ကရုဏာရှင်ယေဇူး၏ ရူပါရုံကိုခံယူရရှိခဲ့‌သော စိန့်မာရိယာဖော်စတီးနာ၏ပွဲနေ့ကို အမိကက်သလစ်သာသနာတော်ကြီး ၏ တစ်တာ၀တ်ပြုခြင်းပြက္ခဒိန်၌ ထည့်သွင်းဖော်ပြခံရသောပွဲနေ့အဖြစ် ရဟန်းမင်းကြီးဖရန်စစ်က ကြေညာချက်ထုတ်ပြန် လိုက်သည်။ စိန့်ဖော်စတီးနာ၏ပွဲနေ့ကား နှစ်စဉ်အောက်တိုဘာလ (၅) ရက်နေ့ဖြစ်သည်။ အမိသာသနာတော်ကြီး၏ပွဲတော်အ မျိုးအစား (၄) မျိုးအနက် သူ၏ပွဲတော်အမျိုးအစားမှာ စတုတ္ထအမျိုးအစားဖြစ်သည့် အမှတ်ရကျင်းပ၍လည်းရသကဲ့သို့၊ မကျင်း ပလျှင်လည်းရသော (Optional/ Memorial) ရွေးချယ်နိုင်သောပွဲနေ့အမျိုးအစားအဖြစ်သတ်မှတ်လိုက်သည်။ ဤသတ်မှတ်ကို အမိသာသနာတော်ကြီး၏ ၀တ်ပြုခြင်းဆိုင်ရာနှင့်စက္ကမင်တူးကျင်းပခြင်းဆိုင်ရာ ရဟန်းမင်းကြီး၏ရုံးတော် (Congregation for Divine Worship and the Discipline of the Sacraments) မှ (၂၀၂0၊ မေလ ၁၈) ရက်နေ့က ရဟန်းမင်းကြီးဖ ရန်စစ်၏ကိုယ်စားသတ်မှတ်ခဲ့သည်။ ဤကြေညာချက်သည် ရဟန်းမင်းကြီးစိန့်ဂျွန်ပေါလ် (၂) ၏ ရာပြည့်မွေးနေ့နှင့် လည်းတိုက်ဆိုင်နေသည်။ ရဟန်းမင်းကြီးစိန့်ဂျွန်ပေါလ် (၂) မှ ဂျူဗလီ (၂၀၀၀) တွင် စိန့်ဖော်စတီးနာအား ရဟန္တာ တင်မြောက်ခဲ့သည်။

            သူ၏ပွဲနေ့ကိုမူ ယခင်ကကျင်းပလာခဲ့သကဲ့သို့ နှစ်စဉ်အောက်တိုဘာလ (၅) ရက်နေ့၌သာဆက်လက်ကျင်းပ မည်ဖြစ်သည်။ ယခုကဲ့သို့သတ်မှတ်ကျင်းပရခြင်း၏ထူးခြားချက်မှာ လာမည့် (၂၀၂၂) နှစ်ရဟန်းတော်များ၏၀တ်ပြု ခြင်းဆိုင်ရာလမ်းညွှန်စာအုပ် (Ordo) ထွက်ရှိလာသောအခါ အောက်တိုဘာလ (၅) ရက်နေ့၌ သူ၏အမည်ကိုထည့် သွင်းဖော်ပြထားတော့မည်ဖြစ်သည်။ ယခုကဲ့သို့ သတ်မှတ်ကြေညာခြင်းမပြုမီက သူ၏အမည်သည် အဆိုပါလက် ကိုင်စာအုပ်များ၌ထည့်သွင်းဖော်ပြခြင်းမရှိခဲ့သေးပေ။ ထို့အတူပင် ရဟန္တာများစွာ၏အမည်မှာလည်း ထိုရဟန်းတို့၏ လမ်းညွှန်စာအုပ်၌မပါ၀င်ကြသေးပေ။