CRCM News

Untitled Document

Home History News Daily Reflection Contact

☰Menu

Untitled Document Untitled Document

2023-03-06 07:31:57

ဝါတွင်းကာလ မဏ္ဍိုင်ကြီး၃ရပ်

ဆုတောင်းခြင်း၊ ဝါရှောင်ခြင်း နှင့် အလှူဒါနပြုခြင်းတွေက ဘာဖြစ်လို့ ဝါတွင်းကာလအတွင်းမှာအရေးကြီးရတာလဲ။

Scott Smith ဝါတွင်းမှာဘာကိုစွန့်လွတ်လိုက်ဖို့သင်စဉ်းစားနေလဲ။ ဝါတွင်းကာလမှာ ဘာကြောင့်ကျွန်ုပ်တို့ဝါရှောင်အစာရှောင်ကြတာလဲဆိုတာကိုသင်တွေးတောနေသလား။ဘာဖြစ်လို့ကက်သလစ်တွေက ဝါတွင်းကာလမှာ(၁)ဆုတောင်းခြင်း(၂) ဝါရှောင်ခြင်း(၃)အလှူဒါနပြုခြင်း တို့ကိုလုပ်ဆောင်ကြရသလဲ။ကက်သလစ် ဝါရှောင်ခြင်းထုံးတမ်းစဉ်လာကဘာလဲ။အဲ့ဒီထုံတမ်းစဉ်လာကဘယ်ကဖြစ်ပေါ်လာတာလဲ။"အကယ်၍ ထိုမေးခွန်းတွေကိုသာမန်ကက်သလစ်တစ်ယောက်ကိုမေးကြည့်မယ်ဆိုရင် သူက ကျမ်းချက်တွေကို အခန်းကြီးဘယ်လောက်အခန်းငယ်ဘယ်လောက်ဆိုတာကိုအတိအကျတော့မပြောနိုင်ပေမဲ့ ရှင်မာတေဦးကျမ်းစာတော်မြတ်ထဲကအတိုင်းလိုပြန်ဖြေပါလိမ့်မယ်။ ထိုအကြာင်းအရာတွေကို(မာတေဦး၆း၁မှ၁၈)ကိုဖတ်ရှုကြည့်ရင်သိပါလိမ့်မယ်။ ထုံတမ်းစဉ်လာတွေက ကျမ်းစာတော်မြတ်ထဲမှာအခြပြုထားတယ်ဆိုတာ ကက်သလစ်တိုင်းနီးပါး သိမှတ်ကြမယ်ဆိုတာကျွန်တော်ထင်မိပါတယ်။ဒါပေမဲ့ဒီထက်မကပါဘူး ဆုတောင်းခြင်း၊ဝါရှောင်ခြင်းနှင့် အလှူဒါနပြုခြင်း (၃)မျိုးဟာကျမ်းစာတော်မြတ်တစ်ခုလုံး၌ ဝှက်ဖဲအဖြစ်အမြဲတမ်းမြုပ်ကွယ်လျက်ရှိနေပါတယ်။နောက်ပြီး ဆုတောင်းခြင်း၊ဝါရှောင်ခြင်းနှင့်အလှူဒါနပြုခြင်းတွေက သခင်ယေဇူး၏ တောကန္တရ၌ စုံစမ်းနှောင့်ယှက်ခြင်း (၃) မျိုးခံရခြင်းနဲ့ဆက်စပ်နေတယ်ဆိုတာသင်သိလာတဲ့အပြင်ဒီအခြေခံအကြောင်းအရင်းအားလုံးဟာသင်ကိုအံအားသင့်စေပါလိမ့်မယ်။အဲ့ဒီ မဏ္ဍိုင်(၃)ခုဟာ သခင်ခရစ်တော်၏ သဲကန္တရထဲမှာရက်ပေါင်း၄၀တရားကျင့်ချိန်၌ကြုံတွေးရသောနှောင့်ယှက်ခြင်း (၃)မျိုးနှင့်ဆက်စပ်နေသလို ဧဒင်ဥယျဉ်ထဲ၌ ဧဝကြုံတွေ့ခဲ့ရသောနှောင့်ယှက်ခြင်း(၃)မျိုး အပြင်သခင်ယေဇူး၏ ဒုတိယအကြိမ်ဂျက်ဆေမာနီ ဟုခေါ်သောသံလွင်တောင်ပေါ်၌ ဆုတောင်းစဉ်က ကြုံရသောနှောင့်ယှက်နှင့်ပါဆက်နွယ်လျက်ရှိလို့ပါပဲ။ဒေါက်တာဘရန့်ပီတာ ၏ သမ္မာကျမ်းစာတော်မြတ်ကိုအခြေခံထားသော ပြာခံပွဲဗုဓ္ဒဟူးနေ့နှင့်ဝါရှောင်ခြင်းကာလ ဆိုင်ရာ အကြာင်းကို ပြောပြထားတဲ့" နေရာတိုင်းမှာရှိနေတယ်ဒါပေမဲ့ဘာ့ကြောင့်လဲ" ( They are everywhere! But why?)ဆိုတဲ့ဆောင်းပါးရဲ့အစနိဒါန်း မှာပင် မဏ္ဍိုင်ကြီး၃ရပ်ဖြစ်တဲ့ ဆုတောင်းခြင်း၊ဝါရှောင်ခြင်းနှင့်အလှူဒါနပြုခြင်း တို့သည် သမ္မာကျမ်းစာတော်မြတ်တစ်ခုလုံး၌ ဆက်စပ်နေသာမြှုပ်ကွက် အဖြစ်ပေါ်လွင်အောင် ကောက်နှုတ်တင်ပြထားသည်ကိုလေ့လာကြပါစို့။အပြစ်(၃)မျိုးနှင့်၄င်းကိုကုသခြင်း(၃)မျိုးအောက်ခြေကျကျပြောရရင် သခင်ခရစ်တော်နှင့် ဧဝတို့ ကြုံတွေ့ခဲ့ရသော နှောင့်ယှက်ခြင်း၃မျိုးကို"သုံးမြွှာတဏှာကိလေသာ"လိုအမည်ပေးထားပါတယ်။ထိုအပြစ်၏ရောဂါကို ဝါတွင်းကာလကျင့်ကြံခြင်း၃ခု ဖြစ်တဲ့ ဆုတောင်းခြင်း၊ ဝါရှောင်ခြင်း နှင့် အလှူဒါနပြုခြင်း အမြိုက်ဆေးတို့ဖြင့် ကုသရပါတယ်။သုံးမြွှာတဏှာကိလေသာကိုရှင်ယောဟန်ပထမစာစောင်တွင်ဖေါ်ပြထားသည်မှာ"လောကတွင် ရှိသောအရာများဖြစ်ကြသည့် ကာယဖြင့် တပ်မက်စွဲလန်း ခြင်း၊မျက်စိဖြင့် မြင်၍ လိုချင်တပ်မက်ခြင်း နှင့် ဥစ္စာပိုင်ဆိုင်ခြင်း ၌ ဂုဏ်ယူဝါကြွားခြင်း"တို့ဖြစ်ကြသည်။(၁ယော၂း၁၆)ထို့ကြောင့်ကိလေသာအပြစ်၃မျိုး၏အနာအဆာများမှာ၁။အသွေးသားတပ်မက်ခြင်းကိုယ်ကာယနှင့်ဆိုင်ရာ လိုအင်ဆန္ဒတွေဖြစ်တဲ့အိပ်၊စား၊ကာမ တို့၌ တပ်မက်စွဲလမ်းခြင်းများ၂။စက္ခုအာရုံတပ်မက်ခြင်းမျက်စိဖြင့်မြင်တွေ့ရသောအရာများဖြစ်သည့်ငွေကြေး၊ဥစ္စာပစ္စည်း အလှအပထည်ဝါမှုတို့ကိုလိုချင်တပ်မက်ခြင်းများ၃။ပကာသနတပ်မက်ခြင်းထင်ပေါ်ကျော်ကြားလို၍ အာဏာရူး၊ပေါ်ပင်ဂုဏ်မောက်ခြင်းများဖြစ်ကြသည်။ဘာဖြစ်လို့ ဒီ အပြစ်တွေဟာ ကျွန်ုပ်တို့ရဲ့အားနည်းချက်များဖြစ်ရပြီးနတ်ဆိုး၏တိုက်ခိုက်ခြင်းကိုခံရကာကျွန်ုပ်တို့ကို နက်နက်ရှိုင်းရှိုင်းဆိုးကျိုးပေးရတာလဲ။ ဘာဖြစ်လို့ လူတိုင်းအဲ့လိုပုံစံအတိုင်းဖြစ်ရတာလဲ။(ဆုတောင်းခြင်း၊ဝါရှောင်ခြင်း နှင့်အလှူဒါနပြုခြင်းတို့သည်အပြစ်ရင်းနှင့်ဆက်စပ်နေခြင်း)အာဒံနှင့်ဧဝမှဆင်းသက်လာတဲ့အပြစ်ရင်းရဲ့ပုံစံကိုလေ့လာကြည့်လျှင်လည်းနတ်ဆိုးကတစ်ပုံဆန်တည်းတိုက်ခိုက်တာကိုတွေ့ရပါမယ်။ကမ္ဘာဦးကျမ်းအခန်းကြီး၃အငယ်၆ ၌ "မိန်းမ သည် အပင် ၏ တင့်တယ် ခြင်း၊အသီး၏စားချင့်စဖွယ်ကောင်းခြင်း ကိုမြင်ရ၏။( စက္ခုတဏှာ)ထို့ပြင် ပညာဉာဏ်ရှိလျှင်အံ့ဘွယ်ကောင်းလိမ့်မည်(ပကာသနတဏှာ)ဟုစိတ်ထင်လျက် အသီးကိုဆွတ်၍ စားလေ၏။( သွေးသားတဏှာ)သူ၏ ခင်ပွန်းအားလည်းပေးသဖြင့်သူလည်း စား၏။"(ကမ္ဘာဦး၃း၆)သုံးမြွှာတဏှာကိလေသာကို အံ့သြထင်ရှားစွာတွေ့မြင်နေရပါသည်။ကျမ်းချက်ကိုဖတ်ပြီး ဧဝကိုအပြစ်တင်ဖို့မဝေဖန်ခင်မှာ အာဒံဟာဧဝဘေးနားမှာ သူမအပြစ်မကျူးလွန်ခင်ကတည်းက ရှိနေတယ်ဆိုတာ မေ့ထားမသင့်ပါဘူး။ကျမ်းချက်ကိုဖတ်ပြီးအမျိုးသမီးကြောင့်အပြစ်ရင်းဖြစ်ရတာလို့ ကောက်ချက်ချသူ အမျိုးသားတို့ သတိထားရမှာက ဧဝသည် နတ်ဆိုးမြွေနဂါးကြီး၏နှောင့်ယှက်ခြင်းကြောင့်ဘုရားသခင်ပညတ်ထားတဲ့အရာကို နာမခံဘဲ အသီးကိုခူးယူတဲ့အချိန်မှာ အာဒံဟာ သူမရဲ့ဘေးနားမှာရပ်နေပြီး သူမကိုအပြစ်ထဲမကျအောင်ကာကွယ် စောင့်ရှောက်ရမည့်အစား သူရဲပေါကြောင်ကာ သတိမရှိ နှုတ်ဆိတ်နေခြင်းဖြင့် သုံးမြွှာတဏှာကိလေသာကို ကျူးလွန်သည့်အပြင် အမျိုးသမီးကိုကာကွယ်စောင့်ရှောက်ရမည့်ကိုပင်ပျက်ကွက်သော အပြစ်ကိုပါထပ်ရသည်ကို အမျိုးသာထုကြီးသင်ခန်းစာယူသင့်ပါသည်။ယ္ခုခောတ် နည်းပညာတိုးတက်လာသည်နှင့်အမျှ အမျိုးသားများအတွက် အထူး စတုတ္ထမြောက် မဏ္ဍိုင်အဖြင့် ဝါတွင်းကာလ၌ ကျင့်စောင့်တည်ရမည့်အချက်မှာ အမျိုးသမီးများအားအကြမ်းမဖက်ဘဲကာကွယ်စောင့် ကာ အထူးသဖြင့် အမျိုးသမီးများအား လိင်အမြတ်ထုတ်ကာ လူသုံးကုန်ပစ္စည်းကဲ့သို့ ီးပွားရှာသောအပြာ ညစ်ညမ်း ဓါတ်ပုံ၊ဗီဒီယိုများ ကိုကြည့်ရှူခြင်း၊ပြည့်တန်ဆာများနှင့်ပျော်ပါးခြင်းတို့မှရှောင်ကြဉ်ရန်ပင်ဖြစ်သည်။သခင်ယေဇူးသည် ရက်ပေါင်း၄၀တိုင်တိုင် တောကန္တရထဲ၌ စုံစမ်းခြင်းခံစဉ်တွင် သုံးမြွှာတဏှာကိလေသာကို ဘယ်လိုအောင်မြင်ခဲ့သလဲ။၁။သွေးသားတတ်မက်ခြင်းအစာရှောင်ခြင်း။"ဝိညာဉ်တော်သည် ယေဇူးကို စာတန်နတ်ဆိုး၏ နှောင့်ယှက်ခြင်း ခံရစေရန် တောကန္တာရသို့ ခေါ်ဆောင် သွားတော်မူ၏။ကိုယ်တော်သည်လည်း နေ့လေးဆယ်နှင့်ညလေးဆယ်ပတ်လုံး အစာရှောင်တော်မူပြီးနောက်ဆာလောင်မွတ်သိပ်နေလေ၏။"(မာတေဦး၄း၁မှ၂)နှောင့်ယှက်ခြင်း။"နှောင့်ယှက်သော သူသည်အထံတော်သို့ ချဉ်းကပ်၍ သင်သည် ဘုရားသခင်၏သားတော်မှန်လျှင် ဤကျောက်ခဲများ ကို ပေါင်မုန့် ဖြစ်စေရန် အမိန့်ရှိတော်မူပါဟုကိုယ်တော်အားလျှောက်လေ၏။"(မာတေဦး၄း၃)တုံ့ပြန်ခြင်း။ "ကိုယ်တော်ကလူ သည် အစားအစာအား ဖြင့် သာအသက်ရှင်သည် မဟုတ်၊ဘုရားသခင်၏ နှုတ်တော်ထွက်စကားရှိသမျှ ဖြင့်လည်း အသက်ရှင်ရကြောင်းကို ကျမ်းစာတော်မြတ် ၌ ရေးထားသည် ဟုဖြေကြား တော်မူ၏။"(မာတေဦး၄း၄)၂။ စက္ခုအာရုံတပ်မက်ခြင်း ဂျူးလူမျိုးတို့၏ အထွတ်အမြတ်ထားရာ နေရာ သန့်ရှင်းသောဗိမာန်တော်သည် ဘုရားသခင်အား ရှိခိုးကိုးကွယ်ရာ မြင့်မြတ်သောနေရာဖြစ်ပြီး နတ်ဆိုးသည် ယေဇူးအား အံ့ဖွယ်ရာကိုပြသကာ လူတို့ကို ယုံကြည်လာစေပြီး ကိုယ်တော်သည်ကယ်တင်ရှင် မက်ဆီးယား ဖြစ်ကြောင်းကြွေးကြော်စေခြင်းဖြင့် ကိုယ်တော်သည်ဒုက္ခစရိယာခံ၍လက်ဝါးကားတိုင်တင်မခံရဘဲ ဘုရားသခင်၏အမှုတော်ကိုပြီးမြောက်ရန်သွေးဆောင်ဖြားယောင်းခြင်းရူပါရုံပေးခဲ့သည်။နှောင့်ယှက်ခြင်း။ "နတ်ဆိုးသည် ကိုယ်တော်အား သန့်ရှင်းသောမြို့တော်သို့ ခေါ်ဆောင်သွားပြီးလျှင် ဗိမာန်တော်၏ အထွတ်၌ ထားလျက်၊သင်သည် ဘုရားသခင်၏ သားတော်မှန် လျှင် သင့်ကိုယ်ကိုအောက် သို့ပစ်ချပါလော့။အကြောင်းမူကားကျမ်းစာတော်မြတ် ၌ ရေးထား သည်မှာကိုယ်တော်သည် သင့်ကိုစောင့်ရှောက်ရန် ကောင်းကင်တမန်တော်တို့အား မိန့်မှာထား တော်မူသောကြောင့်သင် ၏ခြေကိုကျောက်ခဲတစ်လုံးနှင့် မျှမထိခိုက်စေခြင်းငှာသူတို့ သည် သင့်ကို သူတို့ ၏ လက်များ ဖြင့် ချီမကြ လိမ့်မည်ဟု ဆိုပြန် ၏။"(မာတေဦး၄း၅မှ၆)တုံ့ပြန်ခြင်း။"ယေဇူးက သူ့အားသင်၏ အရှင်ထာဝရ ဘုရားသခင် ကို စုံစမ်း ခြင်း မပြုရဟူ ၍ လည်း ကျမ်းစာတော်မြတ်တွင် ရေးထားသည် ဟုမိန့်တော်မူ၏။"( မာတေဦး၄း၇)အထက်ကနတ်ဆိုးအသုံးပြုခဲ့သောကျမ်းချက်သည် ဆာလံ၉၁ ဖြစ်ပြီး မကောင်းဆိုးဝါးနှင်ထုတ်သောရှေ့ကျတဲ့ ဆာလံဆုတောင်းခြင်းထဲမှ အပုဒ်တစ်ပုဒ်သာဖြစ်တယ်။"အကြောင်းမူကား သင်သွားလေရာရာ ၌ သင့်ကိုစောင့်ရှောက်စေရန် ကိုယ်တော်သည် မိမိ၏ ကောင်းကင်တမန်တော်များ အား အမိန့်ပေးတော်မူလိမ့်မည်။သူတို့ သည်သင် ၏ခြေကိုကျောက် နှင့် မထိခိုက်စေခြင်းငှာ သင့်ကို မိမိတို့၏ လက်များဖြင့် ချီပင့်ထားကြလိမ့်မည်။"(ဆာလံ၉၁း၁၁မှ၁၂)ဒါပေမဲ့နတ်ဆိုးသည် ဆာလံ၉၁း၁၃ကိုချန်ထားခဲ့ လေသည်။"သင်သည် ခြင်္သေ့ နှင့်မြွေဟောက်တို့အပေါ်လျှောက်လှမ်းသွား ၍ ခြင်္သေ့ပျို နှင့် မြွေနဂါး တို့ ကို နင်းချေလိမ့်မည်။" အဘယ်ကြောင့်ဆိုသော် ယေဇူးသည် မြွေနဂါးဖြစ်သောနတ်ဆိုး၏ဦးခေါင်းကိုနင်းချေမည့်သူဖြစ်သောကြောင့်ဖြစ်သည်။ "လူသည် သင်၏ ဦးခေါင်း ကိုချေလိမ့်မည်။သင်သည် လည်းသူ၏ ဖနောင့်ကို ပေါက်လိမ့်မည်''ဟုမိန့်တော်မူ၏။"(ကမ္ဘာဦး၃း၁၅)၃။ ပကာသနတပ်မက်ခြင်းနှောင့်ယှက်ခြင်း။"နတ်ဆိုးသည် ကိုယ်တော့်ကို အလွန်မြင့်မားသော တောင်ပေါ် သို့ ခေါ် ဆောင် သွားပြန် ၍ လောက တိုင်း နိုင်ငံ အပေါင်း နှင့် ၎င်းတို့ ၏ ဘုန်းစည်းစိမ် တို့ ကို ပြသ လျက်၊သင်သည် ပျပ်ဝပ်၍ ငါ့ကိုရှိခိုး လျှင် ဤအရာအားလုံးကို သင့်အားငါပေးမည်ဟု ကိုယ်တော်အားပြောလေ၏။"(မာတေဦး၄း၈မှ၉)သခင်ယေဇူး၏လောက၌အမှုတော်ဆောင်ခြင်းတာဝန်က လူသားများကိုဘုရားသခင်ထံသို့ ပြန်လည်ရောက်ရှိစေသောကင်ကောင်နှင့်ဆိုင်ရာ ထာဝရသုခချမ်းသာရရန်ဖြစ်ပြီးအကယ်၍ယေဇူးသည် နတ်ဆိုးကိုရှိခိုးပါမူ လောကကိုသာအစိုးရသော သူဖြစ်ပြီးလက်ဝါးကားတိုင်ပေါ်တွင်အသေခံရတော့မည်မဟုတ်ပေ။တုံ့ပြန်ခြင်း။"ယေဇူး က ဆုတ်လော့စာတန်၊ကျမ်းစာတော်မြတ် ၌ ရေးထားသည်ကား သင်သည်သင်၏ အရှင် ထာဝရ ဘုရားသခင်ကိုရှိခိုး ကိုးကွယ်ရမည်၊ကိုယ်တော် တစ်ပါးတည်းကိုသာ အစေခံရမည်ဟူ ၍ ဖြစ် ၏ ဟု သူ့အား မိန့် တော်မူ ၏။"(မာတေဦး၄း၁၀)(သုံးမြွှာတဏှာကိလေသာအနာရောဂါကိုကုသပျောက်ကင်းစေနိုင်သော သုံးမျိုးစပ်အမြိုက်ဆေး)၁။ဆုတောင်းခြင်း။ကျွန်ုပ်တို့သည်ဆုတောင်းခြင်းအားဖြင့် ပကာသနတပ်မက်ခြင်း ကို အောင်မြင်စေပါသည်။(ပျပ်ဝပ်၍ ကိုးကွယ်ခြင်း)ဆုတောင်းခြင်းသည် ဦးချိုးမာန်လျှော့ ရှိခိုးကိုးကွယ်ခြင်းဖြစ်ပြီး မိမိ၏မာနကိုလျှော့ကာ နှိမ့်ချခြင်းဖြင့် မိမိဘဝအားဘုရားသခင်ထံပုံအပ်ထားခြင်းဖြစ်သည်။ပကာသနတပ်မက်ခြင်းသည် ဉာဏ်ကြီးရှင်ဖြစ်ချင်သော၊လူတစ်ကာထက်သာလွန်ထက်မြတ်သောသူဖြစ်ချင်သော ဆန္ဒကိုဖြစ်ပေါ်စေသည်။မိမိကိုယ်ကို ဘုရားသခင်ကဲ့သို့ဖြစ်ချင်ပြီးအရာအားလုံးကိုထိန်းချုပ်ဖန်တီးလိုချင်ဖြစ်သည်။ထို့ကြောင့်မိမိကိုယ်ကို ဘုရားဖြစ်ခြင်းထက် ဘုရားသခင်ကိုဦးချမာန်လျှော့ကိုးကွယ်ရခြင်းဖြစ်သည်။ ကျွန်ုပ်တို့သည် ဘုရားသခင်ရှေ့တော်မှောက်၌ မိမိကိုယ်ကိုနှိမ့်ချခြင်းဖြင့် ဆုတောင်းကာ ဘုရားသခင်၏ ဉာဏ်ပညာအလင်းကျေးဇူးကိုကြားနာတောင်းခံခြင်းဖြစ်ပြီး မိမိတို့၏ ဉာဏ်ကိုအားမကိုးခြင်းဖြစ်သည်။၂။ဝါရှောင်ခြင်း။ကျွန်ုပ်တို့သည်ဝါရှောင်ခြင်းဖြင့် သွေးသားတပ်မက်ခြင်းကိုအောင်မြင်စေပါသည်။ (လူသည်နေ့စဉ်မပျက်လိုအပ်သောအရာအစားတို့ဖြင့်သာအသက်ရှင်သည်မဟုတ်)အကယ်၍သင်သည် အသောက်အစားကျူးခြင်းဖြစ်အပြစ်ကြီးထဲကိုကျနိုင်သည့်သူဖြစ်လျှင် အစာရှောင်ပါ။ အကယ်၍သင်သည် ပျင်းရိခြင်းဖြင့်အပြစ်ကြီးထဲကျရောက်နိုင်သူဖြစ်ပါက အိပ်စက်ခြင်း၊အလုပ်မရှိအကိုင်မရှိနေခြင်းနှင့်အပျော်အပါးလိုက်စားခြင်းကိုရှောင်ပါ။သင့်ကိုချည်နှောင်နေတဲ့မကောင်းတဲ့အကျင့်တွေမှ သခင်ယေဇူးကိုသာအာကိုးပြီး ချိုးပျက်နိုင်အောင်ကျင့်ကြံပါ။၃။ အလှူဒါနပြုခြင်း။ကျွန်ုပ်တို့သည် အလှူဒါနပြုခြင်းဖြင့် စက္ခုအာရုံတပ်မက်ခြင်းကိုအောင်မြင်စေပါသည်။(သန့်ရှင်းသောဗိမာန်တော် ၏ အထွတ်)ကျွန်ုပ်တို့သည်မျက်စိအမြင်အာရုံအားဖြင့်များစွာလိုချင်တပ်မက်မှုများခံစားရသည်ကိုတွေ့ကြုံကြရသည်။ဥပမာ ငွေကြေး၊တိုက်တာ၊ ဇိမ်ခံပစ္စည်းများကိုမြင်ရ၍လိုချင်ခြင်း၊မိမိကိုယ်ကိုမှန်ထဲကြည့်၍မြင်ရကာ အလှအပကို မက်မောခြင်း၊မကောင်းသောညစ်ညမ်း စာပေရုပ်ရှင်များကိုမြင်ရခြင်းဖြင့် ကာမတဏှာတိုးခြင်း၊လိင်အသားပေးဝတ်စားဆင်ရင်နေထိုင်ပြုမူများကိုမြင်ရ၍ ကာမတက်ကြွခြင်းတို့ကိုဖြစ်ပေါ်စေပါသည်။သင်၏စက္ခုအာရုံကို သခင်ယေဇူးထံကိုသာပို့ထားပါ။သင်မျက်စိအာရုံက သင်ကိုသာယာစေသည့်နှောင့်ယှက်ခြင်းဖြစ်ပေါ်လာလျှင် လက်ဝါးကားတိုင်ကိုမြင်ကြည့်ပါ။ကျွန်ုပ်တို့ အလှူဒါနပြု၍ ဆင်းရဲသားများကိုငွေကြေးထောက်ပံ့ခြင်းသည်(၁)ကျွန်ုပ်တို့အား ငွေကြေးဥစ္စာပစ္စည်းများကိုကိုးကွယ်နေသူမဖြစ်အောင်သင်ကြားပေးသည်။(၂)လိုအပ်နေသူကို ကူညီရာရောက်စေပါသည်။ကျွန်ုပ်တို့ဆီမှာရှိတဲ့အရာ အထူးသဖြင့်ကျွန်ုပ်တို့ဝယ်ယူထားခဲ့ပြီး အသုံးမပြုတော့သည် အဝတ်အစားအသုံးအဆောင်ပစ္စည်း အကောင်းများကို လိုအပ်သူများကို ပြန်လည်ပေးကမ်းခြင်းဖြင့်ဝါတွင်းကာလကို ထယ်ဝါစွာမြင်တွေ့နိုင်အောင်အလှဆင်ပါ။

SOURCE https://www.thescottsmithblog.com/.../why-prayer-fasting...

NEWS AND EVENTS

2024-09-16 06:18:55

Temporary Profession Course 2024 - ရာသက်ပန်သစ္စာ ခံယူမည့်သီလရှင်ငယ်လေးများအတွက် မွမ်းမံသင်တန်း
20 July – 15 September 2024 - CRCM

2024-06-15 00:11:14

ဘာသာစကားများ ဘာသာပြန်သင်တန်း

Camillian Pastoral Care Center, Bangkok, Thailand

"Pastoral Literaturer Translation Workshop(2024)
June 4-10, 2024  -   FABC- OSC

2024-06-13 23:18:16

New Superior General (MSMHC)
Missionary Sisters of Mary Help of Christians(MSMHC)

2024-06-11 21:39:23

#မြန်မာနိုင်ငံလုံးဆိုင်ရာ ကက်သလစ် သူတော်စင်အသင်းဂိုဏ်းများအကြီးအကဲတို့၏ (၈၇)ကြိမ်မြောက် ညီလာခံအစည်းအဝေး။ ၂-၄၊ ဇွန်လ၊ ၂၀၂၄ ခုနှစ်။
#87th General Convention of Catholic Religious Conference of Myanmar.2-4.6.2024, CRCM

2024-04-12 21:44:01

ပုပ်ရဟန်းမင်းကြီး ဖရန်စစ် အရှင်သူမြတ်၏ တမန်တော်ခရီးစဥ် ၂၀၂၄

2024-03-17 22:18:04

Mental Health and Psychosocial Support (MHPSS) Refresher Course.

2024-03-10 10:01:27

2024 - CRCM Formation Commission Team meeting 9.3.2024

2024-02-24 20:10:29

ဆပ်ဖြေခြင်းသီလရှင်အသင်းဂိုဏ်းမှ စိန်၊ ရွှေ၊ ငွေဂျူဗလီရှင်များ အတွက် ကျေးဇူးတင် မစ္ဆားတရားတော်မြတ်

2024-01-30 07:37:56

ဆပ်ဖြေခြင်းသီလရှင်အသင်းဂိုဏ်း မှ သီလရှင်များ သစ္စာခံယူခြင်း-Profession of the Sisters of Reparation 21.1.2024, Taungngu.

2024-01-07 20:36:18

#86th General Convention of Catholic Religious Conference of Myanmar (5-7.1.2024, CRCM)#မြန်မာနိုင်ငံလုံးဆိုင်ရာ ကက်သလစ်သူတော်စင်အသင်းဂိုဏ်းများအကြီးအကဲတို့၏(၈၆)ကြိမ်မြောက် ညီလာခံအစည်းအဝေးနှင့်CRCMတည်ရှိခြင်း နှစ်၅၀ပြည့် ဂျူဗလီကျေးဇူးတင်မစ္ဆာတရား။၅-၇၊ ဇန္နဝါရီလ၊ ၂၀၂၄ ခုနှစ်။