ယုံကြည်ခြင်း၏ သက်သေခံ အသက်တာ
* သံသယသည် ယုံကြည်ခြင်း၏ အဆုံးမဟုတ်ပါ။
စိတ်ရင်းမှန်ဖြင့်သခင်ကိုရှာဖွေစေသောလမ်းဖြစ်ပါက
သံသယက ယုံကြည်ခြင်းသို့ ဦးတည်စေသော
အစ ဖြစ်လာပါတယ်။
* စိန့်သောမာတ်စ်ကဲ့သို့ မေးခွန်းတိုင်းကို သခင်ထံ ပို၍
နီးကပ်စေသောအခွင့်အရေးအဖြစ်လက္ခံကြပါစို့။
ထိုအခါကျွန်ုပ်တို့၏နှလုံးသားမှ"အကျွန်ုပ်၏ သခင်၊
အကျွန်ုပ်၏ဘုရား"ဟုယုံကြည်ခြင်းဖြင့်ဝန်ခံနိုင်မှာပါ။
* စစ်မှန်သောယုံကြည်ခြင်းဟာ အရာအားလုံးကို
မြင်ရမှ ယုံကြည်ခြင်းမဟုတ်၊ဘယ်သောအခါမျှ
မပျက်ကွက်ဘဲ သခင်ကို အပြည့်အဝ ယုံကြည်ကိုးစားခြင်းဖြစ်တယ်။
* ကြောက်ရွံ့ခြင်းနှင့် သံသယများကြောင့်
သခင်ယေဇူးထံမှ ဝေးကွာမသွားပါစေနှင့်
ရိုးသားသောစိတ်၊ နှိမ့်ချသောစိတ်၊
မျှော်လင့်ခြင်းအပြည့်ဖြင့်သခင်ထံသို့ လာကြပါစို့။
* သခင်ခရစ်တော်သည်သင့်နှလုံးသားကိုထိတွေ့တဲ့ခါ
သံသယသည်ယုံကြည်စိတ်ချမှုအဖြစ်ပြောင်းလဲ၍
အားနည်းခြင်းသည်သတ္တိအဖြစ် ပြောင်းလဲလာမယ်
ယုံကြည်ခြင်းသည်အခြားသူများကိုအလင်းပေးသော
သက်သေခံအသက်တာ ဖြစ်လာပါလိမ့်မယ်။
* ထို့ကြောင့် ရှင်ပြန်ထမြောက်တော်မူသောသခင်ကို
စိတ်နှလုံးအကြွင်းမဲ့ ယုံကြည်ပါ။
ဘဝအသက်တာတစ်ခုလုံးဖြင့် ချစ်ပါ။
သတင်းကောင်းကို သတ္တိရှိရှိ မျှဝေပါ။
သို့မှသာ အခြားသူများလည်း သခင်ကို
သိကျွမ်း၍ ယုံကြည်လာကြပါလိမ့်မယ်။
Celeste, MSP ✍️
