AD 650တွင် St.Giles သည် ဂရိနိုင်ငံမှ ရဟန္တာတစ်ပါးဖြစ်ပြီး Athenian တော်ဝင်မိသားစုမှ ဖွားမြင်ခဲ့ပါသည်။ အေသင်ဘုရင် Theodore နှင့် မိဖုရား Pelegia တို့၏သားတော်ဖြစ်သည်။ Nimes အနီးရှိ တောထဲတွင် အချိန်ကြာမြင့်စွာ တရားအားထုတ်တော်မူ၍ သူ၏တစ်ဦးတည်းသော အဖော်မှာ ဒရယ်ညိုတစ်ကောင်ဖြစ်သည်။ တနေ့တွင် မုဆိုးသည် ဒရယ်ညိုကို မြှားဖြင့်ပစ်ရန် ချိန်ထားသော်လည်း ထိုမြှားသည်လွဲ၍ St.Giles ကိုသွား၍ ထိမှန်ခဲ့ပါသည်။ St.Gilesကို အသက်ရှင်စေရန်အတွက် ဒရယ်သည် သူ့ကို သူမ၏နို့ တိုက်ကျွေးခဲ့ပါသည်။ St.Giles သည် သက်သက်လွတ်ကိုသာ စားသုံး၍ မိမိ၏ဝိညာဉ် သန့်ရှင်းမှုအတွက် အဓိကထား တရားအားထုတ် တော်မူခဲ့သည်။ St.Gilesသည် တန်ခိုးများစွာ ပြတော်မူခဲ့သည်။ Visigoth အပိုင်စားရသော ဘုရင် Wambaသည် St.Gilesအတွက် ရသေ့ကျောင်းဆောင်ကို ဆောက်လုပ်လှူဒါန်းခဲ့ပြီး Benedictine Rule လက်အောက်ခံ ရသေ့တစ်ပါး ဖြစ်လာလေသည်။ St.Gilesသည် သူ့အပေါ် ဂုဏ်ပြုချီးကျူးသော အရာကို လက်သင့်မခံခဲ့ပေ။ သက္ကရာဇ် 710တွင် ပျံလွန်တော်မူခဲ့ပါသည်။

St.Gilesသည် ကိုယ်လက်အင်္ဂါ မသန်မစွမ်းသောသူတို့ကို ကူညီမှိုင်းမတော်မူသော ရဟန္တာလည်းဖြစ်သည်။

#Sr.ဖလောရင်းရွှေ (SPC) (ဘာသာပြန်)