ပညာရှိသူဖြစ်သည့်အတိုင်း ၎င်းရာစုနှစ်တွင် ထင်ရှားကျော်ကြားခဲ့သူဖြစ်သည်။ သူသည် စီစီလျားဇာတိဖြစ်သော်လည်း (Stoic philosopher) ပညာရှင်ဖြစ်သည်။ သူသည် ခရစ်ယာန်တို့နှင့် အကျွမ်းတဝင်ဖြစ်ရာ၌ ပါရမီထူးသူဖြစ်၍ ထင်ရှားပေါ်လွင်ခဲ့ သည်။ သူ၏နူးညံ့သိမ်မွေ့ခြင်း၊ သန့်ရှင်းဖြူစင်ခြင်းနှင့် အပြစ်ကင်းစင်ခြင်းအားဖြင့် အမှန်တရားကို ပိုမိုသိမြင်နားလည်စေသည်။ သမ္မာကျမ်းစာကို တမန်တော်များအားဖြင့် လေ့လာသင်ယူခဲ့သည်။ သမ္မာကျမ်းစာကို သင်ယူအောင်မြင်ပြီး Alexander မြို့နှင့် Egypt ပြည်ရှိ စိန့်မာရ်ကူး တည်ထောင်ထားသော ခရစ်ယာန်အယူဝါဒကျောင်းသို သွားရောက်ရန် ဆန္ဒပြင်းပြခဲ့သည်။ သူသည် သူ၏အရည်အချင်းများကို စာပေတွင် ဖွင့်ဟဖော်ပြခြင်းမပြုရန် ဆန္ဒရှိခဲ့သော်လည်း အချိန်ကြာလာသောအခါ သူ၏ပညာအရည်အချင်းများသည် ထင်ရှားကျော်ကြားလာခဲ့သည်။ ၁၇၉-ခုနှစ်တွင် ခရစ်ယာန်ကျောင်း၌ ကျောင်းအုပ်ကြီးဖြစ်လာသည်။ သူ၏ဉာဏ်ထက်မြက်ခြင်းကို ဖီလော်ဆိုဖီပညာရှင်များက လက်ခံလာကြရုံမက အသင်အပြ အလွန်ကောင်းသောကြောင့် အားလုံးက လက်ခံနိုင်ကြသည်။ ဉာဏ်ပညာအလင်းကိုပေး နိုင်သည့်အတွက် ကြားနာသူတိုင်း ဉာဏ်ပွင့်လင်းလာကြသည်။ Alexander မြို့သို့ ရောက်ရှိလာကြသော အိန္ဒိယလူမျိုးကုန်သည်များက မိမိတို့ နိုင်ငံတွင် အလည်လာရန် ဖိတ်ခေါ်ကြသည်။ ထို့ကြောင့် အရှေ့ပိုင်းနိုင်ငံများသို့သွား၍ ဧဝံဂေလိတရားတော်ကိုဟောပြောခဲ့ရာ စိန်ပန်တာနူး(စ်) သည် အိန္ဒိယတွင်ယုံကြည်သူများကို ရရှိခဲ့သည်။ စိန့်ဘာသော်လောမြူး (Sl. Bartholomew) ယူဆောင်လာသည့် ဟီဘရူး (Hebrew) ဘာသာဖြင့်ရေးသားထားသည့် စိန့်မာတေဦးကျမ်းကို ယူဆောင်သွားပြီး အိန္ဒိယ၌ သာသနာပြုပြီးမှ ယုံကြည်သူရရှိသောအခါ ထိုကျမ်းကို Alexander သို့ ပြန်၍ယူဆောင်လာခဲ့သည်။ သူသည် တရားတော်ကို စေတနာထက်သန်စွာဖြင့် ဟောပြောသွန်သင်ခဲ့ပြီး အေဒီ ၂၁၆- ခုနှစ်တွင် ဘုရားသခင်၏သိမ်းပိုက်ခြင်းကိုခံခဲ့သည်။

Reflection -

"Have a care that none lead you astray by a false Philosophy." (St. Paul)

#Fr.ဒေါမိနစ်ကုန်ကုန် (ဘာသာပြန်)