မြန်မာနိုင်ငံမှဂျက်ဆွီစ်ဘုန်းတော်ကြီးများ၏ အကြီးအကဲအဖြစ် အိန္ဒိယနိုင်မှစေလွှတ်သောဘုန်းတော်ကြီးမှာ Girish Santiago ဖြစ်သည်။ လက်ရှိ၌ မြစ်ကြီးနားသာသနာတွင်အမှုတော်ထမ်းနေပြီး၊ မကြာမီရန်ကုန်သို့ပြောင်းရွေ့တာ၀န်ထမ်းဆောင်ရမည်ဖြစ်သည်။ သူသည် ဘာသာပေါင်းစုံနှင့်စေ့စပ်ဆွေးနွေးခြင်းနှင့်ခရစ်ယာန်များအချင်ချင်းတွေ့‌ဆုံဆွေးနွေးခြင်းကိုပြုလုပ်လျှက်ရှိသည်။ မတ် (၁၂) ရက်နေ့ညပိုင်း နှုတ် ဆက်ညစာစားပွဲ၌ သူက ယခုကဲ့သို့ ပြောင်းရွေ့သွားသော်လည်း ဆက်လက်၍ချိပ်ဆက်ထိတွေ့နေဦးမည်ဖြစ်ကြောင်း၊ ဆက်လက်၍လည်းကူညီ ပေးမည်ဖြစ်ကြောင်း ပြောကြားခဲ့သည်။ သူသည် မြစ်ကြီးနားသာသနာ၌ (၂၀၁၇) မှစ၍ သာသနာကဖွင့်လှစ်ထားသော စိန့်လုခ် သင်တန်းကျောင်း၌ အမှုတော်ထမ်းဆောင်နေသူဖြစ်သည်။ အဆိုပါသင်တန်း ကျောင်း၌ သူက ကက်သလစ်သာသနာတော်ကြီး၏လူမှုရေးဆိုင်ရာသွန်သင်ချက်၊ ကျိုးကြောင်းညီစွာ ဆက်စပ်တွေးခေါ်တတ်ခြင်းနှင့်တရားဒေသနာတော်ဟောကြား နည်း ဘာသာရပ်များကို သင်ကြားပေးသည်။သူသည် သင်တန်းကျောင်းနှင့်ကိုယ်တော်မတ်ဆောင် ဆောက်လုပ်ရန်လိုအပ်သော ငွေကြေးအကူအညီများရရှိရန် ကူညီရှာဖွေပေးသည်။ သင်တန်းကျောင်းကို အဆင့်တိုးမြှင့်နိုင်ရန်ကူညီခဲ့သည်။ ၀န်ထမ်းများ၏အရည်အချင်းသတ်မှတ်ချက်၊ သင်တန်းသူ၊ သင်တန်းသားတို့အားလက်ခံသည့်စံနှုန်းများ၊ အမျိုးသား၊ အမျိုးသမီးဘော် ဒါဆောင်တို့မှ ဖွဲ့စည်းပုံများကိုပြန်လည်မွှမ်းမံရေးဆွဲခဲ့သည်။ ဘုန်းတော်ကြီးသည် အဂ်လိပ်စာအားနည်းသူများ၊ စစ်ဘေးရှောင်များအားလည်း၄င်းတို့ရှိရာသို့သွား၍အဂ်လိပ်စာသင်ကြားပေးနေသူဖြစ်သည်။သူသည် သာသနာအတွင်းမှဆရာတော်၊ဘုန်းတော်ကြီးများ၊သူတော်စင်များ၊ဓမ္မအမှုတော်ဆောင်များနှင့်ဘာသာတူတို့၏ဝိညာဉျရေးရာနှငျ့လူမှုေရးတမန်တော်လုပ်ငန်းနည်းနာများကိုလည်းပို့ချပေးလေ့ရှိသည်။အိန္ဒိယနိုင်ငံသားဖြစ်သော်လည်း သူသည် ကချင်ဘုံစကားကိုကောင်းစွာပြောဆိုနိုင်အောင်သင်ကြားတတ်မြောက်ထားသည်။သူသည်‘စိန့်အီညှေးရှက်ထံပြုအပ်သောနိုဗေးနာနှင့်ကချင်စကားကိုလေ့လာသင်ကြားစို့’အမည်ပေးထားသည် စာအုပ်နှစ်အုပ်ကိုလည်းကချင်ဘာသာစကားဖြင့်ပုံနှိပ်ထုတ်‌ေ၀ထားသည်။သူသည် အလွန်စိတ်ရှည်ကြောင်း၊ ချဉ်းကပ်ရလွယ်ကူကြောင်း၊ လူများကိုလည်းချစ်တတ်ကြောင်း၊ ထို့ကြောင့်ပင်လျင်သူသည်ကချင်ဘာသာစကားဖြင့်စာအုပ်နှစ်ပင်ထုတ်‌ေ၀ထားနိုင်ကြောင်းဖြင့် ဖာသာရ် Peter Awng Gam ကဂုဏ်ပြုချီးကျူးစကားဆိုထားသည်။     

ဘာသာပြန်ဖာသာရ် ကလေးမင်းအားတယ်  

Photo Crd.