အမိသာသနာတော်ကြီး၏ အနာဂတ်သည် သာသနာပြုလိုသော စိတ်ထက်သန်မှုအပေါ်မူတည်မည်ဖြစ်ကြောင်း ကာဒီ နယ် Matteo Zuppi ကပြောကြားခဲ့သည်။ ကာဒီနယ်သည် အီတလီနိုင်ငံ၊ ဘိုလိုးညှာဂိုဏ်းချုပ်သာသနာ၏သာသနာပိုင် ဂိုဏ်းအုပ် ဆရာတော်ဖြစ်သည်။ သာသနာပြုနှင့်ဆိုင်သော တမန်တော် အသက်တာကိုကျင့်ကြံရှင်သန်ကြရန် ရဟန်းမင်းကြီးကတိုက်တွန်းကြောင်း၊ ပိတ်နေသော အနေအထားဖြင့်မဟုတ်ဘဲ ဖွင့်လျှက်အနေအထား၌ရှိရန်လိုကြောင်း၊ လက်ရှိအခြေအနေ၌ မျှော်လင့်ခြင်းကိုခိုင်မာအောင်တိုးမြှင့်လုပ်ဆောင်ရန်လိုကြောင်း၊ ယနေ့ဒဏ်ရာကိုကုစား၍ နက်ဖန်အတွက်မျှော်လင့်ချက်ကိုမွေးမြူရန်၊ ဤနှစ်ခုသည် ယှက်နွယ်လျှက်ရှိသည်။ ယနေ့၏ဒဏ်ရာကိုကုစားခြင်းမပြုပါက နက်ဖန်အတွက် မျှော်လင့်ချက်ကိုတည်ဆောက် ရန်မဖြစ်နိုင်ပေ။ ခရစ်ယာန်များသည် ကမ္ဘာကြီးအားကျောမပေးဘဲ မိမိတို့၏ယုံကြည်ခြင်းကိုရှင်သန်ရန် ဧ၀ဂေလိကျမ်းစာမှခွန် အားများရယူနိုင်သည်။ ကမ္ဘာကြီးနှင့်အဘယ်သို့မျှ ကျောပေး၍မရ။ ဧ၀ဂေလိတရား၏ခွန်အားဖြင့် ကမ္ဘာကြီး၏အလှအပကိုခံ စားရှင်သန်ရင်း လက်ရှိကမ္ဘာကြီးကကြုံတွေ့နေသော ခက်ခဲသည့်အချိန်ကာလကိုဖြတ်သန်းရမည်။ ဤအချက်ကို ရဟန်းမင်း ကြီးအသားပေးမိန့်ကြားခဲ့ကြောင်းကိုလည်းထည့်သွင်းပြောကြားခဲ့သည်။ ကာဒီနယ်သည် ဤသို့ပြောကြားသော်လည်း လက်ရှိကမ္ဘာကြီး၌ဖြစ်ပျက်နေသောအပြောင်းအလဲကိုမူ လစ်လျူမရူခဲ့ပေ။ သူသည် ခက်ခဲသော မိုဇမ်းဘစ်နိုင်ငံ၏ ငြိမ်းချမ်းရေးစကား၀ိုင်း၌ စိန့်အီဂျီးဒီအိုအဖွဲ့နှင့်ပါ၀င်ဆွေးနွေးခဲ့သည်။ ရဟန်းမင်းကြီးဖရန်စစ်က သူအား (၂၀၁၉) ခုနှစ်တွင် ကာဒီနယ်အဖြစ်ရွေး ချယ်ခန့်ခဲ့သည်။

ဖာသာရ်ကလေးမင်းအားတယ်

Photo Crd