အချိန်ကာလအားဖြင့် များမကြာသေးပေ။ ဆယ်စုနှစ်တစ်စုပင်မပြည့်သေးပေ။ (၂၀၁၆၊ မတ်) လ၏အစောပိုင်း တွင်ဖြစ်သည်။ ယေမင်နိုင်ငံမှ မွတ်စလင်အစွန်းရောက်အကြမ်းအဖွဲ့တစ်ဖွဲ့သည် ခရစ်ယာန်သီလရှင်ကျောင်းနှင့်ထို ကျောင်း၀င်းအတွင်းဖွင့်လှစ်ထားသော သက်ကြီးစောင့်ရှောက်ရေးဂေဟာအား လူမဆန်စွာ အကြမ်းဖက်စီးနင်း၀င် ရောက်သတ်ဖြတ်ခဲ့ရာ (၁၆) ဦး အသက်ဆုံးရှုံးခဲ့သည်။ ထို (၁၆) ဦးအနက် (၄) ဦးမှာ မာသာရ်ထရေဇားသီလရှင်ဟု လည်းကောင်း၊ ကရုဏာရေး၏သာသနာပြုသီလရှင်ဟူ၍လည်းကောင်းလူသိများသောသီလရှင်အသင်းမှဖြစ်သည်။ ထိုရက်စက်ယုတ်မာ လူမဆန်စွာအကြမ်းဖက်သတ်ဖြတ်ခဲ့သည့်ကျောင်း၀င်းအတွင်း၌ လက်ရေးဖြင့်ရေးသားထားသော ဆုတောင်းမေတ္တာစာတစ်ပုဒ်ကျနေသည်ကိုတွေ့ခဲ့သည်။ ထိုဆုတောင်းစာကား လူမဆန်စွာရက်စက်သတ်ဖြတ်ခဲ့သည့် ဖြစ်ရပ်ကိုတိုင်တည်၍ သီကုံးထားသည်။ ထိုမေတ္တာစာတိုလေးကို ကိုင်ထားသောဂျနယ်ထဲ၌ညှပ်လိုက်၏။ ထို့နောက် အမြန်ဆုံးအသံသွင်းယူခဲ့သည်။ အကြမ်းဖက်ခံရသောအိမ်၌မြင်တွေ့ရ၊ သတင်းများ၌ကြားသိရသကဲ့သို့ ထိုဆုတောင်း မေတ္တာကိုရွတ်ဆိုနေချိန်၌ အလွန်လူမဆန်သောဖြစ်ရပ်များကို အာရုံ၌မြင်လာရ၍စိတ်အနှောက်အယှက်များဖြစ်ခဲ့ရ သည်။

ကျွန်ုပ်သည် ရက်စက်စွာကွပ်မျက်ခံခဲ့ရသော သီလရှင်များကဲ့သို့ပင် မစ္ဆာတရားပူဇော်ခြင်းအပြီး၊ မနက်စာမစားမီ ဆုတောင်းသည့်အလေ့အကျင့်ရှိသည်။ ၄င်းတို့ကွပ်မျက်ခံရသည့်အချိန်သည်လည်း သူတို့နောက်ဆုံးရွတ်ဆိုပူဇော်ခဲ့သည့် အချိန်ဖြစ်သည်။ ထိုဆုတောင်းမေတ္တာများမှစကားလုံးများသည် ရိုးရှင်း၏။ သို့သော်ရွှေသမျှတန်ဖိုးရှိ၏။ မိမိတို့၏ဦး တည်ချက်ကိုအာရုံမလွှဲစေရန် တည့်တည်ဖြောင့်ဖြောင့်လမ်းညွှန်ပေးသည်။ ထိုဆုတောင်းမေတ္တာတိုလေးကား

‘အိုသခင်၊ တပည့်တော်အား ရက်ရောတတ်ရန်သင်ကြားပေးတော်မူပါ။ ကိုယ်တော်ထိုက်တန်သည့်အတိုင်း တပည့်တော်အစေခံနိုင်ရန်၊ ပြန်လည်ရရှိမည်ကိုမတွက်ဘဲ ပေးကမ်းတတ်စေရန်၊ ဒဏ်ရာကိုမထိခိုက်စေဘဲ ပြန်လည် တုန့်ပြန်တတ်ရန်၊ အနားယူရန်မတွက်ဘဲ မမောမပန်းလုပ်ဆောင်တတ်ရန်၊ ဆုလာဘ်ကိုမမျှော်ကိုးဘဲ လုပ်ဆောင်တတ် ရန် သင်ကြားပေးတော်မူပါ။

Lord, teach me to be generous. Teach me to serve you as you deserve; to give and not to count the cost, to fight and not to heed the wounds, to toil and not to seek for rest, to labor and not to ask for a reward.

ဤဆုတောင်းမေတ္တာကဒ်ကို မာသာရ်ထရေးဇာသီလရှင်အသင်း၀င် စစ္စတာရ်မာရိယာထံမှရရှိခဲ့သည်။ သူသည် အခြားသောသီလရှင်များနှင့်စာရေးသူ (မူရင်းဆောင်းပါးရေးသားသူ) ၏သာသနာနယ်၌အမူထမ်းနေခဲ့သည်။ ယေမင်၌ ဖြစ်ပွားခဲ့သည့် လူမဆန်သောရက်စက်ယုတ်မာသည့်လုပ်ရပ်ကြောင့် စာရေးသူသည်မျက်နှာညှိုးငယ်စိတ်မကောင်းစွာ လှမ်းပေးလာသောမေတ္တာစာတိုကဒ်လေးကိုယူနေသော်လည်း ထိုဆုတောင်းမေတ္တာကဒ်ကိုပေးနေသောစစ္စတာရ်၏ မျက်နှာမှာ တည်တည်ကြည်ကြည် လေးလေးနက်နက်မျက်နှာထားရှိနေသည်။ စစ္စတာရ်သည် ၀မ်းနည်းနာကျည်းသည့် မျက်နှာမပြ။ အေးဆေးတည်ငြိမ်နေသည်။ ထို့အတူ စာရေးသူအားလည်း ‘မျက်ရည်မကျနဲ့။ သူတို့ရဲ့ပေးဆပ်မူအတွက် သူတို့ဆုလာဘ်ပြန်ရမှာပါ’ ဟုအားပေးနှစ်သိမ့်သည်။

စစ္စတာရ်သည် စာရေးသူ၏အာရုံကိုပြောင်းရန် စကားလမ်းကြောင်းလွှဲလိုက်သည်။ စာရေးသူ၏လက်ကိုကိုင်၍ စာရေးသူမှာအလွန်ပိန်နေကြောင်း၊ မိမိကိုယ်မိမိဂရုမစိုက်၍လောဟု ဂရုတစိုက်မေးမြန်းသည်။ ထို့နောက် စာရေးသူ၏ ညီမအကြောင်းကိုမေးမြန်းသည်။ ဆုတောင်းမေတ္တာကိုအလှူခံကြောင်း၊ သူ၏ဆေးကုသမူအခြေအနေများကိုရှင်းပြခဲ့ သည်။ စစ္စတာရ်မာရိယာသည် ဓမ္မအာဇာနည်သီလရှင်တို့၏ဆုတောင်းမေတ္တာကဒ်ကိုပေးရုံမျှမဟုတ်။ လှလှပပချယ်သပေးထားပါသေးသည်။

အိုယေမင်၌တရားတော်အတွက် ကွပ်မျက်ခံခဲ့ရသော ဓမ္မအာဇာနည်သီလရှင်အပေါင်းတို့

ကျွန်ုပ်တို့အဖို့ဌာဆုတောင်းပေးတော်မူပါ။

ဘာသာပြန် - ဖာသာရ်ကလေးမင်းအားတယ်

Photo Crd....