သူသည် ငယ်ရွယ်စဉ်တွင် မိခင်က ကောင်းမွန်စွာ သွန်သင်ခဲ့သည်။ ဘုရားစကားအား ကျေခဲ့သည်။ လောကဥစ္စာပစ္စည်းများကို ခရစ်တော်အတွက် စွန့်လွှတ်ရန် သွန်သင်ခြင်း ခံရသည်။ မိခင်လမ်းညွှန်သည့်အတိုင်း ယေဇူးဟူသော နာမတော်အား နှုတ်ဖြင့်အမြဲရွတ်ဆိုသည်။ သူ့ဖခင်သည် ရုပ်တုဆင်းတုအား ယုံကြည်ကိုးကွယ်သူ ဖြစ်သည်။ ခရစ်ယာန်များကို မုန်းတီးသည်။ သူ့သားအား ယုံကြည်ခြင်း စွန့်လွှတ်ရန် တိုက်တွန်းသည်။ ဆေရီသည် ခရစ်တော်၌သာ ဝမ်းသာပျော်ရွှင်ခြင်း ရှိသည်။ ထို့ကြောင့် သူ့ဖခင်က အိမ်မိုးအောက်မှ နှင်ထုတ်သည်။ သို့သော် အနည်းငယ်သောအရာ၌ ငါသည် ဆုံးရှုံးသော်လည်း ကြီးမြတ်သောအရာအား ငါရယူပြီဟု ပြောဆိုခဲ့သည်။

ထိုအချိန်က ခရစ်ယာန်တို့အား ညှဉ်းပန်းနှိပ်စက်ချိန် ဖြစ်သည်။ ဆီဘာရီယန်း အစိုးရအာဏာပိုင်သည် သူငယ်အကြောင်း ကြားသိရသောအခါ သူ့ဆီလာရန်ခေါ်သည်။ ဆီတာရီယန်း အာဏာပိုင်တို့သည် သူငယ် (ဆေရီ)အား အမျိုးမျိုး ဖျားယောင်း သွေးဆောင်သော်လည်း မရပါ။ သူ့ကို ညှဉ်းဆဲရန် အမိန့်ပေးသည်။ ဘယ်လိုပင် ခြိမ်းခြောက် ရက်စက်သော်လည်း ကြောက်ရွံ့ခြင်း မရှိပါ။ ယုံကြည်ခြင်းအား မငြင်းပယ်ပါ။ အာဏာပိုင်များသည် သူ့ကို ပြန်လည်သနား၍ အိမ်သို့ ပြန်ပို့ပေးသည်။ သို့သော် သူငယ်ဆေရီက ကျွန်တော်သည် အိမ်မှထွက်လာပြီး ဘုရားသခင် ဘုန်းဂုဏ်တော် ထင်ရှားရန် စောင့်နေပါသည်ဟု ပြန်ဖြေသည်။ ကျွန်တော့မှာ ဘုရားသခင် ဆုကျေးဇူးအတွက် စောင့်နေပါသည်ဟု ပြန်ပြောသည်။

သူ့အား မီးပုံကြီးဆီသို့ ခေါ်သွားခိုင်းသည်။ သူ့ကို ခဏခဏ ပြန်ခေါ်၍ စစ်ဆေးသော်လည်း မရပါ။ ဆေရီသည် ဘုရား၏ဘုန်းဂုဏ်တော်နှင့် ပြည့်ဝလာပြီး ဘုရားအတွက် အသေခံသည်။

#Fr.ဒေါမိနစ်ကုန်ကုန် (ဘာသာပြန်)