St. Sebastian ကို ယေဘုယျအားဖြင့် အားကစားသမားများကို မှိုင်းမသောရဟန္တာအဖြစ် လူသိများသော်လည်း မကြာသေးမီကာလအထိ ဘောလုံးသမားများအား မှိုင်းမသူသီးသန့်ရဟန္တာမရှိခဲ့ပေ။ထို့ကြောင့်ဘောလုံးချစ်ပရိသတ်များက မိမိတို့ကိုယ်တိုင် သင့်တော်မည့်ရဟန္တာတစ်ပါးကို ရှာဖွေခဲ့ကြပါသည်။ Zeit online မှပြောဆိုချက်အရ သြစထြီးယား စီးပွားရေးလုပ်ငန်းရှင် Manfred Pesek ဆိုသူသည် ဘောလုံးသမားများ အတွက်သင့်တော်သည့် ရဟန္တာတစ်ပါး ရှာဖွေနိုင်ရန်အတွက် နေရာလွတ်တစ်ခုနှင့် အသင်းအဖွဲ့ကို ဖွဲ့စည်းခဲ့ပြီးနေ့ရက်များကိုလည်း သတ်မှတ်ပေးခဲ့ပါသည်။ University နှစ်ခုမှ professorsများသည်လည်း သင့်တော်မည့်ရဟန္တာထောင်ပေါင်းများစွာကို စီစစ်ခဲ့ပါသည်။

နောက်ဆုံးတွင်စံကာတင် ၁၀ ပါး အနက်မှ St. Pope John Paul II မှ ၂၀၀၁ ခုနစ် ဇွန်လ ၁၀ ရက်နေ့တွင် ရဟန္တာတင်မြှောက်ခဲ့သော St. Luigi Scrosoppi ကို အများစုကနှစ်သက် သဘောကျကြပါသည်။အဘယ်ကြောင့်ဆိုသော် သူသည် ကလေးသူငယ်များကို ချစ်မြတ်နိုးပြီးစိတ်ရှည်ခြင်းနှင့် မေတ္တာကရုဏာပါရမီ၌ တမူထူးခြားကာ ဝိညာဥ်ရေးရာပျော်ရွှင်မှုကိုလည်း ပိုင်ဆိုင်ထားသူဖြစ်သည် သူ၏ရဟန္တာတင်မြောက်ခြင်း အခမ်းအနားတွင် St. Pope John Paul II က " မေတ္တာကရုဏာသည် သူ့ပိုင်ဆိုင်မှု၏ လျှို့ဝှက်ချက်နှင့် မမောပန်းနိုင်သော တမန်တော်လုပ်ငန်းဖြစ်သည်။သခင်ခရစ်တော်နှင့် ခိုင်မြဲသောဆက်သွယ်မှု, ဘက်သလင်ဟင်မြို့မှာ နှိမ့်ချစွာနှင့်ဆင်းရဲစွာ မွေးဖွားလာသောသခင်ယေဇူး, နာဇရက်မြို့မှ အလုပ်ကြိုးစားပြီး ရိုးစင်းသောသခင်ယေဇူး၏ဘဝ, ကာရ်ဝါရီတောင်မှာ အသက်အသေခံခြင်းဖြင့် ပြည့်ဝစုံလင်သော သခင်ယေဇူးနှင့်ကိုယ်တော်မြတ် စကရမင်းတူး၌ တိတ်ဆိတ်စွာကိန်းဝပ်တော်မူသော သခင်ယေဇူး စသည်တို့ကိုထောက်ရှုခြင်းနှင့် ပုံအတုယူခြင်းဖြင့် ခွန်အားယူခဲ့သည်" ဟုမိန့်ကြားခဲ့ပါသည်။

ထို့အပြင် Udine မြို့မှ ရဟန်းလောင်းဝင်ရောက်လာသော လူငယ်များနှင့် ထိုဒေသမှမိဘမဲ့မိန်းကလေးငယ်များကို အထူးဂရုစိုက်ခဲ့ပါသည်။ အဆင်းရဲဆုံးသောသူများကြား၌ ဇွဲလုံလနှင့်အလုပ်လုပ်ခဲ့ပြီးသူတို့၏ခက်ခဲမှုအခြေအနေများမှမျှော်လင့်ချက်ကိုရှာဖွေတွေ့ရှိနိုင်လည်းကူညီပေးခဲ့ပါသည်။ရောမ၏အစီရင်ခံချက်အရ သူ့ကို အားကစားလိုက်စားသော လူငယ်လူရွယ်များအားမှိုင်းမသူအဖြစ်လည်း ဖော်ပြထားပါသည်။

ဤသို့ဖြင့် Pesek သည် Bishop Alois Schwarz, Bishop AndreaBruno(Bishop of Udine) နှင့် ရဟန်းမင်းကြီးဆိုင်ရာ လူဝတ်ကြောင်များပါဝင်သော အသင်းတော်နှင့် အားကစားရေးရာတို့ထံမှ ထောက်ခံချက်ကိုရရှိခဲ့ပါသည်။ ထို့ကြောင့် ၂၀၁၀ခုနစ် သြဂုတ်လ ၂၂ ရက် နေ့တွင် ဘောလုံးကို ကိုင်ဆောင်ထားသော St. Luigi Scrosoppi ရုပ်ထုကို စတင်မိတ်ဆက်ပြီး ဘောလုံးသမားများအား မှိုင်းမသူရဟန္တာအဖြစ် တရားဝင်ကြေညာခဲ့ပါသည်။⚽

Crd. Rose Sdp