ဘန်ကောက်ဂိုဏ်းချုပ်သာသနာအတွင်း၌အမှုတော်ဆောင်နေသော ကက်သလစ်သီလရှင်အသင်းတစ်သင်းက ချို့တဲ့နွမ်းပါးသူများအား အစားအစာကျွေးမွေးလှူဒါန်မှုကိုစတင်ပြုလုပ်နေပါသည်။ဤသို့ကျွေးမွေးနိုင်ရန်အတွက်‘One Hand Meal for One Baht’(တစ်ဘတ်ထမင်းတစ်နပ်)အစီအစဉ်ဖြင့် ကျွေးမွေးခြင်းဖြစ်သည်။ဤသီလရှင်အသင်းမှာ‘ယေဇူးရွှေနှလုံးတော်အသင်း’သီလရှင်အသင်းဖြစ်သည်။ယခုကဲ့သို့အတွေ့ကို ရဟန်းမင်းကြီးဖရန်စစ်ကပေးခဲ့ကြောင်း၊ရဟန်းမင်းကြီးသည် မိမိတို့၏သက်တောင့်သက်သာအခြေအနေမှရုန်းထွက်၍ ချို့တဲ့နွမ်းပါးသူတို့၏အခြေခံလိုအပ်ချက်များကိုကူညီပေးရန်တိုက်တွန်းခဲ့သည်။ထိုင်းနိုင်ငံသည် ကိုးဗစ်(၁၉)ကပ်ဆိုးကြီးကိုအလူးအလဲခံရပြီးနောက်လည်းကောင်း၊စီးပွားရေးပျက်ကပ်မှုကြောင့်လည်းကောင်း လိုအပ်သူများကိုကူညီရန်အတွက်တွန့်ဆုတ်နေခဲ့သည်။အတော်များများအလုပ်မဲ့သွားပြီး ချို့တဲ့သူများဖြစ်သွားခဲ့ကြသည်။မြို့ပြ၌အလုပ်လုပ်နေသူများ၎င်းတို့၏ဆင်ခြေဖုံး၊မြို့ပြင်များ၌ရှိသောလယ်ယာ၊တောင်ယာများကိုပြန်လည်လုပ်ကိုင်နေကြရသည်။နိုင်ငံသားအတော်များများသည်၎င်းတို့း၏ဘ၀ကို အစမှပြန်စနိုင်ရန် ပိုင်ဆိုင်ရာများကိုရောင်းချနေကြရသည်။ထိုအခြေအနေမျိုး၌ ဘန်ကောက်တွင်အခြေချနေသော ယေဇူးရွှေနှလုံးတော်သီလရှင်အသင်းက အထက်ကဆိုခဲ့သော လှုပ်ရှားမှုဖြင့်ရံပုံငွေရှာဖွေခဲ့သည်။ထိုမှရသောအလှူငွေဖြင့် တစ်လတစ်ကြိမ်လူပေါင်း(၂၀၀)အား အစားအစာများ‌ဝေငှပေးသည်။ယခုကဲ့သို့ပြုလုပ်ရခြင်း၏အဓိကရည်ရွယ်ချက်(၂) ချက်ရှိသည် ။(၁) Klong Toei တစ်ဝှိုက်ရှိ နွမ်းပါး ချို့တဲ့သောသူများကိုကူညီရန်၊(၂)ယုံကြည်မှုမတူသောဘာသာအချင်းချင်း ချစ်ခင်ရင်းနှီးမှုရှိရန်၊ခက်ခဲသောဘ၀အား ကူညီခြင်းဖြင့်စတင်ရန်ဖြစ်ပါသည်။ယေဇူးရွှေနှလုံးတော်သီလရှင်အသင်း၏အဓိက တမန်တော်လုပ်ငန်းမှာ ပညာရေးဖြစ်သည်။ ထိုင်းနိုင်ငံတစ်၀ှမ်း၌ ကက်သလစ်ကျောင်းများစွာဖွင့်လှစ်ထားသည်။လူငယ်များကိုလည်း အရည်အချင်းပြည့်၀ပြီး၊ဆက်ကပ်လိုသောစိတ်ထားမွေးမြူနိုင်ရန်အတွက်လည်း ပြုစုပျိုးထောင်ပေးလျက်ရှိသည်။ကက်သလစ်များသာမကဘဲ ဗုဒ္ဓဘာသာမိသားစုများလည်း ၎င်းတို့၏ကလေးများကို ကက်သလစ်ကျောင်းများ၌လာရောက်အပ်နှံကြသည်။လွန်ခဲ့သောနှစ် နှစ်ခန့်ကအသစ်အဆန်းတစ်ခုဖြစ်ပွားခဲ့သည်။ထိုအသစ်အဆန်းကား ရဟန်းမင်းကြီးဖရန်စစ်မှ မိမိတို့ ၏အိမ်များ၊ကျောင်းများမှထွက်၍ ချို့တဲ့နွမ်းပါးသူများကိုကူညီရန်တိုက်တွန်းခဲ့ကြောင်း၊ထိုတိုက်တွန်းချက်ကို လက်တွေ့ဖော်ဆောင်ခြင်းဖြစ်ကြောင်း၊နွမ်းပါးချို့တဲ့သူများအားတွေ့ဆုံကူညီရန်‌ဝေးဝေးလံလံ သွားရန်မလို။ကျွန်မတို့သီလရှင်ကျောင်း နှင့် နှစ်ပြခန့်သွားလိုက်သည်နှင့်ချို့တဲ့နွမ်းပါးသည့်ရပ်ကွက်ရှိနေကြောင်း၊ထိုရပ်ကွက်သည် ဘန်ကောက်၏အကြီးဆုံးချို့တဲ့နွမ်းပါးသူများနေထိုင်သောနေ ရာဖြစ်ကြောင်း၊ ထိုဒေသကို Klong Toei ဟုခေါ်ကြောင်း  Sr. Orapin ကဖြေကြားခဲ့သည်။ထိုင်နိုင်ငံ၌ (၆.၈) ရာခိုင်းနှုန်းသောလူဦးရေသည် ဆင်းရဲချို့တဲ့သောလူ့အဖွဲ့အစည်းဖြစ်ကြောင်း၊ဤချို့တဲ့သောလူ့အဖွဲ့အစည်းသည် မြို့ကြီးများ၏ဆင်ခြေဖုံးရပ်ကွက်များ၌တိုး၀င်ရှင်သန်ဖြတ်သန်းနေကြသည်။ Klong Toeiသည်ဘန်ကောက်မြို့အလယ်တွင်ရှိသည်။ဤရပ်ကွက်၌ အခြေအနေမဲ့အိမ်ခြေ(၁၀၀,၀၀၀)ခန့်နေထိုင်ကြသည်။အိမ်များကိုလည်း ဖြစ်သလိုဖယိုဖရဲ၊ ခနောခနှဲဆောက်၍ အဓိကဆိပ်ကမ်းများ၌နေထိုင်ကြသည်။ထိုဒေသ၌ ဇာဗေးရီးယံသာသနာပြုဘုန်းတော်ကြီးများ၏ကျောင်းရှိသည်။၎င်းတို့နှင့်ပူပေါင်၍ အဆိုပါချို့တဲ့နွမ်းပါးသူတို့ကိုကူညီရန် သီလရှင်အသင်း၏အကြီးအကဲက သီလရှင်အ ချို့အားကမ်းလှမ်းခဲ့သည်။ ထိုကမ်းလှမ်းချက်ကိုလက်ခံ၍ သီလရှင်များသည် ထိုရပ်ကွက်သို့သွားရောက် ကြည့်ရူခဲ့သည်။မိသားစုများနှင့်သိကျွမ်းရင်းနှီးလာသည်။အလွန်ကြီးမားသောစိန်ခေါ်ချက်ကား အကြမ်းဖက်ခြင်း၊မှုးယစ်ဆေးသုံးစွဲခြင်း၊ အနိုင်ကျင့်မှုအမျိုးမျိုးကိုကျူးလွန်ခြင်း၊နွမ်းပါးချို့တဲ့ခြင်း၊အချို့ ကားကုန်းကောက်စရာမရှိအောင်ပင်မွဲနေကြသည်။ရှိနေသောပြဿနာတိုင်းကိုကျွန်မတို့မကိုင်တွယ် မဖြေရှင်းပေးနိုင်ပေ။အဘယ်ကြောင့်ဆိုသော်အခြားသောအမှုတော်များကိုလည်းဆောင်ရန်ရှိသည်။သို့သော် နေ့စဉ်စားသောက်နိုင်ရန်အတွက်ရုန်းကန်နေမှုကိုမူ တတ်နိုင်သလောက်ပါ၀င်ကူညီပေးနိုင်ပါသည်။‘တစ်ဘတ် ထမင်းတစ်နပ်’လှုပ်ရှားမှုသည်မဆိုစလောက်သော်လည်း ချို့တဲ့နွမ်းပါးသူများအား ၎င်းတို့သည်စွန့်ပစ်ခံများဖြစ်သည်ဟုမခံစားရစေရန်၎င်းတို့သည်ဤလှုပ်ရှားမှု၏တစ်စိတ်တစ်ပိုင်းဖြစ်သည်ကိုလည်းခံစားစေလိုသည်။၎င်းတို့သည် လက်အခံရုံသက်သက်သာမဟုတ်။ ထိုင်းနိုင်ငံသည် အရှေ့တောင်အာရှ၌ ဗုဒ္ဓဘာသာအများဆုံးနေထိုင်သောနိုင်ငံဖြစ်သည်။အင်ဒိုနီးရှားနိုင်ငံသည် ဗုဒ္ဓဘာသာဒုတိယအများဆုံးနိုင်ငံဖြစ်သည်။စင်ကာပူ၊ ဘရူနိုင်း၊အင်ဒိုနီးရှား၊ မာလေးရုးဂ’(၂၀၁၈) ခုနှစ် ကGDP(Gross Domestic Product) ၏တန်ဖိုးအဆင့် (၄)တွင် ရှိနေသေးသည်။၂၀၁၉ခုနှစ် က ထိုင်းနိုင်ငံအတွင်း ကက်သလစ်ဘာသာတူဦးရေ(၃၈၀၀၀)ဦးရှိသည်။ထိုင်းနိုင်ငံ၌ ကက်သလစ်ဂိုဏ်းချုပ်သာသနာ(၃)ခု၊သာသနာအုပ်စုပေါင်း(၉)ခု၊သာသနာအုပ်စု(၅၀၂)ရှိသည်။

ဘာသာပြန် ဖာသာရ် ကလေးမင်းအားတယ်

Crd Photo