နှစ်သိမ့်ဆွေးနွေးအကြံပေးသည့် ဘာသာရပ်ဖြင့် ဘွဲ့ရထားသော ဘင်္ဂလား‌ဒေ့ရှ်နိုင်ငံမှ ကက်သလစ် သီလရှင်တစ်ပါးသည် ယခုကဲ့သို့ကပ်ရောဂါ ကြုံတွေ့နေရ၍ စိတ်ပိုင်းဆိုင်ရာထိခိုက်ခံစားမှုရှိနေသူများအား အဘယ်သို့ကူညီအကြံပေးရမည်ကို ယူကျူ့မှလည်းကောင်း၊ ဖေ့စ်ဘွစ်ခ်ကဲ့သို့သော လူမူကွန်ရက်များမှလည်းကောင်း သင်တန်းများပို့ချ ပေးလျှက်ရှိသည်။ စစ္စတာရ် ၏အမည်မှာ Gloria Lipy Rozario ဖြစ်ပြီး၊ ‘၀မ်းနည်းခြင်းမယ်တော်’ အသင်းမှသီလရှင်ဖြစ်သည်။ သူသည် စိတ်ပိုင်း ဆိုင်ရာ‌ဝေဒနာ ခံစားနေရသူများ၊ စိတ်ဂယောင်ချောက်ချားဖြစ်နေသူများအား ဆွေးနွေးနှစ်သိမ့် အကြံပေးလာခဲ့သည်မှာ (၁၀) နှစ်ပင်ရှိပြီဖြစ်သည်။ သူသည် ဘင်္ဂလားဒေ့ရှ်၏မြို့တော်၊ ဒက်ကာရှိ နှစ်သိမ့်ဆွေးနွေးအကြံပေးဆေးခန်း၏ တာ၀န်ခံလည်းဖြစ်သည်။ ဖေ့စ်ဘွတ်ခ် လူမူကွန်ရက်၌ သူ၏ပို့ချချက်များကို၀င်ရောက်ကြည့်ရူသူများ နေ့စဉ်တိုးလျှက်ရှိသည်။ ၀င်ရောက်ကြည့်ရူသူတို့၏ ပျမ်းမျှအသက်မှာ (၁၈-၂၄) ဖြစ်သည်။ စစ္စတာရ်၏ ဗွီဒီယိုဖိုင်လ်တစ်ခုဖြစ်သော ‘How do you say no to your boyfriend and others?’ (သင့်ချစ်သူကောင်လေးနှင့်အခြား သူများအား ‘ခွင့်မပြုနိုင်ဘူး’ ဟု သင်အဘယ်သို့ပြောမည်နည်း) ကိုလူပေါင်း (၂.၂) သန်း၀င်ရောက်ကြည့်ရူထားကြောင်း၊ စစ္စတယ်သည် တစ်လလျှင် ယခုကဲ့သို့သော် ပညာပေးဗွီဒီ ယိုဖိုင်လ် (၁၀) ခုခန့်ကွန်ရက်ပေါ် တင်ပေးလေ့ရှိသည်။ တင်သမျှသော ဗွီဒီယိုဖိုင်လ်များ၌ ကြည့်ရူသူပေါင်း တစ်သန်း ကျော်ရှိသည်။ ယခုကဲ့သို့ကြည်ရူသူများခြင်းသည် သူ၏အွန်လိုင်းတမန်တော်လုပ်ငန်း ထိရောက်အောင်မြင်ကြောင်းခံ ယူသည်။ စစ္စတာရ်၏ တင်သမျှကို လိုက်ကြည့်သူပေါင်း (၇၆၀၀၀) ရှိသည်။ ယခုကဲ့သို့ လုပ်ရခြင်းမှာ လူမူအသိုင်းအ၀ိုင်းမှ ပြည်သူများသည် စိတ်ပိုင်းဆိုင်ရာကျန်းမာရေးကောင်းမွန်စေရန်အသိပေးခြင်း၊ အကြံပေးခြင်း၊ သင်ကြားပေး ချင်၍ဖြစ်သည်။ စစ္စတာရ်အနေဖြင့် ဤသို့သောအခက်အခဲများနှင့်ကြုံနေသည့် လူလွှတ်ဖြစ်စေ၊ အိမ်ထောင်သည်ဖြစ်စေ၊ မိသားစုဖြစ်စေ ကူညီပေးလျှက်ရှိသည်။

ကလေးများသည် မိဘများ၏ဖိအားကြောင့် စိတ်ဖိစီးမူကိုခံစားနေကြရသည်များလည်းရှိသည်။ အချို့မိဘများသည် သားသမီများအား အလွန်အကျွံစိုးရိမ်တတ်ကြသည်။ သားသမီးတို့၏စကား၊ ဖြစ်လိုကြောင်းတိုင်ပင်ပြောဆိုလာသည်ကိုအလေးမထားကြ။ ကလေးများကို မိဘထားသည့်အတိုင်းနေ၊ ဆင်သည့်အတိုင်း၀တ်၊ ကျွေးသည့်အတိုင်း စား၊ စောဒကတက်ခြင်းကို လက်မခံပေ။ မိဘတို့၏သဘောထားနှင့် ဆန့်ကျင်လာလျှင် လုံး၀ခွင့်မပြု။ ပညာရေး၌ထူး ချွန်စေလိုသည်။ ပညာရေးကြောင့်လည်း ကျောင်းသားလူငယ်များသည် စိတ်ဖိစီးမူများခံစားနေကြရသည်။

ကြီးကောင် ၀င်လာသောလူငယ်များအနေဖြင့် သမီးရည်းစားကိစ္စအဆင်မပြေဖြစ်ပြီး၊ လမ်းခွဲသည့်ပြဿနာ များနှင့်ကြုံနေကြရသည်။ ထိုအခြေအနေမျိုး၌ ငါသည်အရှုံးသမားဖြစ်ပြီ။ ငါ့ကိုယ်ငါ အဆုံးစီရင်ရုံသာ ရှိသည်ဟု ခံစားနေကြသည်။ လူငယ်တို့သည် စိတ်ကစားသော အရွယ်ဖြစ်သည်။ မိမိကိုယ်မိမိကြံစည်သော နှုန်းထားလည်းမြင့်မားလျှက်ရှိ သည်။ လူငယ်များသည် အလုပ်အကိုင်ကောင်းများရရှိရေးနှင့်ပတ်သက်၍လည်း စိုးရိမ်လွန်ကဲနေတတ်သည်။ အိမ်ထောင်သည်များလည်း အိမ်ထောင်ရေးအဆင်မပြေမှုများကိုကြုံနေကြရသည်။ မျက်မှောက်ခေတ်၌ အခြားသူတစ်ဦးတစ်ယောက်နှင့် တိတ်တိတ်ပုန်းချိတ်ဆက် ပတ်သက်မှုများလည်းရှိနေကြသည်။ ထိုအခြေအနေကို အိမ်ထောင်ဖက်တစ်ဦးဦးကသိသွား‌ သောအခါ လူမူကွန်ရက်ပေါ်တွင်တင်၍ ဖောက်သည်ချမှုများ လုပ်ဆောင်လာသည်။ ဤသို့ဖြင့် ၎င်းတို့၏အိမ်ထောင်ရေးသည် လမ်းခွဲကြရသည်။ စစ္စတာရ်သည် စိတ်ပညာဘာသာရပ်ကို အီတလီ၌သင်ကြားလေ့လာပြီးနောက်ပိုင်း ဤအမူတော်ကိုဆောင်ရွက်ခြင်းသည် သူ၏ခေါ်တော်မူခြင်းဖြစ်ကြောင်း ပို၍သိလာခဲ့သည်။ သူသည် ၀ိညာဉ်ရေး ဆိုင်ရာဘာသာရပ်ကိုလည်း ရောမ၌သင်ကြားခဲ့သည်။ မာစတာဘွဲ့ကိုမူ အမေရိကန်ပြည်ထောင်စု၊ ကယ်လီဖိုးနီး ယားပြည်နယ်၊ ဆန်တာကလားရာ တက္ကသိုလ်မှရယူခဲ့သည်။

ဖာသာရ်ကလေးမင်းအားတယ်

Photo Crd