ဖလောရင့်တီန်တွင် နေသော မြင့်မြတ်သည့် အသိုင်းအဝန်းမှ ဆင်းသက်လာသည့် ဂျွန်သည် ထုံးတမ်း စဉ်လာအရ မိမိတို့ ဆွေမျိုးတော်စပ် သူကို ချောင်းမြောင်းသတ်ဖြတ်ခြင်း အဖြစ်အား ကလေက်စားချေရန် တာဝန်ရှိ သည်ဟု ယူဆသည်။ ၎င်းအဖြစ်အပျက်သည် အေဒီ ၁၀၁၃-ခုနှစ်၊ သောကြာနေ့တွင် ဖြစ်သည်။ သူသည် လက်နက်ကိုင်ဆောင်ပြီး လှုပ်ရှားရန် ခြေလှမ်းစတင် ပြင်ခဲ့သည်။ သို့သော် သေချာပြန်လည် စဉ်းစားပြီးနောက် မိမိ၏ ဝိညာဉ်ကို ဘုရားသခင်အား ပြန်လည် အပ်နှံကာ ရန်သူ၏ အပြစ်ကို ခွင့်လွှတ်၍ မိမိ၏ အပြစ်များအတွက် နောင်တယူကာ ဘက်နဒစ်တင်းအသင်းဂိုဏ်းသို့ ဝင်ခဲ့သည်။ Sanmiriats ရှိ ဘုရားကျောင်း၏ ကားတိုင်ရှေ့တွင် ဦးညွတ်လျက် ဘုရားသခင်၏ ကရုဏာသနားခြင်းကို တောင်းလျှောက်ခဲ့သည်။ စိန်ဂျွန်ဂွါဘတ်သည် Sanmiriats ရှိ ရသေ့ကျောင်းသို့ ဝင်ပြီး၊ (၄)နှစ်ကြာ သောအခါ Canaldot အဖွဲ့သို လိုက်သွား၍ ရသေ့ကြီးအကဲ Herbert အား မရွေးကောက်ရန် ဆန့်ကျင် ဆန္ဒပြကြသည်။ ထိုနေရာတွင် ၁၀၃၈-ခုနှစ်၊ နှစ်ပေါင်း (၂၁)နှစ်နေခဲ့သည်။ ခြိုးခြံခြင်း၊ ကိုယ့်ကိုယ်ကို ဆုံးမ၍ ကိုယ်ရှင်ကိုငြင်းပယ် ဆန့်ကျင်သော ရသေ့ဂိုဏ်းအသစ်တစ်ခု တည်ထောင်သည်။ ဘက်နဒစ်တင်း ရသေ့ဂိုဏ်းနှင့် ဆန့်ကျင်ဖက် ဖြစ်သည်။ စည်းမျဉ်း ဥပဒေတွင် နေ့စဉ်ငြိမ်သက်ခြင်းသည် (Perpetant) ထာဝရ ဖြစ်သည်။ မိမိကိုယ်ကိုခြိုးခြံ၍ ဆင်းရဲခြင်းသည်လည်း အဓိကကျင့်စဉ်ဖြစ်သည်။ ချွေးထွက်လောက်သော အလုပ်လုံးဝ မလုပ်ရပါ။ ဆိတ်ငြိမ်စွာ အမြဲတမ်း ဆုတောင်းရမည်။ Lay Brothers များက ၎င်းကျင့်စဉ်ကို ဆက်လက် ထိန်းသိမ်းကြသည်။ Converse ဟု ခေါ်ကြသည်။ အသက်အရွယ် ရင့်ကျက်၍ လောကကို စွန့်လွှတ်ထွက် ခွာ၍ ဘဝတစ်ခုလုံး အပ်နှံသူများဖြင့် ဖွဲ့စည်း တည်ထောင်သည်။ အများအားဖြင့် စာတတ်ကျွမ်းသူ မရှိပါ။ ထို့ကြောင့် St. Join \ Order ကို ၎င်း Lay Brothers များက အသစ်မွမ်းမံ၍ ကျင့်သုံးကြသဖြင့် ၎င်းခေတ်တွင် အလွန် အရေးပါသော Order ဖြစ်လာသည်။

The Vollomborsam Congregation သည် စတင်တည်ထောင်ခဲ့သူ သေဆုံးပြီးမှ လျင်မြန်စွာ တိုးတက်ပြန့်ပွားခဲ့သည်။ အီတလီနိုင်ငံတွင် ၎င်းဂိုဏ်းသည် ၁၂-ရာစု အကုန် တွင် ကျောင်းပေါင်း(၆၀) ဖွင့်လှစ်နိုင်ကြသည်။ ထို့ကြောင့် ထိုအသင်းဂိုဏ်းသည် အသင်းတော်အား များစွာ အကျိုးဖြစ်ထွန်း စေခဲ့သည်။ အထူးသဖြင့် ဘုရားသခင်၏ သွန်သင်ချက်ကို အလွဲသုံးစားပြု၍ အဿပြာဖြင့် ရောင်းဝယ်ခြင်းနှင့် အသွေးအသား ဖောက်ပြန်ပြီး တိတ်ဆိတ်စွာနေသူရဟန်း ဘုန်းတော်ကြီးများအား ကာကွယ်ပေးသောဂိုဏ်းဖြစ်သည်။

Reflection -

"The interior man prefers the care of himself to all other cares, and he who diligently attends to himself is early silent with regard to others". (Imitation of Christ, Bk 11:5-9)

#Fr.ဒေါမိနစ်ကုန်ကုန် (ဘာသာပြန်)