ကြွယ်ဝချမ်းသာသောမိဘမှ ဆင်းသက်လာ၍ အိမ်ဘရီယား (Umbria) နယ်ရှိ နိုဆီယား (Norcia) တွင် မွေးဖွား၍ ရောမမြို့ တွင် ကြီးပြင်းလာသူဖြစ်သည်။ ကျောင်းသားဘဝက အပေါင်းအသင်းများ၏ အပျော်အပါးလိုက်စားခြင်းနှင့် နိုင်ငံတော်ကိုအုပ်ချုပ်သော အက်ရီယန် သီအိုဒိုရီ(Arian Theodoric) ကြောင့် အသက်(၁၆)နှစ်အရွယ်တွင် ပစ္စည်း ဥစ္စာများစွန့်လွှတ်၍ ရသေ့ဖြစ်ရန်ဆန္ဒရှိလာသည်။ ကယ်တင်ခြင်းကိုရှာဖွေရန်အခွင့်ကောင်း ဖြစ်လာသည်။ ထို့ကြောင့် ဂူထဲတွင် တစ်ဦးတည်းနေကာ တရားကျင့်သည်။ (၃)နှစ်ခန့် ကျင့်သောအခါ သူ၏အတွေးအခေါ်၊ ကျင့်စဉ်များ၊ သန့်ရှင်းဖြူစင်ခြင်း၊ တန်ခိုးလက္ခဏာများနှင့် ဝိညာဉ်လမ်းညွှန်မှုသည် အကျိုးရှိ၍ နောက်လိုက်တပည့်များအား ဆွဲဆောင်လာသည်။ မကြာမီမှာပင် ရသေ့ကျောင်း (၁၂)ကျောင်းတွင် ရသေ့ (၇)ပါးစီဖြင့် စတင်၍ ကျင့်ဆောက်တည်ကြသည်။ ခရစ်ယာန်လူငယ်များအတွက် ကျောင်းများဖွင့်လှစ်ပေးသည်။ သူ၏အောင်မြင်မှုသည် ရောမမြို့နှင့် ပတ်ဝန်းကျင်တွင် တခြားရသေ့ကျောင်းများအတွက် မနာလိုစရာဖြစ်လာသည်။ သူ၏ တပည့်ရသေ့ ပလာစီဒူးစ်၏ဖခင်က ဝေးသောတောင်ပိုင်းဒေသတွင် မြေတစ်ကွက်လှူဒါန်းသည်။ နောက် (၂၈)နှစ်ကြာသောအခါ ၎င်းဒေသ မွန်တေ ကာစီနို (Monte Cassino) သို့ကျောင်းတော်ကိုပြောင်းရွှေ့သည်။ အေဒီ ၅၂၉-ခုနှစ်တွင် ကောင်းမွန်စွာ အခြေချနေထိုင်နိုင်ကြသည်။ ထို့ကြောင့် ဥရောပ၌နာမည်ကျော်သော Benedictine Order ရသေ့ဂိုဏ်းကို တည်ထောင်နိုင်ခဲ့သည်။ ရောမမြို့မှ နယ်ပါယ်သွားသောလမ်းမကြီးတောင်ထိပ်တွင် ဆူဘီယာဂို (Subiaco) နှင့်ဆန့် ကျင်ပြီး ရသေ့ကျောင်းတစ်ဆောင်ဆောက်လုပ်သည်။ စိန်ဘက်နဒက်၏ သန့်ရှင်း သောကျင့်စဉ်ဥပဒေတွင် ရည်ရွယ်ချက် (၅၂၆)ချက်ရှိသည်။ ရသေ့များကို ကျင့်ဝတ္တရားနှင့် ဝိညာဉ်သင်တန်းကို သာသနာပြုအဖွဲ့နှင့်ကိုက်ညီအောင် စီမံပေးသည်။ ထို့ကြောင့် အကျိုးအကြောင်းခိုင်လုံခြင်း၊ ညီမျှဖြောင့်မတ်မှု၊ ခေတ်နှင့်အညီသင်ယူလိုက်နာရန် သင့်တော် သည့်အတွက် အနောက်နိုင်ငံတွင် သူ၏ရသေ့ဂိုဏ်းသည် တိုးတက်၍အောင်မြင်မှုရသည်။ အီဂျစ်လူမျိုးများလိုက်နာသော ဆက်နိုဘိုက် (Cenobites) ကျင့်စဉ်နှင့်မတူသော Community life) အဖွဲ့အစည်းနှင့်နေသောဘဝနှင့် နားထောင်ခြင်းကို အခြေခံသောဥပဒေကို ရေးဆွဲသည်။ ထို့ကြောင့် ပိုမိုအောင်မြင်မှုရလေသည်။ အလုပ်ကိုလည်း ကြိုးစားလုပ်ကြသည်။ အထူးသဖြင့် ကျေးကျွန်များ၏ အလုပ်၊ စစ်ဖြစ်၍ ဒုက္ခရောက်သောနေရာ၊ လယ်ယာ ပြဿနာရှိသောနေရာဒေသများတွင် ကူညီပံ့ပိုးကြသည်။ လူ၏ ဂုဏ်သိက္ခာအသစ်ကို မြှင့်တင်ပေးကြသည်။ လူဆိုသည်မှာ နားထောင်ခြင်းဖြင့် လုပ်ငန်းကိုအကောင်အထည်ဖော်၍ ဘုရားသခင်ထံသို့ ပြန်လာရမည်။ အကျိုးမဲ့နားထောင်၍ ဘဝမပျက်စေရန် ဖြစ်သည်။ ဝိညာဉ်အကျိုးရှိသော အလုပ်ဟူသမျှကိုလုပ်၍ ဘုရားသခင်ထံတော်သို့ ကယ်တင်ခြင်းလမ်းစဉ်ကိုပြရမည်။ အလုပ်လုပ်ခြင်းသည် ဆုတောင်းခြင်းဖြစ်သည်ဟု ဆောင်ပုဒ်ထားသည်။ "Opus Dei" အလုပ်နှင့် ဆုတောင်းခြင်းဟုခေါ်သည်။ ယုံကြည်ခြင်း၊ ကျေးဇူးဆပ်တင်ချီးမွမ်းခြင်းနှင့် ရှိခိုးကိုးကွယ်ခြင်းအားဖြင့် နေ့စဉ်နှိမ့်ချစွာ ဘုရားသခင်တည်ရှိနေကြောင်းကို သတိပြုစေသည်။ တစ်ဦးချင်းဆုတောင်းခြင်းသည် မျက်ရည်ကျခြင်းဖြင့်ဖြစ်စေ နှလုံးသားမှတောင်းဆိုရမည်။ ရသေ့ဂိုဏ်းတစ်ခုလုံး၏ဘဝမှာ ကတိသစ္စာသုံးပါးဖြစ်သော ဆင်းရဲခြင်း၊ ဖြူစင်ခြင်းနှင့် နာခံခြင်းဖြစ်သည်။ ဆင်းရဲခြင်း ကတိသစ္စာဆိုရာတွင် မိမိသည် ဆင်းရဲသားများ၊ လူနာများ၊ ဒုက္ခရောက်သူများ၊ နေစရာအိမ် မရှိသူများကို ကူညီခြင်းဖြစ်ပြီး မိမိကိုယ်ကို ခြိုးခြံခြင်းဖြင့်လည်း မလုံလောက်သေးပါ။ အမှောင်ခေတ်ဖြစ်သောရောမခေတ်တွင် ဘက်နဒစ်တင်း (Benedictine monk) ရသေ့ဂိုဏ်း၏ကျင့်စဉ်သည်ထင်ရှား၍ အားပေးထိန်းသိမ်းကြသည်။ ထို့ကြောင့် ဆရာတော်ကြီးများ၊ ရသေ့ဂိုဏ်းအကြီးအကဲများ၊ ဂုဏ်မြင့်မြတ်သူများ၊ လူကြီးလူကောင်းတို့သည် အကျိုးရှိ၍ညီမျှသော ဘဝဖြစ်ရန် တိုင်ပင်ခြင်းများ၊ အကြံဉာဏ်များ တောင်းလာကြသည်။ အကြီးအကဲများကိုကြောက်သည်ထက် ရိုသေ၍ချစ်ကြဖို့လိုအပ်ကြောင်း သိလာကြသည်။ ဆင်းရဲသားများသည် စိန်ဘက်နဒက် (Sr. Benedict) ၏ ကာကွယ်သနားခြင်းကို အားကိုးလာကြသည်။ (Tolila of the Goths) ဘုရင်တိုတီလာ ကိုယ်တိုင် ၎င်းရသေ့ကျောင်းကိုလေ့လာကြည့်ရှုခြင်းအားဖြင့် မိမိပြုကျင့်သော ရက်စက်မှုများကိုသတိထားမိ၍ ရသေ့ကိုလေးစားလာသည်။ စိန့်ဘက်နဒက်သည် ယဇ်ပလ္လင်ပေါ်တွင် ကိုယ်တော်မြတ်ကိုလက်ခံယူရင်း လက်မြှောက်၍ ကောင်းကင်သို့မျှော်ကြည့်ပြီး အသက်ထွက်လေသည်။ သူ၏ဂိုဏ်း (Order)ဝင် ပုပ်ရဟန်းမင်းကြီး(၂၄)ပါး၊ ဆရာတော် (၄၆၀၀)ပါး နှင့် ရဟန္တာပေါင်း (၅၀၀၀)ကျော်တို့က အသင်းတော်ကို အကျိုးပြုကြသည်။ အသင်းတော်၏ ဝတ်ပြု ကိုးကွယ်ခြင်းဆိုင်ရာ ဝိနည်းများကို သိပ္ပံနည်းအရ၊ ပန်းချီပညာအရ၊ ယဉ်ကျေးမှုအရ တန်ဖိုးရှိအောင် အစေခံပြုလုပ်ကြသည်။ ၎င်းရသေ့များကို အနာမီးလျှံ၊ ကျောက်တုံးများနှင့် အဆိပ်သင့်သောအခါ တိုင်တည်ပတ္ထနာပြုတောင်းလျှောက်ကြသည်။

Reflection -

"Ora et labora', Pray and work". (Monk of St. Benedict)

#Fr.ဒေါမိနစ်ကုန်ကုန် (ဘာသာပြန်)