ဆရာမ Trinity Saioo သည် အိန္ဒိယသမ္မတ Ram Nath Kovind ၏ ‘Padma Shri’ ဂုဏ် ထူးဆောင်ဆုကို နိုင်၀င်ဘာလ (၉) ရက်နေ့ကချီးမြှင့်ခြင်းခံခဲ့ရသည်။ သူမသည် ကက်သလစ်ကျောင်းတစ်ကျောင်း၌ မူလတန်းပြဆရာမတစ်ဦးဖြစ်သည်။ သူသည် လူဦးရေ (၁၅၀၀)ပင် မပြည့်သောရွာ Mulieh ရွာဇနာပုပ်လေးမှဖြစ် သည်။ သို့သော် ကမ္ဘာထိကျော်ကြားသော ဟင်းခပ်အမွေးအကြိုင်ကို စိုက်ပျိုးလေ့ရှိသည်။ ဆရာမသည် (၅၃)နှစ်ရှိပြီဖြစ်ပြီး၊ Jowai ဂိုဏ်းအုပ်သာသနာ၊ Mawkyndeng သာသနာအုပ်စုမှဖြစ်သည်။ သူမသည် ဒေသအတွင်း၌ စိုက်ပျိုးဖြစ်ထွန်းသော ဟင်းခပ်အမွှေးအကြိုင်ကို လူသိများလာအောင် ကိုယ်တိုင်လည်းစိုက်းပျိုးပြီး၊ ရွာသူရွာသားများကိုလည်း အားပေးစိုက်ပျိုးစေ၍ အိန္ဒိယနိုင်ငံ၏ ဟင်းမွှေးမာဆလာကို ကမ္ဘာ့‌စျေးကွက်ထိ ထိုးဖောက်‌အောင်စွမ်းဆောင်နိုင်ခဲ့သည်။ ယခုသူပေးအပ်ခံရသော ဆုတံဆိပ်သည် အိန္ဒိယနိုင်ငံ၏ စတုတ္ထအမြင့်ဆုံး ဆုတံဆိပ်ဖြစ်သည်။ ကက်သလစ် အမျိုးသမီးတစ်ဦးလည်းဖြစ်၊ မိခင်တစ်ဦးလည်းဖြစ်၊ မူတန်းပြဆရာမလည်းဖြစ်၊ ကျောင်းသူကျောင်းသားများ၏နေ့လယ် စာချက်ပြုတ်ရေး တာ၀န်ခံလည်းဖြစ်၊ လယ်သမားလည်းဖြစ်သကဲ့သို့ အခြားသော ဘ၀တူအမျိုးသမီးများကိုလည်း နိုင်ငံတော်အစိုးရမှ ချပေးသော စီမံကိုန်းများဖြင့် ကူညီပေးပြီး၊ မိသားစုစား၀တ်နေရေးကို အဆင်ပြေအောင်ကူညီပေးနေ ကြောင်း rva ၏ တွေ့ဆုံမေးမြန်းခန်းတွင်ဖြေကြားခဲ့သည်။       
          ဤစီမံကိန်းကို ရွာငယ်လေးတစ်ရွာတွင် (၂၀၀၃) ခုနှစ်ကစတင်ခဲ့သည်။ ဤဟင်းမွှေးမာဆလာကို (၂၀၂၃) ခုနှစ်၌ မက်ထရစ်တန်ချိန် (၅၀၀၀၀) အထိထုတ်လုပ်နိုင်ရန် ဒေသအစိုးရကမှန်းထားသည်။ စီးမံကိန်းများကိုလျှောက် ပေးရုံမျှမဟုတ်ဘဲ မြေပြင်အနေအထားကို ကိုယ်တိုင်ကိုယ်ကျသွားရောက် ကြည့်ရူစစ်ဆေးလမ်းညွှန်လေ့ရှိသည်။ ဤလှုပ်ရှားမူကို ပြုလုပ်ခဲ့ရခြင်းမှာ နိုင်ငံတော်မှဂုဏ်ပြုဆုတံဆိပ်ကို မျှော်မှန်း၍မဟုတ်။ နွမ်းပါး၊ နိမ့်ကျနေသောသူတို့၏ ဘ၀ကိုမြင့်တင်ရန်သာဖြစ်သည်။ (၂၀၀၃) ခုနှစ်၌ ဤဟင်းမွှေးမာဆလာကို စိုက်ပျိုးသူတို့အား ထောက်ပံ့ကြေးများချေး ငှားပေးကြောင်းကြေညာပါသည်။  ထို့ကြောင့် ရွာသူအမျိုးသမီးများအား စိုက်ပျိုးကြရန်စည်းရုံးတိုက်တွန်းခဲ့သည်။ အစပိုင်း၌ အချို့သည်စိတ်၀င်စားမှု သိပ်မပြသော်လည်း နောက်ပိုင်း၌ စိုက်ပျိုးသူ (၇၀၀ မှ ၈၀၀) အထိတိုးလာခဲ့သည်။ ထိုအခါအချင်းချင်း ကူညီနိုင်သည့် အဖွဲ့များဖွဲ့၍ ပိုမိုထိရောက်စွာလမ်းညွှန်ပေးခဲ့သည်။    
          လယ်ယာလုပ်ငန်းသည် မိဘတို့၏လက်ငုပ်လက်ရာ အလုပ်ဖြစ်သည်။ အဖိုးအဖွား၊ မိဘများလက်ထက်မှ စိုက်ပျိုးလာခဲ့သည်။ သူသည် ဘာသာတရားအလွန်ကိုင်းရှိုင်းသော ကက်သလစ်အမျိုးသမီးတစ်ဦး ဖြစ်သည့်အပြင် သာသနာအုပ်စု၏ အမျိုးသမီးအဖွဲ့အစည်း၏ အတွင်းရေးမှူးတာ၀န်ကိုလည်း ထမ်း‌ဆောင်နေသူလည်းဖြစ်သည်။ စာမသင်သောရက်များ၌ ထိုဟင်းမွှေးမာဆလာကိုနေလှန်ခြင်း၊ လှီးဖြတ်ခြင်း၊ အမှုန့်ကြိတ်ခြင်း တစ်ခုခု အမြဲလုပ်နေတတ်သည်။ (၂၀၁၄) ခုနှစ် အရောက်၌ အကောင်းဖက်ဆီသို့ အချိုးအကွေ့ဖြစ်လာစေခဲ့သည်။ အိန္ဒိယနိုင်ငံ၏ စိုက်ပျိုးရေး၀န်ကြီးဌာနက ဆရာမတို့၏ ဒေသထွက်ဟင်းခပ် အမွှေးအကြိုင်သည် အခြားဒေသထွက်ထက်ပိုမိုကောင်းမွန်ကြောင်း အသိအမှတ်ပြုလာသည်။ အရောအစပ်၌လည်း အချိန်အဆမှန်ကန်စွာ ပြုလုပ်ထားသည်။ ထို့ကြောင့်အခြားဒေသထွက်များထက် ပိုကောင်း၊ ပိုစစ်၊ ပိုလူကြိုက်များလာသည်။
          (၂၀၁၅) သို့ရောက်သောအခါ လုပ်ငန်းရှင်အဖွဲ့နှစ်ဖွဲ့နှင့်ချိပ်ဆက်၍ ချေးငွေများဖြင့်ပိုမိုတွင်ကျယ်စွာ လုပ်ဆောင်ခဲ့သည်။ ကိုယ်တိုင်လည်း သဘာ၀မြေဩဇာများကိုလည်း စနစ်တကျသုံးစွဲတတ်ရန် ကြပ်မတ်လုပ်ဆောင်ခဲ့သည်။ သူမသည် တစ်ဦးတည်းလုပ်ဆောင်ခြင်းမဟုတ်။ အသင်းအဖွဲ့နှင့်လုပ်ဆောင်သည်။ သူသည်ဤသို့လုပ်ဆောင်နိုင်သည်မှာ လူလွှတ်ဖြစ်နေ၍မဟုတ်။ သားသမီး (၆) ယောက်ရှိပြီး၊ သား (၃) ယောက်နှင့်သမီး (၃) ယောက်ရှိသည်။ အကြီးဆုံးနှစ်ယောက်မှာ သူမအားကူညီပေးသည်။ တစ်ယောက်မှာ တက္ကသိုလ်တက်နေသည်။ တစ်ယောက်မှာ မာစတာ တန်းတက်ရောက်နေသည်။ နို့ညှာမှာ (၁၁) တန်းတက်ရောက်နေပြီး၊ အထွေးဆုံးသမီးမှာ (၈) တန်းတက်ရောက်နေသည်။ ဤသို့အမှုကိစ္စများစွာ ရှိနေသော်လည်း သူနှင့်သူ၏သားသမီးများသည် တနဂ်နွေနေ့မစ္ဆားတရားကို မပျက်မကွက် တက်ရောက်လေ့ရှိသူဖြစ်သည်။ ဘုရားကျောင်း၌ဖြစ်စေ၊ အိမ်များ၌ ဆုတောင်းခြင်းအခမ်းအနားများ၌ဖြစ်စေ သူမ၏ ဘ၀ဖြတ်သန်းနေပုံကို ပြောပြရန် တောင်းဆိုလာတိုင်း ငြင်းဆန်လေ့မရှိ။ သန့်ရှင်းသော ဝိညာဥ်တော်၏ လမ်းညွှန်မှုအတိုင်း ဝေမျှလေ့ရှိသည်။ သူမ၏ လက်စွဲကျမ်းချက်မှာ "ဘုရားသခင်၏ နိုင်ငံတော်နှင့်ကိုယ်တော်၏ ဖြောင့်မတ်ခြင်း တရားကိုဦးစွာရှာကြလော။ ထိုအခါ သင်တို့အား ဤအရာအလုံးစုံကို ထပ်လောင်း၍ ပေးသနားတော်မူလိမ့်မည်" ဖြစ်သည်။ (သံမာတေဦး ၆း၃၃)  
          (၂၀၁၈) ခုနှစ်သို့ ရောက်သောအခါ ဒေသေအစိုးရက သူမ နေထိုင်ရာဒေသတစ်ဝိုက်ရှိ စိုက်ခင်းများကို သူမအား ဦးဆောင်စေခဲ့သည်။ ကိုးဗစ် (၁၉) ကပ်ဆိုးကြီးသည် ၎င်း၏လုပ်ငန်းကို ထိခိုက်မူမဖြစ်ပေါ်စေခဲ့ပေ။ အဘယ်ကြောင့်ဆိုသော် ၎င်းတို့သည် လူသွားလူလာနည်းသောဒေသ၌ နေထိုင်ခြင်း၏အကျိုးပင်ဖြစ်သည်။ ပိုးရှိလူနာတွေ့ရှိမှု လုံး၀ပင်မရှိခဲ့ပေ။ ကိုးဗစ် (၁၉) ကြောင့် သွားလာရေးကန့်သတ်လိုက်သော (၂၀၂၀) မှစ၍ တောင်သူတို့သည် အဆိုပါဟင်းခပ်မာဆလာ (၁၆) မက်ထရစ်တန်ကိုထုတ်လုပ်နိုင်ခဲ့သည်။ နေ့စဉ် အလုပ်သမား (၂၀) ယောက်ခန့်သည် လုပ်ငန်းမပြတ်လည် ပတ်နိုင်ရန် လုပ်ဆောင်လျှက်ရှိသည်။ အခက်အခဲနှင့်ကြုံနေသော မိသားစုများ၏သတင်း၊ အမျိုးသမီးကြားနားလည်မူလွှဲခြင်း၊ မိသားစုအရေးကိစ္စများကိုကြားလျှင် ထိုကိစ္စကိုတရားနည်းလမ်းကျစွာမဖြေရှင်းရမချင်း အတွင်းစိတ်၌ငြိမ်းသက်မှုမရှိ။ ၎င်းတို့အား ကူညီဖြေရှင်းပေးခြင်း၊ အကြံပေးလမ်းညွှန်ခြင်းများကို ပြုလုပ်ပေးလေ့ရှိကြောင်း ဖြေကြားခဲ့သည်။   

ဖာသာရ်ကလေးမင်းအားတယ်
Photo Crd