"လာတင်းအမေရိကား၌ ရလိုက်သောအတွေ့အကြုံအရ ရွေ့ပြောင်းများကို ထိရောက်စွာကြိုဆိုကူညီပေးခြင်းသည် ကောင်းကြီးတော် တစ်ပါးဖြစ်သည်။ ကြွယ်၀လာစေခြင်း၏ အရင်းအမြစ် ဖြစ်သည်။ ထို့အတူ လူမူအသိုင်းအဝိုင်းကိုလည်း ကြီးထွားလာအောင် အားပေးရာလည်းရောက်သည်။" ဟုပြောဆိုကြောင်း ရဟန်းမင်းကြီးဖရန်စစ်သည် သူ၏ "Fratelli tutti" စာချွန်တော်အား ကိုးကား၍ "ရွေ့ပြောင်းများအား ကူညီထောက်ပံ့ပေးသော အဖွဲ့အစည်းများ၏ အစည်းအဝေး၌ တက်ရောက်လာသောသူ (၂၀၀) ဦးတို့ကို မိန့်ကြားခဲ့သည်။

ဤအဖွဲ့သည် အီတလီနိုင်ငံ ကက်သလစ်ဆရာတော်ကြီးများ အဖွဲ့ချုပ်၏ စီမံမှုအောက်၌ရှိသည်။ နို၀င်ဘာ (၉ မှ ၁၂) အထိ ရောမမြို့၌ "ဥရောပရှိအီတလီလူမျိုး များနှင့်ခရစ်ယာန်သာသနာပြုများ" ခေါင်းစဉ်ဖြင့် ဆွေးနွေးပွဲကျင်းပခဲ့ကြသည်။

ရဟန်းမင်းကြီးဖရန်စစ်သည် ရွေ့ပြောင်းများအား ကြိုဆိုလက်ခံခြင်းနှင့် ပတ်သက်၍ အချက် (၄) ချက်ကို ပြန်လည်မိန့်ကြားခဲ့သည်။ ထိုအချက် (၄) ချက်ကိုလစ်လျူရူပါက ကြီးမားသော ပြဿနာဆီသို့ ဦးတည်သွားစေသည်။ (မတ်လ၊ ၂၂၊ ၂၀၁၆) ခုနှစ်က ဘရာဆဲလ်၊ ဘဲလ်ဂျီယံ၊ Zaventem ၌ဗုံးဆက်တိုက် (၃) ကြိမ်ပေါက်ကွဲခဲ့သည်။ ထိုလုပ်ရပ်၏လက်သည်မှာ လူမှုအသိုင်းအဝိုင်း၏ နွေးထွေးကြိုဆိုမှု မခံရသော ရွေ့ပြောင်းမိသားစုများ၏ ကလေးများဖြစ်သည်။

ရွေ့ပြောင်းများသည် ဥရောပနှင့် သူတို့ခိုလှုံသော သာသနာအတွက်ကောင်းကြီးတစ်ခုဖြစ်သည်။ အကယ်၍ ၎င်းတို့အားနွေးထွေးပျူဌာစွာ လက်ခံယူနိုင်လျှင် စည်းလုံးခြင်းကို မွေးဖွားပေးသည်။ ထိုအခါ ‘ကက်သလစ်’ ဖြစ်ခြင်း (လူသားတိုင်းနှင့်သက်ဆိုင်မှု) ကိုပြသသည်။ တမန်တော်ကြီးတို့မှ ဆင်းသက်လာခြင်းကိုပြသသည်။ သန့်ရှင်းခြင်းကို ပြသနိုင်သည်။ ရဟန်းမင်းကြီးဖရန်စစ်က စိန့်ဖရန်စစ်ဇေးဗီးယား ဘရီးနီအားပမာပြထားသည်။ အဆိုပါရဟန္တာ သည် (၁၉၄၆) ခုနှစ်၌ရဟန္တာအဖြစ် တင်မြောက်ခံရသော ပထမဦးဆုံးအမေရိကန်နိုင်ငံသားဖြစ်သည်။ သူသည် အမေရိကားသို့ပြောင်းရွှေ့သွားသော အီတလီလူမျိုးများ၏ ဝိညာဥ်ရေးအတွက် သာသနာပြုသီလရှင်အသင်းအဖွဲ့ဖြစ်သည့် "ယေဇူးရွှေနှလုံးတော်သီလရှင်" အသင်းကို တည်ထောင်ခဲ့သည်။ ယခု အစည်းအဝေးကြီးသည် ဥရောပ၌ ရွှေ့ပြောင်းသွားလာသော အီတလီလူမျိုးများအနေဖြင့် သာသနာပြုစိတ်ဓာတ်များမွေးမြူရန်၊ သို့မှသာ ဧ၀ဂေလိသတင်းကောင်းကို နည်းလမ်းသစ်ဖြင့်ဟောကြားရာရောက်မည်။ ထို့ကြောင့် ရွေ့ပြောင်းသွားလာသော လူ့အသိုင်းအဝိုင်းအား "ကျွန်ုပ်တို့" ဟုနားလည်ရန်၊ ဥရောပသည် အားလုံးအတွက် လုံခြုံစွာ ခိုနားရာ အိမ်တော်ဖြစ်စေရန်၊ ယုံကြည်ခြင်းမျိုးစေ့ကိုလည်း ရောက်လေရာရာ၌ ကြဲကြရန်တိုက်တွန်းခဲ့သည်။

ဖာသာကလေးမင်းအားတယ်

Photo Crd