 for web4.jpg)
 for web3a.jpg)
2024-05-14 07:22:35
15.5.2024 - 7th Week of Easter, Wednesday
St. Isidore the Farmer
မေလ ၁၅ ရက်၊ ၂ ၀၂၄၊ ပါစကားကာလသတ္တမပတ် ဗုဒ္ဓဟူးနေ့၊
ရှင်ယောဟန် ၁၇း ၁၁ - ၁၉ - John 17:11-19
Reflection by Bro. John Therersan O.P
Posted by Sr. Benedetta Myat Hnin Nwe,ISR
ထောက်ရှုချက်....ယနေ့ဧဝံဂေလိတရားတော်သည် မေတ္တာတရားနှင့်နူးညံ့သိမ်မွေ့သောကျမ်းပိုဒ်ဖြင့်ကျွန်ုပ်တို့ကြားနာရသည်ဖြစ်ပါတယ်။ သခင်ယေဇူးသည် သူ့၌အပ်နှင်းထားသောကျွန်ုပ်တို့ လူသားအားလုံးအတွက်ဆုတောင်းပေးနေတာကိုကျွန်ုပ်တိုကြားနေရပါတယ်။ မြေကြီးပေါ်၌ကိုယ်တော်၏ အချိန်သည် အလွန်ပဲတိုတောင်းလှသည်ကို သူသိရှိပြီးသားဖြစ်သည်။ မကြာခင်မှာ သူသည် သူ့တပည့်တော်တွေကိုထားခဲ့ပြီးသူထွက်သွားရတော့မယ်ဆိုတာကိုလည်း သူသိသည်။ ဒါကြောင့်မို့ သခင်ခရစ်တော်သည်“အဖခမည်းတော်၏ နာမတော်မြတ်၌”ကျွန်ုပ်တို့ကို သူအပ်နှင်းဆုတောင်းပေးခဲ့လေသည်။ကိုယ်တော်သည် သူ၏ “သိုးစု” ကိုလည်း သူတို့နှင့်အတူ သူမရှိတော့သောအခါ ကာကွယ်ပေးပြီး ဘေးကင်းရန်ကိုလည်း သူတောင်းတခဲ့သည်။ ဤသည်ကိုကြည့်ခြင်းအားဖြင့် သူသည် ကျွန်ုပ်တို့အတွက် ကြင်နာမှုပေးပြီးမေတ္တာတရားနှင့် ပြည့်စုံသော သိုးထိန်းရှင်တစ်ဦးဖြစ်သည်ကို သံတယဖြစ်စရာမလိုပါ။သခင်ခရစ်တော်သည် တပည့်တော်များကို အလွန်ချစ်ကြောင်းကိုထင်ရှားလေသည်။ သူသည်သူ၏ပျော်ရွှင်မှုကို သူ့ရဲ့တပည့်တော်၌လည်းအပြည့်အ၀မျှဝေခံစားစေချင်တယ်။ သူတို့ကိုထားသွားတော့မယ်ဆိုတာကိုလည်းကြိုတင်သိရှိပြီး ဘုရားသခင်ရဲ့မေတ္တာနဲ့ ဂရုစိုက်မှုမှာ သူတို့ကို ဘေးကင်းလုံခြုံဖို့ အတွက်သူတောင့်တခဲ့လေတယ်။ ဘုရားသခင်နှင့်တစ်သားတည်းဖြစ်သော သခင်ခရစ်တော်ရဲ့နောက်လိုက်သူဖြစ်တဲ့ ကျွန်ုပ်တို့သည်လည်း တွေ့ကြုံခံစားခဲ့ရသော ပျော်ရွှင်မှု တွေကိုတခြားသူများအားဝေမျှရန် သခင်ခရစ်တော်သည်လည်း ကျွန်ုပ်တို့ကိုအစဥ်အမြဲ တောင့်တနေလေသည်။ ဘုရားသခင်သို့မဟုတ် သခင်ခရစ်တော်နှင့်ရင်းနှီးမှုသို့မဟုတ် တစ်သားတည်းဖြစ်ခြင်းဟူသောခံစားချက်ကို ကျွန်ုပ်တို့ခေတ္တခဏထောက်ရှုစဥ်းစားကြရအောင်။သခင်ခရစ်တော်နဲ့ပတ်သက်ပြီး ဘယ်လိုခံစားချက်တွေကြုံခဲ့ရလဲ။ ပျော်ရွှင်မှုလား? ငြိမ်းချမ်းရေးလား? ချစ်ခြင်းလား? သခင်ခရစ်တော်သည် ယနေ့ကျွန်ုပ်တို့နှင့်အတူ သူ၏ငြိမ်သက်ခြင်း၊ ပျော်ရွှင်ခြင်းနှင့်ကိုယ်တော်၏ အမှန်တရားကို ဝေမျှပေးစေလိုတယ်။ ဤလက်ဆောင်များကို လက်ခံရန်ကျွန်ုပ်တို့တတွေ ထိုက်တန်ပါသလား။ သို့ဆိုလျှင်ဖြူစင်သောစိတ်နှလုံးနှင့်လက်ဆန့်ပြီးသခင်ခရစ်တော်၏ရှေ့တော်၌ ငြိမ်သက်စွာထိုင်ရန်သင့်ကို ကျွန်ုပ်ဖိတ်ခေါ်ပါသည်။
