ကာဒီနယ် Joseph Zen သည် သက်တော် (၉၀) ရှိပြီဖြစ်ပြီး၊ ‌ဟောင်ကောင်၏ဆရာတော်အဖြစ် (၂၀၀၂ - ၂၀၀၉) ခုနှစ် အထိအမှုတော်ထမ်းဆောင်ခဲ့သည်။ သူ့အား ဟောင်ကောင်အာဏာပိုင်များက ဗုဒ္ဓဟူးနေ့ (ယမန်နေ့) က ဖမ်းဆီးထိန်းသိမ်းခဲ့ရပြီးနောက် အာမခံဖြင့်ပြန်လည်လွှတ်လာခဲ့ကြောင်း၊ကာဒီနယ်၏ပုံကို Wan Chai ရဲစခန်း ၏ပြင်ပ၌လည်းကပ်ထားကြောင်း၊လူမှုကွန်ရက်၌လည်း ကာဒီနယ်၏သတင်းများဖြင့်ပျံ့နှံ့လျှက်ရှိသည်။ရဲစခန်းမှ အာမခံဖြင့် ပြန်လည်မြောက်လာချိန်မှာ ဟောင်ကောင်စံတော် ချိန်ည (၁၁) နာရီရှိပြီဖြစ်ပြီး ကာဒီနယ် သည် မည်သည့်မှတ်ချက်မျှမပေးဘဲ အသင့်လာကြိုသောကားပေါ်သို့တက်သွားခဲ့သည်။     

ဖမ်းဆီးရခြင်းနှင့်စွဲချက်များ

            ကာဒီနယ်သည် ဗုဒ္ဓဟူးညနေပိုင်းက တရုတ်အမျိုးသားလုံခြုံရေးမှဖွဲ့စည်းထားသော ရဲတို့၏ဖမ်းဆီး ထိန်းသိမ်းခံခဲ့ရသည်။ ဖမ်းဆီးခံရပြီးနောက်ပိုင်း ရဲစခန်း၌စစ်ဆေးမေးမြန်းရန်အတွက် ထိန်းသိမ်းခံထားခဲ့ရသည်။ ကာဒီနယ်အားသူတာ၀န်ခံလုပ်ဆောင် နေသော လူသားချင်းစာနာထောက်ထားသည့်အကူအညီများရယူမှုနှင့် စပ်လျင်း၍ ပြည်ပ၌ထင်ယောင်ထင်မှားသတင်းလွှင့်မှုများပြု လုပ်နေသည်ဟုစွပ်စွဲထားသည်။ ထိုအထောက် အပံ့သည် ဟောင်ကောင်နိုင်ငံ၌ ဒီမိုကရေစီလိုလားသူများအားဥပဒေပိုင်းကူညီစောင့် ရှောက်မှုနှင့်ဆေးကု သစရိတ် များကူညီပေးလေ့ရှိသည်။

            ဗာတီကန်မှလည်း ကာဒီနယ်ဖမ်းဆီးထိန်းသိမ်းခံလိုက်ရသည့်သတင်းကြောင့် စိုးရိမ်မကင်းဖြစ်ရကြောင်း၊ အခြေအနေကို‌အထူးသတိထားစောင့်ကြည့်နေကြောင်းဖြင့်ဗာတီကန်သတင်းပြန်ကြားရေးတာ၀န်ခံ Matteo Bruni က သတင်းထောက်များ၏ မေးမြန်းချက်ကို ကြာသပတေးမွန်းလွှဲပိုင်းဖြေကြားခဲ့သည်။       

အခြား (၃) ယောက်လည်းအဖမ်းခံခဲ့ရ

            ကာဒီနယ်သည် ဟောင်ကောင်၌ ဒီမိုကရေစီလိုလားသောလှုပ်ရှားမှုအဖွဲ့အစည်း၏ယုံ ကြည်ရသူများ အနက်တစ်ဦးဖြစ် သည်။ ဤအဖွဲ့အစည်းကို (၂၀၁၉) ခုနှစ်ကဖွဲ့စည်းခဲ့ပြီး၊ ယမန်နှစ် အောက်တိုဘာလကဖျက်သိမ်း ခံလိုက်ရသည်။ အာဏာပိုင်များ က ကာဒီနယ်အားဖမ်းဆီးသည့်အပြင် အဖွဲ့၏ရံပုံငွေများရှာဖွေပေးသော ရှေနေ လည်းဖြစ်ပြီး၊ယခင်က စင်ပြိုင်ပါတီ၏၀န်ကြီး လည်းဖြစ်သော Margaret Ng အားလည်းကောင်း၊ပညာရှင် Hui Po-keung အားလည်းကောင်း၊ တေးရေးတေးဆို Denise Ho တို့ အားလည်းဖမ်းဆီးခဲ့ကြသည်။ ၄င်းတို့ဖမ်းဆီးခံရ သည်မှာ မှန်ကန်ကြောင်းဟောင်ကောင်မှအတည်ပြုထားသည်။       

စွဲချက်များ

            ယခုကဲ့သို့ဖမ်းဆီးထိန်းသိမ်းခံရခြင်းမှာ (612 Fund) ဟုလူသိများသော နိုင်ငံခြားမှအကူအညီဖြင့် ရံပုံငွေ ကြေးများရယူသည့် လှုပ်ရှားမှုနှင့်စပ်ဆိုင်ကြောင်း၊ ဤသို့ပြုလုပ်ခြင်းသည် ပီကင်း၏ (၂၀၂၀) နိုင်ငံတော်လုံခြုံရေး ဥပဒေကိုချိုးဖောက်ရာရောက်သည် ဖြစ်၍ဖမ်းဆီးခံရကြောင်း၊ ယခုစွပ်စွဲချက်သည် အမျိုးသားလုံခြုံရေးအက်ဥပဒေ (၄) အခုအနက်တစ်ခုဖြစ်ကြောင်း၊ ဤဥပဒေသည် ဟောင်ကောင်၌ ဒီမိုကရေစီမပေါ်ပေါက်ရေး ဖိနှိပ်ရန်ရေးဆွဲ ပြဌာန်းထားခြင်းဖြစ်သည်။ အမျိုးသားလုံခြုံရေးအကြောင်းပြကာရေး ဆွဲထားသောဥပဒေသည် နိုင်ငံတကာမျက်နှာ စာ၌လည်းပယ်ချခံထားရသည်။ အခြားရေးဆွဲထားသောဥပဒေများမှာ ပုန်ကန်မှု၊ ခွဲထွက်မှု၊ အကြမ်းဖက် လုပ်ဆောင်မှုတို့ဖြစ်သည်။ ဤပြစ်မှုထင်ရှားပါက တစ်သက်တစ်ကျွန်းအထိပြစ်ဒဏ်ချမှတ်ခံရနိုင်သည်။

            ပြီးခဲံသောလများကလည်း ဟောင်ကောင်သတင်းသမားများစွာကလည်း ကာဒီနယ်သည် ကျောင်းသား များအား (၂၀၁၉) ကဲ့သို့သော အစိုးရဆန့်ကျင်ရေးဆန္ဒပြမှုများကိုပြုလုပ်ရန် လှုပ်ဆော်နေသည်ဟု စွပ်စွဲရေးသား ခဲ့သည်။ ကာဒီနယ်သည် ယခင်အ ချိန်က တရုတ်ကွန်မြူနစ်ပါတီကိုလည်း ဘာသာရေးအဖွဲ့အစည်းများ အားဖိနှိပ် နေကြောင်းဖြင့် ပေါ်ပေါ်တင်တင်‌ေ၀ဖန်ခဲ့သူလည်း ဖြစ်သည်။        

Rev.Fr. Cle Pike