စိန့်မာ့ခ်သည် တမန်တော်ဝတ္တု၌ ဖော်ပြထားသည့် မာခ်နှင့်တူသည်။ စိန့်ပီတာ ပထမစာစောင် (၅း၃)၊ စိန့်ပေါလူး ကောလော (၄း၁၀)၊ တီမောတေ (၄း၁၁) နှင့် ဖိလိ (၂၄) များ၌လည်း ဖော်ပြခဲ့သည်။ သူသည် မေရီ၏သား ဂျေရုဇလင် ခရစ်ယာန်များ အသိုင်းအဝိုင်း၌ ပါဝင်ခဲ့သည်။ စိန့်ပေါလ်နှင့် စိန့်ဘာနဘတို့နှင့်အတူ အေဒီ ၄၆-ခုနှစ်၌ အန်တီအုတ်မြို့မှ ဆိုက်ပရပ်သို့ တရားဒေသနာ ဟောကြားခဲ့ကြောင်း ပထမတွေ့ရသည်။ စိန့်မာခ်သည် ဂျေရုဇလင်မြို့သို့ သူတစ်ယောက်တည်း ပြန်လာ၍ တရားဟောသည်။

စိန့်ပေါလ်သည် ဒုတိယသာသနာပြုခရီး၌ စိန့်မာခ်အား ခေါ်သွားရန် ငြင်းခဲ့သည်။ ထို့ကြောင့် ဘာနဘလည်း စိန့်ပေါလ်နှင့်အတူ မသွားဘဲ တစ်ယောက်တည်း တရားဟောခဲ့သည်။ စိန့်မာခ်နှင့် စိန့်ဘာနဘတို့သည် ဆိုက်ပရပ်သို့ ဒုတိယအကြိမ် သွားကြသည်။ မကြာခင် စိန့်ပေါလ်နှင့် စိန့်မာခ်တို့ ပြန်လည်ပေါင်းလာကြသည်။ အေဒီ (၆၀)နှစ် ပတ်ဝန်းကျင်၌ စိန့်မာခ်သည် အာရှမိုင်းနားသို့ ပြန်လာရန် ရောမမြို့မှာ ပြင်ဆင်၍ နားခဲ့သည်။ ၎င်းအာရှမိုင်းနားသို့ သွား၍ တရားဒေသနာ ဟောကြား၍ ကျော်ကြားခဲ့သည်။ သူသည် အာကွေ့လေယားဒေသမှာ တရားဒေသနာ ဟောခဲ့ကြောင်း ဗင်နီချယ်၏မြို့တော်၌ ထင်ရှားလူသိများသည်။ ထို့ကြောင့် ဗင်နီချယ်များ၏ ကြည်ညိုလေးစားခြင်းကို ခံရသည်။ သူ့ရုပ်အလောင်းကို (၈၁၅)ခုနှစ်၌ ဗင်နီချယ်စစ်တပ်များက အီဂျစ်ပြည် အလက်ဇန်းဒါးမြို့သို့ ခိုးယူသွားကြသည်။ ဗင်နီချယ်ဘုရားကျောင်းတော်ကြီးမှာ စိန့်မာခ်အလောင်းအား  ထားကြသည်။

စိန့်မာခ်သည် အီဂျစ်ပြည် အလက်ဇန်းဒါးမြို့သို့ အာကွေ့လေယားမြို့ သာသနာတည်ထောင်ရန် ပြောင်းရွေ့ခဲ့သည်။ အေဒီ (၆၁)ခုနှစ်၌ စိန့်ပေါလ်သည် ဧဖက်မြို့ရှိ တိမောတေအား စာရေးအကြောင်းကြားရာ၌ စိန့်မာခ်အား ရောမမြို့သို့ ခေါ်လာရန်ဖြစ်သည်။ ဤအချိန်မှာ စိန့်မာ့ခ်သည် သံပေတရုဟောကြားချက်များ၏ ခရစ်တော်အကြောင်းအား ဝိညာဉ်တော် လှုံ့ဆော်ခြင်းဖြင့် ရေးသားချိန်ဖြစ်သည်။ ဒုတိယရေးသားခြင်းမှာ ရောမရှိ ခရစ်ယာန်များ တောင်းဆိုချက်အရ ဂရိတ်ဘာသာဖြင့် ရေးသားခြင်းဖြစ်သည်။

#Fr. ဒေါမိနစ်ကုန်ကုန် (ဘာသာပြန်)