#စိန့်ဖရန်စစ်ဇေးဗီးယားသီလရှင်ဂိုဏ်း၏ရာဇဝင်အကျင်းချုပ်
#အသင်းဂိုဏ်းစတင်တည်ထောင်ခြင်း။

စိန့်ဖရန်စစ်ဇေးဗီးယားသီလရှင်ဂိုဏ်းသည် မြန်မာပြည်၌ ပထမဦးဆုံး တည်ထောင်သောတိုင်းရင်းသူ ဆရာတော်လက်အောက်ခံ ဂိုဏ်းဖြစ်သည်။ မြန်မာပြည် ဆရာတော်ပိုင်သာသနာ (၁၆) ခုအနက် သာသနာ (၁၂) ခုတွင် အမှုတော်ထန်းဆောင်လျှက်ရှိပါသည်။ လက်ရှိဂိုဏ်းဥက္ကဌသည် မာသာရ်မာရီးယားကျင်ဌေးဖြစ်ပြီး အသင်းဂိုဏ်းအတွင်း ရာသက်ပန်သစ္စာပြုပြီးသီလရှင်ပေါင်း(၃၇၉) ၊ ယာရီသစ္စာပြုပြီးသီလရှင်ပေါင်း (၇၁) ပါး စုစုပေါင်း (၄၀၁) ပါးရှိပါသည်။ သီလရှင်ကျောင်းခွဲပေါင်း (၁၀၈) ရှိပါသည်။
ဂိုဏ်းကိုတည်ထောင်သော ဆရာတော်ကြီးအလက်ဇန္ဒားကာဒိုးသည် ဇန္နဝါရီလ- ၁၀ ၁၈၅၇ခုနှစ်တွင် မွေးဖွားပြီး အသက် (၁၈) နှစ်တွင်ရဟန်းဖြစ်သင်ကျောင်းသို့ဝင်ကာ (၁၈၇၉) ခုနှစ် အသက်(၂၂) တွင် MEP ပြင်သစ်ပြည်ရပ်ဝေးသာသနာပြုဂိုဏ်း၌ ရဟန်းသိက္ခာခံယူခဲ့ပါသည်။ ရဟန်းသိက္ခာခံယူပြီး (၃) လကြာ (၁၈၇၉) ခုနှစ်တွင် မြန်မာပြည်သို့စေလွှတ်ခြင်းခံရပါသည်။
(၁၈၈၂) နှစ်တွင်မော်လမြိုင်ကျောင်းထိုင် Fr. Gardon ၏နေရာတွင် (St. Patrick’s) သာသနာ၌ ကျောင်းထိုင်ရဟန်းအဖြစ် ခန့်အပ်ခြင်းခံရသည်။  ( ၁၈၉၄)  ခုနှစ်တွင် မြန်မာပြည်တောင်ပိုင်း၏ ဆရာတော်ဖြစ် ရွေးချယ်ခံခဲ့ရသည်။ မြန်မာပြည်တောင်ပိုင်း ဆရာတော်၏ သာသနာနယ်တွင် ပညာပေးကာ လူ့ဘဝမြင့်တင်ပေးရန် အထူးလိုအပ်နေကြောင်းသိရှိခဲ့ပါသည်။  ဒေသခံတိုင်းရင်းသားများကို ပညာပေးရန် ဒေသခံဘာသာစကားပြောဆိုနိုင်သော သီလရှင်အသင်းဂိုဏ်းတည်ထောင်ရန် အထူးအရေးကြီး လိုအပ်နေကြောင်းကို ဆရာတော်သတိမူမိပါသည်။
ထိုအချိန်၌ နိုင်ငံခြားသာသနာပြုများအတွက် ဘာသာစကားအခက်အခဲရှိသည့်နည်းတူ ခက်ခဲဝေးလံသောဒေသသို့သွားလာရန် အခက်အခဲလည်းရှိပါသည်။ ထို့ကြောင့်ဆရာတော်ကြီးသည် စိန့်ဂျိုးဇက်သီလရှင်များ၏ အကူအညီကိုရယူပြီး စိန့်ဖရန်စစ်ဇေးဗီးယား သီလရှင်အသင်းဂိုဏ်းကို (၁၈၉၇) နှစ်သြဂုတ်လ (၂၆) ရက်နေ့တွင် တရားဝင်တည်ထောင်ခဲ့ပါသည်။ သီလရှင်ဂိုဏ်းကို သာသနာပြုများ၏ဖခင်ကြီး စိန့်ဖရန်စစ်ဇေးဗီးယား၏ အမည်ကိုပေးကာ သူ၏အလိုတော်အတိုင်း ဖြည့်စွတ်ရန်နှင့် သူ၏မှိုင်းမမှုကိုလည်းခံယူရန် ဤအမည်ကိုပေးခဲ့ပါသည်။
(၁၉၀၂) နှစ်ဖေဖေါ်ဝါရီလ(၁၆) ရက်နေ့တွင် စစ္စတာရ် အန်ဂျေလားနှင့် စစ္စတာရ်စီစီးလျားတို့သည် ပထမသစ္စာကိုခံယူကာ စိန့်ဖရန်စစ်ဇေးဗီးယား သီလရှင်ဂိုဏ်း၏ ပထမဦးဆုံးသီလရှင်များဖြစ်ခဲ့ကြပါသည်။ သီလရှင်ဂိုဏ်းသည်လည်း စိန့်ဂျိုးဇက် ဂိုဏ်းဝင်မာသာရ်များ၏ ဦးဆောင်လမ်းညွှန်မှု၌ တိုးတက်ရှင်သန်လာခဲ့ပါသည်။  
အသင်းဂိုဏ်းကိုဦးဆောင်ခဲ့ သောမာသာရ်ကြီးများမှာ မာသာရ် မာရီးယား၊ မာသာရ် ဂွန်းစကား၊ မာသာရ် လေအိုနီမာရီ၊ မာသာရ် မေရီဂျိုးဇက်၊ မာသာရ် မာဂရိတာ၊ မာသာရ် သီအိုဖီန်း၊ မာသာရ်ဟိုး လီးဖဲမ်းမလီတို့ဖြစ်ပြီး (၁၈၉၇) ခုနှစ်မှ (၁၉၅၇) အထိလမ်းညွှန်အုပ်ချုပ်ခဲ့ပါသည်။ ထိုအချိန်၌အထိက တမန်တော်လုပ်ငန်းများမှာ ဘာသာသူများ စက္ကရင်မင်းတူး ထိုက်တန်စွာခံယူနိုင်ရန် ဘုရားစကားသင်ပေးခြင်း၊ မူလတန်းမှ အထက်တန်းထိစာသင် ကျောင်းများဖွင့်ပြီး စာသင်ပေးခြင်း ဆေးပေးခန်းများဖွင့်ပြီး ခိုကိုးရာမဲ့ လူနာများကိုကြည့်ရှု့ခြင်း၊ သာသနာနယ်လှည့်ခြင်းတို့ကို အဓိကလုပ်ဆောင်ပါသည်။ 
         ပထမကမ္ဘာစစ်ပြီးသည့်နောက် (၁၉၂၀) ခုနှစ်သို့ရောက်သောအခါ ဆရာတော်ကြီး အလက်ဇန္ဇားသည် ကျန်းမာရေးချို့တဲ့လာပြီး အမြင်အာရုံလုံးဝကွယ်ပျောက်သွားခဲ့သည်။ ထို့ကြောင့် ခန်းနားကြီးကျယ်သောဝတ်ပြုကိုးကွယ်ခြင်း အခန်းအနားများ၌သာ ပါဝင်နိုင်တော့သည်။ (၁၉၂၅) ခုနှစ်တွင် ရဟန်းဝါတော်နှစ် ၅၀ ပြည့် ရွှေဂျူဘီလီကိုကျင်းပခဲ့ပါသည်။ ကျန်းမာရေးအချေအနေပိုမိုဆိုးရွားလာကာ (၁၉၂၅) ခုနှစ် အောက်တိုဘာလ ၁၈ ရက်နေ့တွင်ပျံလွန်တော်မူခဲ့ပါသည်။
         ဆရာတော်ကြီးကာဒိုးကို မော်လမြိုင်သားအစစ်ဟုပင်ခေါ်ဝေါ်နိုင်ပေသည်။ မြန်မာပြည်သို့ ရောက်သည့်အချိန်မှစ၍ (၁၄) နှစ်တိုင် ကျောင်းထိုင်ရဟန်းတာဝန်ယူခဲ့ပြီး ဆရာတော်အဖြစ် (၃၆) နှစ်အမှုတော်ထမ်းဆောင်ခဲ့သည်။ သူ၏ဘဝအသက်တာတွင် မော်လမြိုင်တွင် ပထမဦးဆုံးခြေလှမ်းစတင်ခဲ့ပြီး မော်လမြိုင်၌ပင်ပျံလွန်တော်မူခဲ့ပါသည်။ သူ၏အလိုဆန္ဒအရ နှစ်ပေါင်းများစွာ အမှုတော်ထမ်းဆောင်ခဲ့သော စိန့်ပက်ထရိတ် ဘုရားကျောင်းကြီးတွင် ဂူသွင်းသင်္ဂြိုလ်ခဲ့ပါသည်။ သူ၏သေတမ်းစာတွင် ရေးသားခဲ့သည်မှာ “ကျွန်ုပ်အသက်ရှင်စဉ်အခါ၌ လူသားများကိုသခင်ခရစ်တော်ထံသို့ အတတ်နိုင်ဆုံးပို့ဆောင်ခဲ့ပါသည်။ ကျွန်ုပ်သေဆုံးသောအခါ၌လည်း ဘာသာသူများ ကိုယ်တော်မြတ်ကိုပင့်ယူရန် ကျွန်ုပ်၏ခန္ဓာကိုယ်ပေါ်ရှောက်သွားပြီး ကိုယ်တော်မြတ်ကိုပင့်ယူကြပါစေ။ ကျေးဇူးပြု၍ ကျွန်ုပ်၏ ခန္ဓာအလောင်းကို ကိုယ်တော်မြတ်တန်းသို့သွားရာလမ်း၌ မြှုပ်နှံထားပေးပါရန်တောင်းဆိုပါသည်။” ဟုပါရှိလေသည်။
ဆရာတော်ကြီး အလက်ဇန်းဒါးကာဒိုးပျံလွန်ပြီးသည့်နောက် ဆရာတော်ကြီး ဖိလစ်ပဲရွဲမှဆက်ခံပြီး စိန့်ဖရန်စစ်ဇေးဗီးယား သီလရှင်များကို ဆက်လက်လမ်းညွှန် ဦးဆောင်ပေးခဲ့ပါသည်။
(၁၉၅၈) ခုနှစ် မေလ (၇) ရက်နေ့တွင် စိန့်ဖရန်စစ်ဇေးဗီးယား သီလရှင်ဂိုဏ်း၏ ညီလာခံပွဲကို ကျင်းပခဲ့ရာ မာသာရ်ဖီလိုမီနားက ကထမဦးဆုံးတိုင်းရင်းသူ ဂိုဏ်းဥက္ကဌအဖြစ် ရွေးချယ်ခံရပါသည်။ (၁၉၅၅ မှ ၁၉၆၇) ခုနှစ်အတွင်း သီလရှင်ကျောင်းခွဲပေါင်း(၁၇) ကျောင်းရှိပါသည်။ ရန်ကုန်ဂိုဏ်းချုပ်သာသနာတွင် (၇) ကျောင်း၊ ပုသိမ်ဂိုဏ်းအုပ်သာသနာတွင် (၁၀) ကျောင်းရှိခဲ့ပါသည်။
(၁၉၆၂ နှစ်မှ ၁၉၆၆ ခုနှစ်များတွင် နိုင်ငံခြားသား စိန့်ဂျိုးဇက်သီလရှင်များ ပုသိမ်မှ တဖြည်းဖြည်း ဆုတ်ခွာသွားကြသည်။ တိုင်းရင်းသူ သီလရှင်အကြီးအကဲများမှာ ယနေ့တိုင်အောင် အသင်းဂိုဏ်းကိုကြည့်ရှု တာဝန်ယူနေကြပါသည်။
၁၉၆၄ ခုနှစ် ဖေဖဝါရီလ ၂၈-ရက်နေ့တွင် ရဟန်းမင်းကြီး ဆဋ္ဌမမြောက် ပေါလူးလက်ထက်၌ စိန့်ဖရန်စစ်ဇေးဗီးယားသီလရှင်ဂိုဏ်းသည် ဆရာတော်လက်အောက်ခံ သီလရှင်ဂိုဏ်းအဖြစ် တရားဝင်သတ်မှတ်ပေးခဲ့ပါသည်။
#တိုင်းရင်းသူသီလရှင်အကြီးအကဲများမှာ-
၁.     မာသာရ် ဖီလိုမီနား        ၁၉၅၇ – ၁၉၆၉
၂.      မာသာရ် ဂျေနိုဗိ           ၁၉၇၀ – ၁၉၈၂
၃.     မာသာရ် အစွမ်းတား      ၁၉၈၃ – ၁၉၉၄
၄.     မာသာရ် မေရီဂျိုးဇက်     ၁၉၉၄ – ၂၀၀၀
၅.     မာသာရ် မာဂရက်မေရီ          ၂၀၀၀ – ၂၀၁၂
၆.     မာသာရ် မာရ်ဆီကော်လက်  ၂၀၁၂ – ၂၀၁၈
၇.     မာသာရ် မာရီးယားကျင်ဌေး   ၂၀၁၈ - (လက်ရှိ)

#စိန့်ဖရန်စစ်ဇေးဗီးယားသီလရှင်ဂိုဏ်း၏ စိတ်ဝိညာဥ်
စိန့်ဖရန်စစ်ဇေးဗီးယားသီလရှင်ဂိုဏ်း၏ ဝိညဉ်တော်ကျေးဇူး Charism မှာ
“ပုဂ္ဂိုလ်သုံးပါးတစ်ဆူဘုရား၏ပေါင်းစည်းညီညွတ်ခြင်း၌ အမြစ်တွယ်လျှက် အလိုအပ်ဆုံးသောသူတိုင်းအား ဆင်းရဲခြင်းစိတ်ဝိညာဉ်နှင့်အစေခံခြင်းဖြင့် ဧဝံဂေလိတေင်းကောင်းကို သက်သေခံခြင်း” ဖြစ်သည်။ 

#ရည်မှန်းချက်အမြင်၊ Vision မှာ
“ဘုရားသခင်၏ချစ်ခြင်းမေတ္တာကို လူတိုင်းသိရှိခံစားလျှက် ပြည့်ဝစုံလင်သော လူ့ဘဝအသက်တာသို့”။

#စေလွတ်ခံတမန်တော်လုပ်ငန်း Mission မှာ
- ဘုရားစကားသင်ခြင်း၊ ဧဝံဂေလိသတင်းကောင်းကိုဟောပြောခြင်းဖြင့် လူသားများ၏ ယုံကြည်ခြင်းကို တိုးပွားစေခြင်း။
- ဘက်စုံပညာသင်ကြားပေးခြင်းဖြင့် လူသားတို့၏ဘဝကို မြှင့်တင်ပေးခြင်း။
- အဖွဲ့အစည်းထဲ၌ ယုံကြည်ခြင်းနှင့် ဘဝအတွေ့အကြုံများ ဝေမျှခြင်း၊ ပုံမှန် Community meeting ပြုလုပ်ခြင်း။
- Community အတွင်း၌ပင်ကိုယ်စွမ်းရည်နှင့် အတတ်ပညာပိုင်းဆိုင်ရာ တိုးတက်မြင့် မားလာစေရန် အားပေးကူညီခြင်းတို့ဖြင့် အဖွဲ့အစည်း Community ထဲ၌ ဆက်ဆံရေး ပိုမိုဖွံဖြိုးတိုးတက်လာစေခြင်း။

#အသင်းဂိုဏ်း၏ ဆောင်ပုဒ်မှာ- “Sentire Cum Ecclesia အသင်းတော်နှင့် တစ်လုံးတစ်ဝတည်းရှိခြင်း။”

#အသင်းဂိုဏ်၏ဝိညာဉ်ရေး လမ်းစဉ်မှာ -
- လိုဂိုတံစိတ် တွင်ပါရှိသည့်အတိုင်း ကျောက်ဆူးပေါ်တွင် မီးလျှာထွန်းလင်းနေသည်။
- ကျောက်ဆူး၏ အဓိပ္ပါယ်မှာ သီလရှင်များ ခိုင်မာသောယုံကြည်ခြင်းဖြင့် ဘုရားသခင်နှင့် ပေါင်းစပ်ခြင်းကို ရည်ညွန်းးပါသည်။
- မီးရောင်၏ အဓိပ္ပါယ်မှာ သခင်ယေဇူးနှင့် သီလရှင်များကို ရည်ညွန်းပါသည်။ သခင်ယေဇူးသည် သီလရှင်များ ၏အလင်းဖြစ်သကဲ့သို့ သီလရှင်များသည်လည်း လောကကို အလင်းပေးသူများဖြစ်ကြောင်း ဖော်ဆောင်ထားပါသည်။
အသင်းဂိုဏ်းကို အလွန်စင်ကြယ် သောမယ်တော်၏နှလုံးတော်ထံ အပ်နှံထားပြီး၊ အမိမယ်တော်သည် ဆုတောင်ခြင်း၊ ဘုရားသခင်နှင့်ပေါင်းစပ်ခြင်း၌ သီလရှင်များအား လမ်းပြဦးဆောင်သူဖြစ်သည်။
သာသနာပြုရာ၌ စိတ်အားထက်သန်လှသော သူတော်မြတ်စိန့်ဖရန်စစ်ဇေးဗီးယားသည် အသင်းဂိုဏ်းကိုကာကွယ်စောင့်ရှောင့်ပေးသူဖြစ်ပြီး၊ စိန့်ဖရန်စစ်ဇေးဗီးယား၏ ထူးခြားသောစိတ်ဓါတ်ဖြစ်သည့် ဘုရားကိုချစ်ခြင်း လူသားများကိုချစ်ခြင်း စိတ်ဓါတ်ကို အတုယူကာ ဘဝကိုဆက်ကပ်ပူဇော်ကြပါသည်။ 

#စိန်ဖရန်စစ်ဇေးဗီးယားသီလရှင်ဂိုဏ်း၏ အဓိကတမန်တော်လုပ်ငန်းများမှာ-
၁။ ဘာသာသူများ စက္ကရာမင်တူးကို ထိုက်တန်စွာ ခံယူနိုင်စေရန် ဘုရားစကား အယူဝါဒသင်ကြားပေးခြင်း။
၂။ မိန်းခလေးဘော်ဒါကျောင်းများ၊ မူကြိုကျောင်းများဖွင့်ပြီး စာရိတ္တထိန်းကျောင်း လမ်းညွန်ပေးခြင်း၊ အခြေခံပညာသင်ပေးခြင်း။
၃။ ဆေးပေးခန်းများဖွင့်လှစ်ကာ ခိုကိုးရာမဲ့ဆင်းရဲသားများအား ဆေးဝါးကုသပေးခြင်း။ ကျေးလက်တောရွာမှ လူနာများအား ဆေးရုံသို့ဆောင်လမ်းညွန်ပေးခြင်း။
၄။ သက်ကြီးရွယ်အို မသန်စွမ်းသူများအား ကြည့်ရှုပြုစုခြင်း။
၅။ သာသနာနယ်လည့်ခြင်း။
၆။ သာသနာပိုင်ဆရာတော်ကြီးများ၏ လမ်းညွန်မှု၌ သာသနာတော်အတွက် အကျိုးဖြစ်ထွန်းစေမည့် လုပ်ငန်းများကို လုပ်ဆောင်ခြင်း၊ စသည်တို့ဖြစ်သည်။
 
#ကနဦးပျိုးထောင်ပုံသွင်းခြင်းကာလ။
၁။ ဝင်လိုသူအဆင့်။
ဤအဆင့်၌ရှိသောမိန်းခလေးများသည်၊ အစိုးရကျောင်းများ၌ တက္ကသိုလ်ပညာရပ်များကို ဆည်းပူးရင်း၊ သီလရှင်အသင်းဂိုဏ်းနှင့် သီလရှင်ဘဝကို လေ့လာနေသော မိန်းခလေးများဖြစ်သည်။

၂။ အကြိုတောင်းခံသူအဆင့်။
ဤအဆင့်တွင် လောကီပညာရပ်များထက် အခြေခံဓမ္မင်္သဂြိုလ်ပညာ၊ ဝိညာဉ်ရေးဆိုင်ရာ ပညာရပ်များ၊ ဝိညာဉ်ရေးလေ့ကျင့်ခန်းများ၊ သီလရှင်ဘဝနှင့်ဆိုင်သော ပညာရပ်များ၊ ကျင့်စဉ်များ၊ အထူးသဖြင့် စိန့်ဖရန်စစ်ဇေးဗီးယား သီလရှင်များ၏ ကျင့်စဉ်များကို သင်ကြားပေးပါသည်။ အချိန်ကာလမှာ (၁)နှစ် မှ (၂)နှစ် အထိဖြစ်ပါသည်။

၃။ တောင်းခံသူအဆင့်။
ဤအဆင့်တွင် အခြေခံဓမ္မင်္သဂြိုလ်ပညာရပ်များကို ဆက်လက်သင်ကြားခြင်း၊ စိန့်ဖရန်စစ်ဇေးဗီးယား သီလရှင်အသင်းဂိုဏ်း၏ အခြေခံဥပဒေ၊ အတူတကွနေထိုင်ခြင်းအသက်တာ၊ မိမိဘဝခေါ်တော်မူခြင်းအသက်တာကို လေးနက်စွာစစ်ဆေးထောက်ရှုခြင်းများကို သင်ယူလေ့ကျင့်ရပါသည်။
ဤအဆင့်တွင် (၁)နှစ်ဖြစ်သည်၊ လိုအပ်ပါက ၆-လ ဆက်နေနိုင်သည်။

၄။ သီလရှင်လောင်းအဆင့်။

သီလရှင်လောင်းအဆင့်သည် ၂-နှစ်ကြာပြီး၊ သီလရှင်တို့၏ ကျင့်စဉ်ကတိသစ္စာ သုံးပါးအကြောင်း၊ သီလရှင်ဂိုဏ်း၏ အခြေခံဥပဒေအကြောင်း၊ ဆုတောင်းခြင်း အသက်တာအကြောင်း၊ အတူတကွနေထိုင်ခြင်းအသက်တာအကြောင်း၊ အသင်းဂိုဏ်၏မန်တော်လုပ်ငန်းအကြောင်း သင်ကြားပေးပါသည်။ ပထမနှစ်သီလရှင်လောင်းများကို အနည်းဆုံး (၂)လ၊ ကျောင်းခွဲများသို့ပို့ပြီး အတွေ့အကြုံရယူစေပါသည်။

#အသင်းဂိုဏ်း၏စာရင်းမှတ်တမ်း (၂၀၂၁)
၁။ သီလရှင်စုစုပေါင်း ။                           ၄၅၀ – ပါး။
၂။ ရာသက်ပန်သစ္စာပြုပြီးသီလရှင်များ။   ၃၇၉ – ပါး။
၃။  ယာယီ သစ္စာပြုပြီးသီလရှင်များ။           ၇၁ – ပါး။
၄။ ဒုတိယနှစ်သီလရှင်လောင်းများ။              ၈ – ဦး။
၅။ ပထမနှစ် သီလရှင်လောင်းများ။               ၃ – ဦး။
၆။ တောင်းခံသူ                                           ၆ – ဦး။
၇။ အကြိုတောင်းခံသူ                                  ၆ – ဦး။
၈။ ဝင်လိုသူ                                              ၃၁ – ဦး။

#မွမ်းမံသင်တန်းများ။
ရန်ကုန် CRCM အဖွဲ့နှင့်ပူးတွဲပြီး၊ နှစ်စဉ်သီလရှင် အကြီးအငယ်များအတွက် မွမ်းမံသင်တန်းများ ပြုလုပ်ပေးနေပါသည်။ နှစ်စဉ် နှစ်ပတ်လည် ဝတ်မစောင့်မှီ ၃-ရက် မွမ်းမံသင်တန်း ပြုလုပ်ပေးပါသည်။ ရာသက်ပန် သစ္စာပြုမည့်သီလရှင်များအတွက် ၄-လ မွမ်းမံသင်တန်းပြုလုပ်ပေးပါသည်။ မိမိတို့ တာဝန်ထမ်းဆောင် နေသော သာသနာ၌လည်း ဝိညာဉ်ရေး ၊ပညာရေး၊ ကျန်းမာရေး၊ လူမှုရေးး ဆိုင်ရာသင်တန်း အတွေ့အကြုံများ ရယူနေကြပါသည်။

The arrival of the Society of Foreign Mission of Paris (MEP) to Myanmar in 1856 was a blessing for both country and Catholic Mission in Myanmar. Bishop Alexander Cardot who has become the founder of the Congregation of SFX Sisters was one of the missionaries sent by Missions Etrangeres de Paris (MEP).  Born in January 10, 1857, in Besancon, France, Bishop Alexander Cardot was a zealous MEP missionary and a man of deep contemplative nature. At the age of 18, he entered the Seminaire de Missions Etrangeres de Paris ( MEP). He was ordained on September 20, 1879, and sent to be a missionary in the Church of Myanmar in November of that year.  He was consecrated as Bishop of the Southern part of Myanmar in 1894, succeeding the Great Bishop Ambrose Bigandet who passed away in advanced age,  in 1892 in Yangon.  

Bishop Alexander Cardot fully understood that educating the people was not only propagating the faith but also raising the whole life of the people to the fullness of life. With this in mind, he founded the Congregation of the Sisters of St. Francis Xavier in 1897 on August 26, placing it under the patronage of St. Francis Xavier, the great missionary of Asia. The mission of the newly established Congregation is dedicated to preaching, teaching, providing humble and loving services according to the needs of the Church in Myanmar.

SFX Sisters are also known as an Apostolic Religious Congregation in the Diocese of Pathein, Myanmar. Today the Congregation is increasing in number which now counts 432 Sisters both perpetual and temporal professed.  The Sisters are currently working in 13 Dioceses out of 16 Dioceses in Myanmar. The Congregation has in total 110 houses both in-country and out country ( in Myanmar, the Philippines, the United States, Italy, Thailand, and India).

The spirituality of the Congregation is expressed in the Logo of the Congregation which was composed of an anchor with a burning light on its top. The anchor symbolizes the contemplative dimension of the Congregation. The Anchor symbolizes Faith. The Light symbolizes Jesus, the Light of the world. The Chain that attaches the anchor symbolizes the unity in Jesus with the Sister. The Sisters’ Faith is to be deepened in the Lord Jesus in order to share His Compassion with others by their loving witness to the Gospel.

The Sisters of St. Francis Xavier are called to be the light of Faith making God’s loving presence felt among people through their humble and loving services according to the needs of the Church in its mission. As Jesus is the Light of the world who enlightens and guides the Sisters, they, in turn, must be the light for others.

Being Poor in Spirit and Serving the Most Needy

God’s presence is known and felt by uplifting the dignity of all people.

Deepening the experience of God in the Consecrated Religious Life.

Sharing the love of God both in Social and Pastoral works.

Strengthening the community life by promoting Congregational Governance’s capacity in accordance with signs of the time.

email: st.francisxaviersrs@gmail.com

SISTER OF ST.FRANCIS XAVIER

St. Peter's Cathedral, Mingyi Road, Pathein, 10011, Ayeyarwaddy Region, Myanmar

Phone: +95 042 24866

Email: st.francisxaviersrs@gmail.com

စိန်ဖရန်စစ်ဇေးဗီးယားသီလရှင်ဂိုဏ်း

စိန်ပီတာဘုရားကျောင်းဝန်း၊ မင်းကြီးလမ်း၊ ပုသိမ်မြို့၊ ၁၀၀၁၁၊ ဧရာဝတီတိုင်းဒေသကြီး၊ မြန်မာ

ဖုန်း +၉၅ ၀၄၂ ၂၄၈၆၆

"အတူတကွ ခရီးပြုနေသော မျှော်လင့်ခြင်း၊ ငြိမ်းချမ်းခြင်းနှင့်တရားမျှတခြင်းဆီသို့"တက်လှမ်းရမည့်ခရီးရှည်ကာဒီနယ် ချားလ်စ်ဘိုရန်ကုန်ဂိုဏ်းချုပ်သာသနာပိုင်ဆရာတော်၊ မြန်မာနိုင်ငံအာရှတိုက် ကက်သလစ်ဆရာတော်ကြီးများအဖွဲ့ချုပ် ဥက္ကဌစိန့်ပီတာ ဘာစီလီကာ၊ ၂၃ အောက်တိုဘာ ၂၀၂၃ချစ်လှစွာသော မိတ်ဆွေအပေါင်းတို့၊သခင်ခရစ်တော်၏ ငြိမ်းချမ်းခြင်းသည် သင်တို့နှင့်ရှိပါစေ။ကျွန်ုပ်တို့ရဲ့ ရှေးဘိုးဘေးများဖြစ်ကြတဲ့ အာဒံနဲ့ဧဝတို့ဟာ တစ်ချိန်က သိရှိခံစားခဲ့ကြရတဲ့နှစ်သိမ့်မှုနဲ့ ကျေးဇူးတော်များကို ဥပေက္ခာပြုပြီး အမိုက်မှောင်ဖုံးလွှမ်းတဲ့လမ်းကိုရွေးချယ်ခဲ့ကြတဲ့ အကြောင်း သမ္မာကျမ်းစာတော်မြတ်မှာ ကျွန်ပ်တို့တွေ့ရပါတယ်။အဲဒီအချိန်ကစပြီးလူသားမျိုးနွယ် တွေဟာ အဓိပ္ပါယ်မယိမ်းယိုင်တဲ့ ဝိညာဉ်ရေးရာရှာဖွေမှုတစ်ခုကို တစိုက်မက်မကလုပ်ဆောင် ခဲ့ကြတယ်။ထွက်မြောက်ရာကျမ်းထဲကခရီးစဉ်တစ်ခုမှာအဖိနှိပ်ခံနေရသူတွေကို လွတ်မြောက် စေသူအဖြစ် မိုးဇယ်အမည်ရှိသောသိုးထိန်းကို ခန့်အပ်ပြီး ဖာရောဘုရင်ရဲ့ မာနကို ရင်ဆိုင်ဖို့ ဘုရား သခင်ကို ပုံဖော်ထားခဲ့ပါတယ်။ဒီအခိုက်အတန့်မှာ ဘုရားရှင်ဟာ သမ္မာကျမ်းစာတော်က ထပ်တလဲလဲ ဖော်ပြနေတဲ့ပါစကားနက်နဲရာတွေကို အစပြုခဲ့ပြီး ကျိုးပဲ့ကြေမွနေတဲလူသားများနဲ့အတူ ကိုယ်တော်တိုင်အတူတကွ ပါရှိနေခဲ့ပါတယ်။ ဒီသတင်းစကားဟာ ရှင်းနေပါတယ်။ ဘုရားသခင်ဟာ သူ့ရဲ့လူတွေ ကို ဘယ်သောအခါမှ မစွန့်ပစ်ပါဘူး။ယုံကြည်ခြင်း၏ဖခင်ဖြစ်တဲ့ အာဗြဟံဟာ ဘယ်နေရာမှန်း မသိတဲ့အရပ်ကိုခေါ်တော်မူခြင်း ခံရပါတယ်။ ပထမကျမ်းစာမှာ ကြားနာခဲ့ကြရတဲ့အတိုင်း စိန့်ပေါလ်ကရောမမြို့သားတို့ထံ ပေးသောစာ မှာ အာဗြဟံကို စံနမူနာအဖြစ် တင်ပြခဲ့ပါတယ်။ ကျွန်ုပ်တို့ရဲ့ဘဝအသက်တာနဲ့ ယုံကြည်ခြင်းအတွက် အမျိုးမျိုးသော ခရီးများကို စတင်တဲ့အခါ၊ မသေချာမရေရာတဲ့ ခရီးလမ်းကြောင်း ဦးတည်ရာကို မကြာခဏ တွေ့နေရပေမဲ့မယိမ်းယိုင်တဲ့ယုံကြည်ခြင်းနဲ့ မသိသေးတဲ့အရာတွေအတွက် စွန့်စားလျှောက် လှမ်းဖို့ကျွန်ုပ်တို့ကို ဖိတ်ခေါ်နေပါ တယ်။ အာဗြဟံရဲ့ ယုံကြည်ခြင်းဟာ သူ့ကို ဖြောင့်မတ်စေသလိုကျွန်ုပ်တို့ရဲ့ ယုံကြည်ခြင်းဟာလည်း ကျွန်ုပ်တို့ကို ဖြောင့်မတ်ရာသို့ ရောက်စေတယ်။အဲဒီယုံကြည်ခြင်း ကတော့ ဘုရားသခင်ဟာ သူရဲ့ကတိတော်တွေကို ကျွန်ပ်တို့အတွက်အမြဲဖြည့်ဆည်းပေးတယ်ဆိုတဲ့ ယုံကြည်ခြင်းပဲ ဖြစ်ပါတယ်။ ကျွန်ုပ်တို့ရဲ့ ဓမ္မညီလာခံ (synodal)ခရီးဟာ ပုံသေသင်္ချာညီမျှခြင်းများနဲ့ ကြိုတင်အစီအစဉ်ချထားတဲ့ အာကာသသိပ္ပံဆိုင်ရာခရီး(space odyssey) မဟုတ်ပါဘူး။ တကယ်တမ်း တော့ ဘုရားသခင်ဟာ ကျွန်ုပ်တို့ကိုခေါ်တော်မူတဲ့အခါ ကိုယ်တော်တိုင် ကျွန်ုပ်တို့ရဲ့ ဦးဆောင်သူ၊ ကျွန်ုပ်တို့ရဲ့လမ်းပြမြေပုံနဲ့ကျွန်ုပ်တို့ရဲ့ လက်တွဲဖော် ဖြစ်လာပါတယ်။ယုံကြည်ခြင်းဆိုတာ ဘဝရဲ့ အမှောင်မိုက်ဆုံးနဲ့ အရှုပ်ထွေးဆုံး အခိုက်အတန့်တွေကိုထွန်းလင်းတောက်ပလာစေ ဖို့အတွက် အရိပ်များကို ထိုးဖောက်ဝင်ရောက်တဲ့အလင်းတန်းလိုမျိုးဘုရားသခင်ရဲ့ကျေးဇူးတော်တွေကို ကျွန်ုပ်တို့ သိမြင်လာစေပါတယ်။ ကျွန်ုပ်တို့ဟာအာဗြဟံလိုမျိုးပဲ ဘုရားသခင်ဟာ ဘယ်သောအခါမျှ မကျရှုံး‌ကြောင်းကို လက်ခံယုံကြည်ပြီးဓမ္မညီလာခံလမ်းစဉ်ကို (synodal journey) ပုံဖော်ခြင်းအားဖြင့် သာသနာတော်အားဖြောင့်မတ်စေဖို့ ခေါ်တော်မူခြင်း ခံရပါ တယ်။ဒီခရီးရှည်ကြီးမှာ ကျွန်ုပ်တို့နဲ့အတူ သံသယတွေ၊ စိုးရိမ်ပူပန်မှုတွေ ရှိနေပေမဲ့ ကျွန်ုပ်တို့အားလုံးအတွက် လွတ်မြောက်စေသူနဲ့ စံနမူနာအဖြစ် ဘုရားသခင်ရွေးချယ်ထားတော်မူတဲ့မိုးဇယ် ကဲ့သို့သော ပုဂ္ဂိုလ်များထံမှ အတုယူနိုင်ပါတယ်။ ကျွန်ုပ်တို့ရည်မှန်းထားတဲ့ပန်းတိုင်သို့မရောက်နိုင် သေးပေမဲ့ ဒီခရီးမှာ ပါဝင်ရခြင်းကိုက ကောင်းချီးမင်္ဂလာတစ်ခုပဲဖြစ်ပါတယ်။အနောက်အာရှနဲ့ ကမ္ဘာ တဝှမ်းက အခြားသောဒေသတွေမှာ မကြာသေးမီ ကဖြစ်ပွားခဲ့တဲ့ အရာတွေကို မြင်တွေ့ခဲ့ရတဲ့အတိုင်း ကမ္ဘာအနှံ့ ဖြစ်ပွားနေတဲ့မငြိမ်မသက်မှုတွေကြားထဲကနေပဲ ဒီဓမ္မညီလာခံခရီးစဥ်ဟာသာသနာတော်ကအစပြုပြီးလူသားမျိုးနွယ် အားလုံးအတွက်မျိုးဆက်တစ်ခုဆီကိုမျှော်လင့်ချက်ရှည်ကြီးနဲ့ ချီတက်နေတာကို ကျွန်ုပ်တို့နားလည်ပါတယ်။ယနေ့ဧဝံဂေလိကျမ်းစာတော်မြတ်က လူတွေရဲ့ ဆင်းရဲဒုက္ခနဲ့ ပဋိပက္ခတွေရဲ့ပင်မရင်းမြစ်ဖြစ်တဲ့မိမိကိုယ်ကိဦးစားပေး ဗဟိုပြုတတ်သော အတ္တဝါဒ မိဘရင်းအပြစ်အကြောင်း ဖော်ပြထားပြီး လူ့နှလုံးသားအတွင်း၌လောဘဇောအဖြစ်ကိန်းအောင်းနေကြောင်း မီးမှောင်းထိုးပြနေပါတယ်။ လောဘကြီးတဲ့ မြေပိုင်ရှင်တစ်ဦးရဲ့အသောမတတ်သောလိုချင်တပ်မက်မှုများဟာ မိမိကိုယ့်ကိုယ်ဖျက်ဆီးနေကြောင်းကိုသခင်ခရစ်တော်ကပုံဥပမာနဲ့ ဖော်ပြထားပါတယ်။ဘုရားသခင်ဟာ ကျွန်ုပ်တို့တစ်ဦးစီနဲ့ကျွန်ုပ်တို့ရဲ့သာသနာတော်အတွက်အစီအစဉ်ရှိပြီး၊ ကျွန်ုပ်တို့ရဲ့ ဘ၀ခရီးနဲ့ အစီအစဉ်တွေဟာလည်း ဘုရားရှင်ရဲ့ အလိုတော်နဲ့အညီ ဖြစ်နေရမယ်။ ချမ်းသာကြွယ်၀တဲ့မြေပိုင်ရှင်နဲ့သူအလွန် အကျွံစုဆောင်းထားတဲ့သိုလှောင်ရုံပုံဥပမာကဘာနဲ့တူသလဲဆိုရင် စစ်ပွဲများနဲ့လက်နက်လုပ်ငန်းများကြောင့် ချမ်းသာကြွယ်ဝမှုတစ်ဖက်မှာရှိနေချိန်သန်းနဲ့ချီသောဆင်းရဲဒုက္ခများလည်း ရှိနေကြောင်း ယနေ့ကမ္ဘာကြီးအတွက်သက်သေသာဓကဖြစ်နေပါတယ် စိန့်ပေါလ်ဟာ ရိုးရှင်းတဲ့ဖြေဆေး (antidote) ကို ပထမကျမ်းမှာ ဖော်ပြပေးထားပါတယ်။လူသားတွေအတွက် မျှော်လင့်ချက်နဲ့ ကုသခြင်းဆိုင်ရာကိုလိုလားနေသော ဘုရားသခင်ကိုယုံကြည်ပါ။သင်တို့ရဲ့အိပ်မက်ကို ဘုရားသခင်ရဲ့ အစီအစဥ်နဲ့အတူအမြဲနှိုင်းယှဉ်ပါ။”ဒီသတင်းစကားဟာယနေ့ ဧဝံဂေလိတရားတော်ကို ထင်ဟပ် နေစေပါတယ်။ပုပ်ရဟန်းမင်းကြီး ဖရန်စစ်အရှင်သူမြတ်က မကြာသေးမီကသူ့ရဲ့အထင်ကရစာချွန်တော်များထဲမှာ အလေးပေးဖော်ပြခဲ့တဲ့အတိုင်း လူသားတို့ရဲ့လောဘဟာကျွန်ပ်တို့ကမ္ဘာမြေကြီးပေါ်မှာ ဒဏ်ရာဒဏ်ချက်တွေကိုနက်ရှိုင်းစွာစွဲနေစေပြီးသန်းနဲ့ချီတဲ့လူသားတို့ရဲ့ဂုဏ်သိက္ခာဟာ ဖယ်ရှားခံခဲ့ရပါတယ်။ဒီစာချွန်တော်တွေဟာလူသားများနဲ့ကမ္ဘာမြေကို ကယ်တင်ဖို့ ပြန်လည်သင့်မြတ်ရေး အချက်သုံးချက်ကိုတောင်းဆိုနေပါတယ်။အဲဒီအချက် ၃ ချက်ကတော့ ဘုရားသခင်နှင့် ပြန်လည် သင့်မြတ်ကျေအေးခြင်း(Evangelii Gaudium)၊ သဘာဝနှင့် ပြန်လည်သင့်မြတ်ကျေအေးခြင်း (Laudato Si)၊ နှင့် အချင်းချင်းပြန်လည်သင့်မြတ်ကျေအေးခြင်း (Fratelli Tutti) တို့ဖြစ်ကြပါတယ်။ ကျွန်ုပ်တို့ရဲ့ဓမ္မညီလာခံခရီးဟာ တရားမျှတမှုနဲ့ ငြိမ်းချမ်းမှုတို့၌ ကမ္ဘာကြီးကို ကုသပေးဖို့နဲ့ပြန်လည်သင့်မြတ် ကျေအေးစေဖို့ပဲဖြစ်ပါတယ်။ လူသားမျိုးနွယ်ကိုကယ်တင်ဖို့နဲ့မျှော်လင့်ခြင်း၊ ငြိမ်းချမ်းခြင်းနဲ့၊ တရားမျှတမှုကမ္ဘာကို ဖန်တီးဖို့ တစ်ခုတည်းသောနည်းလမ်းမှာလူသားတွေရဲ့ ကမ္ဘာလုံးဆိုင်ရာလူသားအားလုံး အတူတကွခရီးပြုကြမှသာ (စည်းလုံးညီညွတ်မှုမှသာ)ဖြစ်နိုင်ပါလိမ့်မယ်။အစ်ကိုဖြစ်သူနဲ့ အမွေကိစ္စအငြင်းပွားမှုကို ဖြေရှင်းပေးဖို့သခင်ခရစ်တော်၏အကူအညီကို တောင်းခံ ခဲ့တဲ့အမျိုးသားတစ်ဦးအကြောင်းကိုဧဝံဂေလိကျမ်းစာတော်မြတ်ထဲက ပုံဥပမာက ပုံဖော်ထားပါတယ်။ ဒီဓမ္မညီလာခံအတွင်း၊ကျွန်ုပ်တို့ရဲ့ စိုးရိမ်ပူပန်မှုတစ်ခုကတော့ နောင်လာ နောက်သားတွေ အတွက် ချန်ထားခဲ့ရမယ့်အမွေအနှစ်ပဲဖြစ်ပါတယ်။ နောင်မျိုးဆက်သစ်လူငယ်များရဲ့ ရပိုင်ခွင့် အမွေအနှစ်တွေဖြစ်တဲ့ပြည့်ဝစုံလင်တဲ့ သဘာဝပတ်ဝန်းကျင်နဲ့ ပိုမိုငြိမ်းချမ်းတဲ့ကမ္ဘာကြီးကို နောင်လာနောက်သားလူငယ်တွေဆီကနေ ချေးငှါးအသုံးပြုခဲ့တာကြောင့် အန္တရာယ်ကျရောက် နေပါတယ်။ ကမ္ဘာကြီးပူနွေးလာမှုဟာ လူ့အဖွဲ့အစည်းများနဲ့ သန်းပေါင်းများစွာသော အသက်မွေး ဝမ်းကျောင်းများကိုဖျက်ဆီးနေခဲ့ပြီး နောင်မျိုးဆက်တွေကို ခြိမ်းခြောက်လျက် ရှိနေပါတယ်။ ပုပ်ရဟန်းမင်းကြီးဖရန်စစ်အရှင်သူမြတ်က မျိုးဆက်သစ်များအတွက် တရားမျှတသော သဘောထားအယူအဆကို အာရုံစိုက်လျက် ရှိပါတယ်။အာရှတိုက်ရဲ့ ဆရာတော်ကြီးများအနေနဲ့ ကျွန်ုပ်တို့ဟာ ရာသီဥတုကြောင့် ဖြစ်ပေါ်လာတဲ့သဘာဝ ဘေးအန္တရာယ်များကြောင့် ကျွန်ုပ်တို့ရဲ့ ဒေသအပေါ် သဘာဝပတ်ဝန်းကျင်ထိခိုက်ပျက်စီးမှုကို ကောင်းစွာ သတိပြုမိကြပါတယ်။ ကျွန်ုပ်တို့မှာသိသာထင်ရှားတဲ့ လူဦးရေရှိသည့် ဌာနေခရစ်ယာန် အသိုင်းအဝိုင်းများအခြေချရာဒေသတွေရှိပါတယ်။ အဲဒီဒေသတွေဟာ အထူးသဖြင့် တောင်တရုတ် ပင်လယ်၊အိန္ဒိယအလယ်ပိုင်း၊ ဗီယက်နမ်နဲ့ မြန်မာနိုင်ငံတို့ ဖြစ်ကြပါတယ်။ ဒီလူမှုအဖွဲ့အစည်းအသိုင်းအဝိုင်းများဟာ သဘာဝတရားကို ကာကွယ်စောင့်ရှောက်သူများဖြစ်ကြသော်လည်းဘဲယခုခေတ်ကာလရဲ့အယူဝါဒများ၊ ကိုလိုနီပြုခြင်းနဲ့ သယံဇာတ အမြတ်ထုတ်ခံရခြင်းတို့ကိုလည်းခံစား နေကြရပါတယ်။ အာရှတိုက်ကက်သလစ်ဆရာတော်ကြီးများအဖွဲ့ချုပ် FABC ဟာ အဖွဲ့ရဲ့နှစ်ငါးဆယ် မြောက်နှစ်ပတ်လည်နေ့ကို ဂုဏ်ပြုသောအားဖြင့်၊ ဒီဒေသတွေမှာရှိနေတဲ့ကျွန်ုပ်တို့ကမ္ဘာမြေရဲ့ အဆုတ်များ ဖြစ်ကြတဲ့ သစ်တောများ အစုအဝေးလိုက်ပျက်စီးခြင်းနဲ့ဌာနေတိုင်းရင်းသား လူမျိုးများ အပေါ်အကြမ်းဖက်မှုများတိုးပွားလာခြင်းတို့အပေါ်ကို ကမ္ဘာ့ကသတိပြုမိစေဖို့ ကျွန်ပ်တို့ကြိုးစားခဲ့ကြ ပါတယ်။အာရှတိုက်ဟာ ကမ္ဘာ့ဘာသာတရားကြီးများ မွေးဖွားရာ အရပ်ဖြစ်ပြီး၊ ခရစ်တော်ရဲ့သတင်းစကား ပထမဆုံး အမြစ်စွဲခဲ့တဲ့ဒေသလည်း ဖြစ်ပါတယ်။ အာရှတိုက်သာသနာတော်ဟာသမိုင်း တစ်လျှောက်မှာ စိန်ခေါ်မှုအမျိုးမျိုးကို ရင်ဆိုင်ခဲ့ရသော်လည်း တက်ကြွပြီး နုပျိုနေဆဲဖြစ်ပါတယ်။ အာရှတိုက်ရှိ ကျွန်ုပ်တို့ရဲ့ ယုံကြည်ခြင်း ခရီးစဥ်ဟာ အခက်အခဲရှိသော်လည်းဒီဓမ္မညီလာခံ အစည်အဝေးက တမန်တော်များ ဧဝံဂေလိတရားဟောပြော တဲ့နေ့တွေဆီပြန်သွားဖို့ ကျွန်ုပ်တို့ကို ခွန်အားပေးလျက် ရှိပါသည်။ ကမ္ဘာလုံးဆိုင်ရာ သာသနာတော်ရဲ့ဓမ္မညီလာခံမှ အားပေးစေ့ဆော်မှု ကြောင့် “အကောင်းမြင်ခြင်းဖြင့် 21 ရာစုသည်သခင်ခရစ်တော်အတွက်” ဆိုတဲ့ အာရှတိုက်အတွက် တောင်းဆိုချက်ကိုကျွန်ပ်တို့လက်ခံပါတယ်။အာရှတိုက်မှာ ဘယ်အရပ်ဒေသကမှ ခရစ်ယာန်ယုံကြည်ခြင်းခရီးအပေါ်ကိုမြန်မာနိုင်ငံထက် ပိုပြီး စိန်ခေါ်တဲ့နေရာမရှိပါဘူး။လက်ရှိမှာ သဘာဝဘေးအန္တရာယ်များနဲ့လူတို့ဖန်တီးတဲ့ အကျပ် အတည်းများကြောင့် ကွဲပြားလျက်ရှိပြီး ကျွန်ုပ်တို့ရဲ့သိုးစုငယ်လေးဟာဘက်ပေါင်းစုံမှ အကျပ်အတည်း များနဲ့ ကြီးမားသောဒုက္ခများကို ခံစားနေကြရပါတယ်။ကျွန်ုပ်တို့ရဲ့ လူများဟာ ထွက်ခွာ(Exodus) နေကြရပါတယ်။ နေအိမ်များလည်းပျောက်ကွယ်သွားပါပြီ။ ခရစ်ယာန်ဘုရားကျောင်းများလည်းပဲ ရက်စက်ကြမ်းကြုတ်မှုတွေနဲ့လောင်ကျွမ်းနေရပါပြီ။ ကားတိုင်လမ်းဟာလည်း အာရှတိုက်ရဲ့ နေရာအတော်များများမှာနာကျင်ဖွယ်ရာတစ်ခု ဖြစ်နေပါတယ်။ဒါပေမဲ့လည်း လက်ဝါးကပ်တိုင်လမ်းတစ်လျှောက်မှာ သခင်ယေဇူးနောက်လိုက်ခဲ့တဲ့သစ္စာရှိ အမျိုးသမီးများလိုပဲ မြန်မာနိုင်ငံနဲ့ အာရှတိုက်ကသာသနာတော်ဟာပြန်လည်သင့်မြတ်ကျေအေးရေးဆိုတဲ့ မျှော်လင့်ချက်ပေါ်မှာရင်းနှီးမြှုပ်နှံထားပါတအဲဒီအမျိုးသမီးတွေယုံကြည်ခဲ့သလို ဒဏ်ရာများအားလုံးကုသခံရပြီး ပျောက်ကင်းသွားမယ်ဆိုတဲ့ ယုံကြည်ချက်နဲ့အတူ၊ မျှော်လင့်ခြင်း၊ ငြိမ်းချမ်းခြင်းနှင့် တရားမျှတခြင်းတို့ရဲ့အရုဏ်ဦးဟာ ကာလကြာရှည်စွာ နာကျင်ခံစားနေရတဲ့ နိုင်ငံအပေါ် ထွန်းလင်းလာမယ်လို့ယုံကြည်ရင်းကျွန်ုပ်တို့ရဲ့ မျက်ရည်များနဲ့ပြည့်နေသောအတူတကွ ခရီးပြုခြင်းကိုဆက်သွားပါမယ်။ ပုပ်ရဟန်းမင်းကြီးဖရန်စစ်အရှင်သူမြတ်ရဲ့ ဦးဆောင်လမ်းညွှန်မှုအောက်မှာ ကက်သလစ်သာသနာတော်ဟာ လူသားမျိုးနွယ် မိသားစုတစ်စုလုံး၊ ကျွန်ုပ်တို့ကမ္ဘာနဲ့ ကျွန်ုပ်တို့ရဲ့ကမ္ဘာဂြိုဟ်ကို ကုစားပေးပြီး နောက်ဆုံးမှာ ကျွန်ုပ်တို့ကို ကောင်းကင်သစ်နဲ့ မြေကြီးအသစ်ဆီသို့ပို့ဆောင်ပေးပါစေကြောင်းဆုမွန်ကောင်းတောင်းလိုက်ပါတယ်။အာရှတိုက်မှပြည်သူများကိုယ်စားကျွန်ုပ်တို့ဟာ သင်တို့တစ်ဦးချင်းစီတိုင်းကိုပျော်ရွှင်ဖွယ်ကောင်းသောရှေ့ခရီးလမ်းကို စိတ်အားထက်သန်စွာအရောက်လှမ်းနိုင်ပါစေကြောင်း ဆုမွန်ကောင်း တောင်းပေးလိုက်ပါတယ်။

ဘာသာပြန်-ဆရာ ဦးဖရန်စစ်အောင်မင်းနောင်

Photo Crd

Posted by Sr. Benedetta Myat Hnin Nwe(ISR)