 for web4.jpg)
 for web3a.jpg)
2024-10-12 10:15:33
13.10.2024 – Sunday of Week 28th in Ordinary Time;
အောက်တိုဘာလ ၁၃ ရက်၊ ၂၀၂၄၊ ၂၈ကြိမ်မြောက် တနင်္ဂနွေနေ့
Mark10:17-30- ဧဝံဂေလိကျမ်း ရှင်မာကု ၁၀: ၁၇-၃၀
Reflection By Sr. Patrcia, SFX
Posted by Sr. Benedetta Myat Hnin Nwe(ISR)
သခင်ယေဇူးကခရီးသွားနေစဉ်မှာ လူတယောက်ကရောက်လာပြီးဒူးထောက်လျက်၊“ထာဝရအသက်ကိုအမွေခံရဖို့၊ကျွန်တော်ဘာလုပ်ရမလဲ?”ဆိုပြီးလာမေးပါတယ်။ဒီမေးခွန်းကြောင့်သခင်ယေဇူးကလုပ်ရမယ့်ပညတ်ချက်တွေကိုပြောပြလိုက်ပါတယ်။ထိုလူက“ကျွန်တော်ပညတ် ချက်တွေကို ငယ်ငယ်ကတည်းကလုပ်ဆောင်ပါတယ်။”လို့ ပြန်ပြောပါတယ်။ သခင်ယေဇူးက ချစ်တဲ့စိတ်နဲ့“မင်းမှာတခုတော့လိုသေးတယ်။သွားတော့၊ကိုယ့်ဥစ္စာပစ္စည်းတွေကို အကုန်ရောင်းပြီး ဆင်းရဲသားတွေကိုပေးလိုက်ပါ။ကောင်းကင်ဘဏ္ဍာကိုရလိမ့်မယ်။ ကားတိုင်ထမ်းပြီး ငါ့နောက်လိုက်ပါ။”လို့ပြန်ပြောပါတယ်။ ထိုလူက ဥစ္စာရတတ်သူ၊ ဥစ္စာပစ္စည်းများစွာကို ပိုင်ဆိုင်တဲ့သူဖြစ်တဲ့အတွက်၊ စွန့်လွတ်ရမယ့်အရေးကြောင့် မျက်နှာမသာမယာနဲ့ ထွက်သွားပါတော့တယ်။ ဒီတချက်ကိုတော့ သူမလုပ်ဆောင်နိုင်ဘူးဆိုတာကို တွေ့ရပါတယ်။ထာဝရအသက်ရဖို့အတွက် လူကမလုပ်ဆောင်နိုင်ပါဘူး။ အမြဲတမ်းလိုအပ်ချက်တွေရှိနေပါတယ်။ ဒါပေမဲ့လူမတတ်နိုင်ပေမဲ့ဘုရားသခင်တတ်နိုင်တယ်လို့ သခင်ယေဇူးပြောပါတယ်။အိုအဘ၊ကျွန်ုပ်တို့မှာလိုအပ်ချက်များစွာရှိပါ၏။ ပညတ်ချက်အားလုံးကိုမလိုက်လျှောက်နိုင်ပါ။ သို့သော်လည်း သခင်ယေဇူးကိုမိမိအပြစ်မှ ကယ်တင်ပေးသောအရှင်သခင်အဖြစ်ယုံကြည်ခြင်းဖြင့် ထာဝရအသက်ကိုရရှိပြီးဖြစ်သောကြောင့် ကိုယ်တော်၏ကျေးဇူးတော်ကို ချီးမွမ်းပါ၏။ဆက်လက်အသက်တာမှာလည်း ကိုယ်တော်စကားကိုနာခံခြင်းဖြင့် မိမိလက်ဝါးကပ်တိုင်ထမ်းပြီး သခင်ယေဇူးနောက်ကို လုံးလုံးလိုက်သူဖြစ်ရန် မစတော်မူပါ။ သခင်ယေဇူးနာမ၌ ဆုတောင်းပါ၏။
