ရဟန်းမင်းကြီးဖရန်စစ်သည် နို၀င်ဘာလ (၃ မှ ၆) ရက်နေ့အထိ အရှေ့အလယ်ပိုင်းနိုင်ငံတစ်ခုဖြစ်သော ‘ဘာရိန်း’ သို့တမန်တော်ခရီးကြွ ရောက်မည်ဖြစ်သည်။ နှစ်အနည်းငယ်အတွင်းဒုတိယအကြိမ်ကြွရောက်ခြင်းလည်းဖြစ်သည်။ ဤခရီးစဉ်သည် ရဟန်းမင်းကြီး၏ (၃၉) ကြိမ် မြောက်ပြည်ပတမန်တော်ခရီးဖြစ်ပြီး၊ နိုင်ငံပေါင်း (၅၈) နိုင်ငံသို့ကြွရောက်ခြင်းဖြစ်သည်။ ရဟန်းမင်းကြီး၏ယခုခရီးစဉ်နှင့်စပ်လျင်း၍ ဗာတီကန် သတင်းပြန်ကြားရေးကအောက်ပါအတိုင်ပြောကြားခဲ့သည်။ယခုကြွရောက်ခြင်းသည်သက်၀င်ယုံကြည်မှုမတူသောဘာသာအချင်းချင်းတွေ့ဆုံဆွေးနွေးမည့်ခြေလှမ်းဖြစ်ကြောင်း၊ယခုတစ်ကြိမ်၏ အဓိကအချက်နှစ်ချက်မှာ အဆိုပါဒေသ၌ နေထိုင်နေကြသော ကက်သလစ်ဘာသာ၀င်များအား ‘တွေ့ဆုံခြင်း’ နှင့် ‘အားပေးတိုက်တွန်းခြင်း’ ဖြစ်ကြောင်း၊ ရဟန်းမင်းကြီးသည်ဘာရိန်း၌ပထမဦးဆုံးအကြိမ်ကျင်းပသော ‘အရှေ့အနောကျလူမှုအသိုင်းအဝိုင်းအတူတကွယှဉ်တွဲနေထိုင်ရေး’ ဆွေးနွေးပွဲ၏ပိတ်ပွဲအခမ်းအနားသို့လည်းတက်ရောက်မည် ဖြစ်ကြောင်း၊ ထိုအစည်းအ‌ဝေး၌‘ညီအစ်ကိုမော်နှမစိ်’ ကိုတိုးမြင့် လုပ်ဆောင် ကြ မည့့််သကျဝငျယုံကွညျမှုမတူသောဘာသာရေးခေါင်းဆောင် (၂၀၀) ခန့်ကိုတွေ့ဆုံမည်ဖြစ်သည်။ ရဟန်းမင်းကြီးသည် (၂၀၁၉) က လူသားထု အားစောင့်ရှောက်ခြင်းနှင့်စပ်လျင်း၍ အာဘူဒါဘီ၌သမိုင်းသွင်စေမည့်စာတမ်းတစ်ခုကိုလက်မှတ်ထိုးခဲ့သည်။ ထိုစာတမ်းအရသက်၀င်ယုံကြည်မှု မတူသူများတွေ့ဆုံဆွေးနွေးပြီး အချင်းချင်းလေးစားကာအတူယှဉ်တွဲနေထိုင်ရေးကိုရှေ့ရှုရန်ဖြစ်သည်။ အလွန်အရေးကြီးသော ခြေလှမ်းဖြစ် ကြောင်း၊ဥရောပနှင့်အခြားကမ္ဘာ့နိုင်ငံများ၌စစ်မတ်ဖြစ်ပွားနေမှုများသည် ဘာသာရေးခေါင်းဆောင်များအတွက် အတူတကွစုစည်းလုပ်ဆောင် ရမည့်တွန်းအားတစ်ခုထပ်မံဖြစ်လာဦးမည်ဖြစ်ကြောင်း၊ ဤအတူတကွတွေ့ဆုံဆွေးနွေးခြင်း၏ဦးတည်ချက်ကား ကမ္ဘာ့ငြိမ်းချမ်းရေးကိုအတူတ ကွပူးပေါင်းရှာဖွေတည်ဆောက်ခြင်းဖြစ်ကြောင်း၊ ယခုတမန်တော်ခရီးစဉ်သည် အထက် ကဆိုခဲ့သောအစည်းအ‌ဝေးသို့ကြွရောက်ပါရန် ဘာရိန်း ဘုရင် Hamad bin Isa Al Khalifa ၏ဖိတ်ကြားခြင်းကိုလက်ခံကြွရောက်ခြင်းဖြစ်ကြောင်း၊ ယခုကဲ့သို့ကြွရောက်ခြင်းဖြင့်လည်း ဘာရိန်းရှိကက်သလစ်ဘာသာတူများကိုအားပေးရန်လည်းဖြစ်ကြောင်း၊ ရဟန်းမင်းကြီးသည် ကမ္ဘာ့သိုးထိန်းလည်းဖြစ်၍ ဘာရိန်းနိုင်ငံရှိကက်သလစ်ဘာသာတူများနှင့်တွေ့ဆုံအားပေးမည်ဖြစ်ကြောင်း၊ ထိုကက်သလစ်အစုအဖွဲ့သည် ဌာနေဖွားမဟုတ်ကြကြောင်း၊ ဘာရိန်းနိုင်ငံ၌ ကက်သလစ်ဘာသာတူ (၈၀၀၀၀) ရှိသည့်အနက် (၁၀၀၀) သာနိုင်ငံသားကဒ်ကိုင်ဆောင်ထားကြောင်း၊ ပင်လယ်ကွေ့ဒေသများမှခရစ်ယာန်အနည်းစုကြောင်းကိုပြသကြောင်း၊ နိုင်ငံ၌မှီတင်း နေထိုင် ကြသော ကက်သလစ်အများစုမှ အိန္တိယ၊ ဖိလစ်ပိုင်၊ သီရိလင်္ကာနိုင်ငံများမှအများစုဖြစ်ပြီး၊ တူရကီ၊ ဆီးရီးယား၊ လက်ဘနွန်၊ အီဂျစ်နှင့်ဂျော်ဒန်တို့မှလည်း ရေကြည်ရာမျက်နုရာလာရောက်အလုပ်လုပ်ကိုင်နေကြသူများဖြစ်ကြကြောင်း၊ ရဟန်းမင်းကြီးသည် တမန်တော်ခရီးရောက်ရှိနေစဉ်အတွင်း လူထုနှင့် (၇) ကြိမ်တွေ့ဆုံမည်ဖြစ်ရာ (၄) ရက်မြောက်နေ့၌ ဒေသခံကက်သလစ်ဘာသာတူများနှင့်တွေ့ ဆုံဖြစ်ပြီး ထိုသို့တွေ့ဆုံရာတွင် လူငယ်၊ ကက်သလစ်သာသနာ၏ဘာသာရေးခေါင်းဆောင်များနှင့်ဘာရိန်း၏ အိမ်နီးချင်းကက်သလစ်ဘာသာတူ များနှင့်တွေ့ဆုံမည်ဖြစ်ကြောင်းပြောကြားခဲ့သည်။ ရဟန်းမင်းကြီးသည် မကြာမီဘာရိန်းနိုင်ငံသို့ကြွရောက်တော့မည်ဖြစ်၍ ဘာရိန်းနိုင်ငံမှကက် သလစ်ဘာသာ၀င်များနှင့်ဒေသမှခရစ်ယာန်မဟုတ်သောဘာသာရေးပုဂ္ဂိုလ်များလည်း ရဟန်းမင်းကြီးအဘယ်သို့သော်ငြိမ်းချမ်းရေးကိုမျှော်လင့် ချက်ပေးနိုင်သည့်အားပေးစကားများ၊ တိုက်တွန်းချကများကိုမိန့်ကြားအလင်းပြသွားလေမည်နည်းဟုစိတ်လှုပ်ရှားစွာစောင့်စားနေကြပါသည်။