 for web4.jpg)
 for web3a.jpg)
Vatican
Vatican News
FABC
UCA News
CBCM
CRCM
NCMS
Yangon Archdiocese
Pathein Diocese
Mawlamying Diocese
Pyay Diocese
Mandalay Archdiocese
Hakha Diocese
Lashio Diocese
Banmaw Diocese
Kalay Diocese
Myitkyina Diocese
Taungyi Archdiocese
Phakon Diocese
Loikaw Diocese
Taungngu Diocese
Kengtung Diocese
2021-10-21 13:14:16
ရဟန်းမင်းကြီးဖရန်စစ်နှင့်ပြင်သစ်၀န်ကြီးချုပ်တို့ လိင်ပိုင်းဆိုင်ရာမဖွယ်မရာပြုနှင့် အာပတ်ဖြေခြင်းဆိုင်ရာ ကိစ္စကို ဆွေးနွေးခဲ့ကြ။
Pope Francis and French Prime Minister discuss seal of confession in cases of abuse
ရဟန်းမင်းကြီးဖရန်စစ်သည် ပြင်သစ်၀န်ကြီးချုပ် Jean Castex အားလက်ခံတွေ့ဆုံခဲ့သည်။ ၎င်းတို့နှစ်ဦးသည် မည်သည့် စကားပြန်မျှမလိုအပ်ဘဲ ပြေပြစ်စွာပြောဆိုဆွေးနွေးနိုင်ခဲ့ကြသည်။ အဘယ်ကြောင့်ဆိုသော် ပြင်သစ်၀န်ကြီးချုပ်သည် ပြင်သစ်နှင့် စပိန်နယ်စပ်မြို့၌မွေးဖွားကြီးပြင်းခဲ့၍ စပိန်စကားကို ကောင်းစွာပြောဆိုနိုင်သည်။ ၎င်းတို့၏တွေ့ဆုံချိန်မှာ မိနစ် (၃၀) မျှကြာမြင့်ခဲ့သည်။ ရဟန်းမင်းကြီးနှင့်တွေ့ဆုံစကားပြောဆိုဆွေးနွေးရာ၌ အကြောင်းအရာများစွာဖြစ်သော လက်ဘနွန်၊ အီရတ်၊ တူရကီတို့အ ခြေအနေနှင့်စပ်လျင်း၍ အမြင်များဖလှယ်ရာတွင် တူညီသောသဘောထားများရှိကြကြောင်း၊ ထို့အတူ Glasgow ၌မကြာမီကျင်းပမည့် COP26 ရာသီဥတုဆိုင်ရာ အစည်းအဝေးကြီးကိုလည်း စိတ်၀င်တစားရှိနေကြောင်း၊ ပြင်သစ်နိုင်ငံမှ ဘာသာရေးခေါင်းဆောင် များမှ (၁၉၅၀) မှစ၍ကျူးလွန်လာခဲ့သော လိင်ပိုင်းဆိုင်ရာပြစ်မူများနှင့်ပတ်သက်၍ မကြာမီကထွက်ပေါ်လာခဲ့သော တင်ပြချက် များနှင့်စပ်လျင်း၍ သာသနာတော်ကြီးအနေဖြင့် အဘယ်သို့ကိုင်တွယ် ဖြေရှင်းမည့်အကြောင်းများကိုလည်း ဆွေးနွေးခဲ့ကြကြောင်း၊ ထို့အတူ ဤပြစ်မူနှင့်စပ်လျင်း၍ အာပတ်ဖြေခြင်း စက္ကရမင်တူးဆိုင်ရာ စောင့်ဆည်းရမည့် ကတိက၀ပ် (the seal of confession) ကို ပြေလည်အောင် အဘယ်သို့စေ့စပ်ပေးနိုင်မည်ဖြစ်ကြောင်း၊ လိင်ပိုင်းဆိုင်ရာကျူးလွန်သည်ကို ခံခဲ့ရသော သူများလည်း မည်သို့ဖြေရှင်း ပေးနိုင်မည်တို့ကို ဆွေးနွေးခဲ့ကြောင်း၊ ယခုကဲ့သို့ နိမိတ်ကောင်းသော တွေ့ဆုံခြင်း၌ လက်ဆောင်များလည်း ဖလှယ်ခဲ့ကြကြောင်း ပြောကြားသည်။
ပြင်သစ်၀န်ကြီးသည် ရဟန်းမင်းကြီးအား ပါရီမှ စိန့်ဂျက်မာ ဘောလုံး၀တ်စုံကို လက်ဆောင်၀ယ်လာပေးပြီး၊ ထို၀တ်စုံ၌ အာဂျင်တီးနား ဘောလုံးအကျော်အမော် လေအိုနယ်လ်မက်ဆီ၏ လက်မှတ်လည်းပါရှိသည်။ ရဟန်းမင်းကြီးမှ၀န်ကြီးချုပ်အား ‘The work that goes into the grap, into the vine, helps us to walk towards eternal life’ ဟုစာသားပါသော ကျောက်ပန်းချီကား တစ်ခုကိုပြန်လည်လက်ဆောင်ပေးခဲ့သည်။ ထို့အတူ ရဟန်းမင်းကြီးမှထုတ်ဝေ ဖြန့်ချီခဲ့သော စာချွန်တော်များဖြစ်သည့် ဆူနီအီစလာမ်ဘာသာရေးခေါင်းဆောင်နှင့်အတူ လက်မှတ်ရေးထိုခဲ့သော စာချွန်တော်များကိုလည်း လက်ဆောင်ပေးခဲ့သည်။
ဖာသာရ်ကလေးမင်းအားတယ်
Photo Crd..