 for web4.jpg)
 for web3a.jpg)
2024-03-17 21:52:20
18.3.2024 – Monday of the 5th week of Lent
၂၀၂၄ ခုနှစ်မတ်လ၊၁၈ ရက်- ဝါတွင်းကာလ ပဥ္စမသီတင်းပတ် - တနင်္လာနေ့
John 8:81-11 - ရှင်ယောဟန် ၈:၁-၁၁
Gospel Reflection By Sr. Christine Dah (RGS)
Posted by Sr. Benedetta Myat Hnin Nwe (ISR)
အိမ်ထောင်ရေးဖောက်ပြန်သောမိန်းမတစ်ဦးကို ကျမ်းတတ်ဆရာများနှင့်ဖာရီဇေးဦးတို့သည်လူတို့အလယ်တွင်ရပ်နေစေလျက်ကိုယ်တော်အား ဆရာသခင်၊ဤမိန်းမကိုအိမ်ထောင်ရေဖောက်ပြန်မှုကျူးလွန်နေစဉ်ဖမ်းမိခဲ့ပါ၏။ပညတ်တရားတွင်မိုးဇက်က ဤမိန်းမမျိုးကိုကျောက်ခဲနှင့် ပေါက်သတ်ရမည်ဟု ပညတ်ခဲ့၏။ သူမနှင့်ပတ်သက်၍ ကိုယ်တော်မည်သို့ မိန့်တော်မူမည်နည်းဟု လျှောက်ကြ၏။ ကိုယ်တော်သည် အောက်သို့ငုံ့၍ မြေပေါ်တွင် လက်ညှိုးတော်နှင့်ရေးမှတ်လျက်ကိုယ်တော်သည်မော်ကြည့်လျက် သင်တို့ တွင်အပြစ်ကင်းသူသည် ဦးစွာပထမသူမကို ကျောက်ခဲနှင့် ပေါက်စေဟုမိန့်တော်မူ၏။#ထောက်ရှုချက်-"အာဏာသိမ်းတဲ့နောက်သမီးရဲ့အမျိုးသားဘယ်ကိုထွက်သွားမှန်းမသိ၊ အမေအိုနဲ့သားသမီး (၃) ယောက်ကိုရှာကျွေးရတယ်၊ အာဏာသိမ်းပြီးတဲ့နောက်သမီးအလုပ်လုပ်တဲ့အထည်စက်ရုံလဲပိတ်သွားတယ်။ အခြားအလုပ်လဲ ရှာရခက်လို့ပါ"ဟုမှောင်ရိပ်ခိုပြီး မိသားစုဝင်ငွေကိုရှာဖွေနေရသောအမျိုးသမီးတစ်ဦ၏ရင်ဖွင့်သံဖြစ်သည်။သမုဒ္ဒရာ ဝမ်းတထွာ ဆိုသလို ဆင်းရဲမူအမျိုးမျိုးကြောင့် ဝမ်းရေးတွက် ရှာဖွေဖြည်းဆည်းရင်း ဘဝဘေးအန္တာရယ်အသွယ်သွယ်ကျရောက်သောမိန်းခလေးများသည် ဒုနှင့်ဒေးပင်။ မည်သို့ပင်ဆိုစေကာမူ အောင်မြင်သောအမျိုးသမီးတွက်လက်ခုတ်သံသည် ကာလအပိုင်းအခြားတခုထိပဲ့တင်ထပ်သော်လည်းကျရှုံးပြိုလဲသောအမျိုးသမီးတွက် လက်ညိုးသည် တသက်တာဖြစ်သည်။ ထိုအမည်းစက်ကိုဖျက်ဖို့ရာခဲ့ဖျက်မရှိ။ဝိညာဉ်လမ်းညွန် ရဟန်းတစ်ပါး ဆိုခဲ့ဖူးသည်။"မင်းတို့ ငါတို့ထက်ပြည့်တန်ဆာမများ ကောင်းကင်ကိုအရင်သွားမည်"။ တကယ်တော မိန်းခလေးတိုင်းမွေးရာပါမိခင်စိတ်ရှိသလို ထိုမိခင်တယောက်၏ မေတ္တာသည် သိမ်မွေ့နက်နဲ့သကဲ့သို့ပေးဆပ်နိုင်စွမ်းကြီးမားလွန်းသည်။ သို့ဖြစ် လောကကြီးမှာ မြေနိမ့်ရာလှံစိုက်မည့် အစား ထိုရေမြေ နောက်ခံကို သင်သေချာလေ့လာသုံးသပ်လျင် သင်ထိုသူကို လွယ်လွယ်နှင့်စီရင်ဆုံးဖြတ်မိမှာမဟုတ်ပေ။ဘေးအန္တာရယ်ကြားမှ မိန်းခလေးတစ်ဦးကို သင်ကယ်တင်လိုက်ခြင်းသည်အနာဂတ်မျိုးဆက်တစ်စုကို သင်ကယ်တင်လိုက်ခြင်းဖြစ်သည်။ ကျိုးပဲကြေမွသောမိန်းခလေးတယောက်ကိုသင် နားထောင်ပေးလျင် ထိုမိန်းခလေး၏ ဘဝအလှကို သင်ပြန်လည်မွမ်းမံပေးခြင်း ဖြစ်သည်။ ပုခက်လွဲသောလက်များကို ကြင်နာသနားစွာဆွဲခေါ်ခြင်းသည် သိမ့်မွေ့သောကမ္ဘာတစ်ခုကိုတည်ဆောက်ခြင်းဖြစ်သည်။ “ယေဇူးက ငါသည်လည်း သင့်အား အပြစ်ဒဏ်မစီရင်တော့ပြီ။ သွားလော။နောက်တဖန်အပြစ်မပြုနှင့်ဟု မိန့်တော်မူ၏။ Jn.8:11
