ထိရောက်စွာပြောဆိုနိုင်သောသာသနာတစ်ခုကိုလိုအပ်သည်။ဆိုလိုသည်မှာမေတ္တာတရားလုပ်ငန်းများကိုလုပ်ဆောင်ပေးနိုင်သောသာသနာကိုလိုအပ်နေသည်။မေတ္တာတရားနှင့်ဆိုင်သောစကားသည်တစ်ကမ္ဘာလုံးကလည်းနားလည်သည်။ကြားနိုင်သည်။ဤဘာသာစကားသည်သက်၀င်ယုံကြည်မှုတူသည်ဖြစ်စေ၊မတူသည်ဖြစ်စေနားလည်နိုင်ကြောင်းကိုဟန်ဂေရီနိုင်ငံ၏မြို့တော်ဘူဒါပတ်မြို့ရှိစိန့်အဲလစ်ဇဘက်၏အမည်နာမကိုခံယူထားသောဘုရားကျောင်းကြီး၌ယနေ့(ဧပြီ၂၉)စနေနေ့၌မိန့်ကြားခဲ့သည်။သူသည်အာဖရိက၊အရှေ့အလယ်ပိုင်း၊ပါကိစ္စတန်နှင့်အာဖကန္နီစတန်နိုင်ငံတို့မှထွက်ပြေးလာပြီးခိုလှုံနသေောနွမ်းပါးချို့တဲ့သူနှင့်ဒုက္ခသည်(၆၀၀)နီးပါးတို့အားမိန့်ကြားခဲ့သည်။ရဟန်းမင်းကြီးသည်နိုင်ငံအတွင်း၌လွန်စွာလူသိများပြီးသဒ္ဓါကြည်ညိုပွားမှုရှိသောနိုင်ငံ၏ရဟန္တာလည်းဖြစ်သောစိန့်အဲလစ်ဇဘက်နှင့်စပ်လျင်း၍ဥပမာပေးမိန့်ကြားခဲ့သည်။သူသည်မေတ္တာတရားနှင့်ဆိုင်သောဘာသာစကားကိုပြောဆိုခဲ့သည်။စိန့်အဲလစ်ဇဘက်ကိုလည်း စိန့်ဖရန်စစ်၏အသက်တာကအလင်းရစေခဲ့သည်။သူသည်ယေဇူးသခင်ထံမှလည်းရူပါရုံရခဲ့သည်။လောကစွဲလန်းတပ်မက်ခြင်းများအားလုံးကိုလည်းငြင်းဆန်နိုင်ခဲ့သည်။ဆင်းရဲနွမ်းပါးချို့တဲ့သောသူ၊၎င်းတို့အနက်အနာကြီးရောဂါစွဲကပ်ခံစားနေရသူများအားသူကိုယ်တိုင်မရွံမရှာပြုစုစောင့်ရှောက်ခဲ့သည်။စိန့်အဲလစ်ဇဘက်သည်မေတ္တာတရား၏ပြယုဂ်ဖြစ်သည်။ဆင်းရဲသားတို့နှင့်တွေ့ဆုံခြင်းသည်တစ်ဦးစီ၏ယုံကြည်ခြင်းအသက်တာကိုပိုမိုပြည့်၀စုံလင်စေသည်။မေတ္တာတရားလုပ်ငန်းဟုဆိုရာ၌ရုပ်၀တ္ထုပစ္စည်းများကူညီခြင်းကိုသာဆိုလိုသည်မဟုတ်။ဘက်စုံလွှမ်းခြုံသောအကူအညီများကိုဆိုလိုသည်။လူသားများအားမိမိတို့ခြေပေါ်၌ပြန်လည်ရပ်တည်လုပ်ကိုင်စားသောက်နိုင်အောင်ကူညီတည်ဆောက်ပေးခြင်း၊၎င်းတို့၌ရှိနေသောကောင်း ချီးများနှင့်ဂုဏ်သိက္ခာကိုသိရှိမြင်တွေ့လာအောင်ကူညီခြင်းတို့ဖြစ်သည်။အစားအစာများဖြင့်ဗိုက်ပြည့်ရုံမျှကူညီကျွေးမွေးရုံဖြင့်မလုံလောက်။လူတို့၏နှလုံးသားကိုလည်းပြည့်အောင်ဖြည့်ဆည်းရမည်။ရဟန်းမင်းကြီးဖရန်စစ်သည်ဟန်ဂေရီနိုင်ငံသားတို့၏ ကြီးမားလှသောမေတ္တာတရားလုပ်ငန်းများအတွက်ကျေးဇူးတင်ကြောင်း၊သာသနာပြုကွန်ရက်ကိုတည်ဆောက်၍သာသနာပြုများ၊ပရဟိတ္တလုပ်သားများ၊သာသနာအုပ်စု၊ဂိုဏ်းချုပ်၊ဂိုဏ်းအုပ်သာသနာများ၏ကရုဏာရေးရုံးများနှင့်ချိပ်ဆက်လုပ်ကိုင်နေကြကြောင်း၊ရုပ်ပိုင်းဆိုင်ရာအကူအညီများသာမကဘဲဆုတောင်းခြင်းအဖွဲ့များကိုလည်းဖွဲ့စည်း၍လည်းကောင်း၊ကက်သလစ်မဟုတ်သောခရစ်ယာန်အဖွဲ့အစည်းများနှင့်လည်းအဖွဲ့များဖွဲ့၍စုပေါင်းကူညီနိုင်သည့်အကူအညီအများကိုကူညီပေးလျှက်ရှိသည်။ထို့အတူရဟန်းမင်းကြီးဖရန်စစ်သည်ဥရောပအလယ်ပိုင်းဒေသမှနိုင်ငံများ၏ကြီးမာသောရက်ရောမှု၊ဒုက္ခသည်များအားအထူးသဖြင့်ယူကရိန်းနိုင်ငံမှစစ်ရှောင်များအားလှိုက်လှဲနွေးထွေးစွာကြိုဆိုလက္ခံပေးခြင်းအတွက်လည်းကျေးဇူးတင်ကြောင်းမိန့်ကြားခဲ့သည်။ရဟန်းမင်းကြီးဖရန်စစ်သည်ရဟန်းမင်းကြီးအဖြစ်အမှုတော်စတင်ထမ်းဆောင်လာခဲ့သည်နောက်ယခုတစ်ကြိမ်ဟန်ဂေရီနိုင်ငံသို့တမန်တော်ခရီးကြွရောက်ခြင်းသည်သူ၏(၄၁)ကြိမ်မြောက်ပြည်ပခရီးစဉ်အဖြစ်မှတ်တမ်း၀င်ခဲ့ပါသည်ရဟန်းမင်းကြီးဖရန်စစ်သည်ဟန်ဂေရီနိုင်ငံ၌(၃)ရက်တာသီတင်းသုံးမည်ဖြစ်သည်။ရဟန်းမင်းကြီးအားကလေးသူငယ်များမှပျော်ရွှင်စွာဖြင့်ကြိုဆိုခဲ့ကြသကဲ့သို့ဒု၀န်ကြီးချုပ်တို့မှနွေးထွေးစွာကြိုဆိုခဲ့ကြသည်။ဟန်ဂေရီနိုင်ငံ၏ရိုးရာအခမ်းအနားဖြင့်လည်းကြိုဆိုခဲ့ကြသည်။(ShalomWorld SWnews)
ဘာသာပြန် -ဖာသာရ် ကလေးမင်းအိန်ဂျယ်
credit photo
.jpg)
.jpg)
.jpg)
#ကမ္ဘာတစ်၀ှမ်းမှ သာမန်ကက်သလစ်ဘာသာ၀င်တို့၏ သာသနာပြု်ဘ၀အခြေအနေ
#The state of Catholic lay missionaries worldwide
#နိုင်ငံရေး၌ ထဲထဲ၀င်၀င်လုပ်ဆောင်လွန်းသောကက်သလစ်ဘုန်းတော်ကြီးအား ရာသက်ပန်အမူတော်ဆောင်နိုင်ခွင့် မှရပ်ဆိုင်းလိုက်
Priest gets ‘irreversible’ suspension for entering politics
.jpg)
#ယခုနှစ်ဗာတီကန်တွင်ထားရှိမည့် သူငယ်တော်အိမ်သည် Peruvian Andes မှဖြစ်မည်။
Nativity scene at the Vatican will be from the Peruvian Andes
#ဆရာဖြစ်သင်တန်း အမှတ်စဉ် (၁၄) အတွက် သင်တန်းသူ/ သားများဖိတ်ခေါ်ခြင်း။
#(PSIE)ပညာစမ့်းရေသင်တန်းကျောင်း။
.jpg)
.jpg)
.jpg)
.jpeg)
#ရဟန်းမင်းကြီးသည် မြေထဲပင်လယ်ဒေသမှဘဲလာရုစ်သို့ရွေ့ပြောင်းသွားသူများအတွက်ဆုတောင်းပေး။
#Pope prays for all migrants, from the Mediterranean to Belarus
#ဩသိုဒေါ့စ်အသင်းတော်ခေါင်းဆောင် Ieronymos II ရဟန်းမင်းကြီးဖရန်စစ်ရောမသို့ပြန်မကြွမီတစ်ည၌ အတူလည်ပတ်ခဲ့ကြ။
#Ieronymos II visits with Pope Francis on eve of his return to Rome
#ဧ၀ဂေလိတရားတော်ကိုစိတ်ရှည်လက်ရှည် စတင်ဟောကြားရန် လိုအပ်ကြောင်း ရဟန်းမင်းကြီက ဥရောပမှ ခရစ်ယာန်များအားမိန့်ကြား။
.jpeg)
.jpg)
.jpeg)
#မြန်မာနိုင်ငံ ကက်သလစ်သူတော်စင် အသင်းဂိုဏ်းများ၏ (၈၂) ကြိမ်မြောက် ညီလာခံအစည်းအဝေး။ (၇-၈၊ ဇန်နဝါရီလ၊ ၂၀၂၂ ခုနှစ်။)
#ကမ္ဘာ့အကောင်းဆုံ ဆရာဆုရရှိသူ ကင်ညာနိုင်ငံသား"(စိန့်ဖရန်စစ်ဂိုဏ်းက ဘရာလ်သာတစ်ပါးPeter Mokaya Tabichi)
#86th General Convention of Catholic Religious Conference of Myanmar (5-7.1.2024, CRCM)#မြန်မာနိုင်ငံလုံးဆိုင်ရာ ကက်သလစ်သူတော်စင်အသင်းဂိုဏ်းများအကြီးအကဲတို့၏(၈၆)ကြိမ်မြောက် ညီလာခံအစည်းအဝေးနှင့်CRCMတည်ရှိခြင်း နှစ်၅၀ပြည့် ဂျူဗလီကျေးဇူးတင်မစ္ဆာတရား။၅-၇၊ ဇန္နဝါရီလ၊ ၂၀၂၄ ခုနှစ်။
