 for web4.jpg)
 for web3a.jpg)
2024-02-24 03:29:47
25.2.2024 -2nd Sunday of Lent
၂၀၂၄ ခုနှစ် ဖေဖေါ်ဝါရီလ၊ ၂၅ ရက်- ဝါတွင်း ဒုတိယ တနင်္ဂနွေနေ့
Mark 9:1-9 - ရှင်မာကု ၉:၁-၉
Gospel Reflection By Rev. Msgr. Peter Sein Hlaing Oo, Mandalay Diocese
Posted by Sr. Benedetta Myat Hnin Nwe (ISR)
ကမ္ဘာဦးကျမ်း ၂၂:၁-၂၊၉က၊၁၀-၁၃၊၁၅-၁၈။ ရောမ ၈:၃၁-၃၄။ ရှင်မာကု ၉:၁-၉အာဗြဟံရဲ့ယုံကြည်ခြင်း ဘယ်လောက်ခိုင်မြဲသလဲဆိုတာ စမ်းသပ်ခဲ့တဲ့အကြောင်း ဒီနေ့ပထမကျမ်းစာမှာတွေ့ရပါတယ်။ အသက်ကြီးမှရတဲ့တစ်ဦးတည်းသော သားလေး ၁၃-၁၄နှစ် အရွယ် ရောက်တော့ အာဗြဟံဟာ ဖခင်တစ်ယောက်အနေနဲ့ ဘယ်လောက်ဝမ်းသာကြည်နူးနေမယ်ဆိုတာ ခန့်မှန်းကြည့်ရင်သိနိုင်ပါတယ်။ ဒီလိုအချိန်မှာ ဘုရားသခင်က သားကိုသတ်ပြီး ယဇ်ပူဇော်ဖို့တောင်းဆိုလာတယ်။ အာဗြဟံဘယ်လိုခံစားရမလဲ။ သူ့ရင်ထဲမှာ မေးခွန်းတွေရှိနေမှာ အမှန်ပါပဲ…ဒီသားကိုပေးခဲ့တာ ဒီလိုပူဇော်ခိုင်းဖို့လား?ဒီသားကိုရတာ သူစိတ်ဒုက္ခခံစားရဖို့ သက်သက်ပဲလား?ဒီသားသေသွားရင် မြေး၊မြစ်တွေကြယ်တွေသဲတွေလို များပြားစေမယ်ဆိုတဲ့ကတိဘယ်လိုလုပ်ပြည့်စုံနိုင်တော့မှာလဲ?ကိုယ်တော်တပည့်တော်ကို ချစ်တဲ့အချစ်ဟာဒါပဲလား…လို့ ဘုရားသခင်ကို ပြန်မေးလိုက်ချင်မှာ အမှန်ပါပဲ။သိုးတစ်ကောင်နဲ့ အစားထိုးပေးလိုက်ချိန် အဖခမည်းတော်ဘုရားရဲ့ ရင်ထဲမှာ အာဗြဟံကိုပြောပြချင်တဲ့ စကားတချို့ ရှိပါလိမ့်မယ်။ အဲဒါကတော့ “အာဗြဟံ၊ မင်းရဲ့သားကိုသတ်ပြီး ပူဇော်ဖို့မလိုပါဘူးကွယ်၊ကျွန်ုပ်ရဲ့သားကိုပဲ အသေခံပြီးလူတွေရဲ့အပြစ်ကနေကယ်တင်ခိုင်းမှာပါ”လို့။တရားကျမ်းတွေကကျွန်ုပ်တို့ကို ကယ်တင်နိုင်မှာမဟုတ်တဲ့အတွက် မိုးဇယ်မရှိလည်းရပါတယ်။ ပရောဖက်ကျမ်းတွေကကျွန်ုပ်တို့ကိုကယ်တင်နိုင်မှာ မဟုတ်တဲ့အတွက်ဧလိယမရှိလည်းဖြစ်ပါတယ်။ သခင်ဘုရားနဲ့ကားတိုင်တော်က ကျွန်ုပ်တို့ကို ကယ်တင်မှာဖြစ်တဲ့အတွက် မရှိမဖြစ်လိုအပ်ပါတယ်။
