 for web4.jpg)
 for web3a.jpg)
2026-03-18 02:57:04
19 March 2026 Thursday
Fourth Week of Lent
Luke 2: 41 - 51
Reflection by Fr. Nicholas
Posted by Sr. Maria Ni Ni
ဤယနေ့အမိအသင်းတော်ကြီးသည်မယ်တော်သခင်မ၏ခင်ပွန်း စိန်ဂျိုးဇက်၏ ပွဲတော်ကိုကျင်းပနေပါတယ်၊၊ အမိကက်သလစ်တော်ကြီးတွင် မယ်တော်သခင်မ ပြီးနောက် အရိုအသေထိုက်ဆုံးပုဂ္ဂိုလ်က စိန်ဂျိုးဇက်ပဲဖြစ်ပါတယ်။ ဤယနေ့ကျမ်းစာတော်မြတ်တွင်နှစ်စဉ်နှစ်တိုင်းသခင်ယေဇူး၏မိသားစုကဂျေရုဇလင်သို့သွားကြ၏ဟုကြားနာရပါတယ်။ ဤသည်ကိုကြည့်ခြင်းဖြင့် စိန်ဂျိုးဇက်ဟာမိမိပြုလုပ်ရမည့်ဘာသာရေးတာဝန်များကိုသေချာကျေပွန်စွာပြုလုပ်သောသူ၊ မိမိ မိသားစုနှင့်အချိန်တိုင်းတွင်အတူရှိပြီးသူတို့အား ဖေးမ ကူညီသူဖြစ်ကြောင်းသိရပါသည်၊၊ ထို့ပြင် သခင်ယေဇူး ပျောက်သွားသည့်အခါ မယ်တော်နှင့်အတူလိုက်လံရှာဖွေစဉ်တွင် အလွန်ပူဆွေးသောကနှင့် ရှာသည်ကို ကြည့်ခြင်းဖြင့် မိမိ၏သားလှရတနာကိုမည်မျှချစ်တော်မှုကြောင်းကိုသိရှိနိုင်ပါသည်။ သခင်ယေဇူးကကျွန်ုပ်သည်ခမည်းတော်၏အိမ်တော်တွင်ရှိနေမည်ကိုမသိကြလောဟု မိန့်တော်မှု သောအခါ သာမန် ဖခင်တစ်ဦးကဲ့သို့ ပြုမှုမဆက်ဆံခဲ့ပဲ မိမိအလိုဆန္ဒထက် ဘုရားရဲ့ အလိုတော်ကို ဦးစားပေးခဲ့သည်ကို သိရှိနိုင်ပါတယ်။ ထို့ကြောင့် ကျွန်ုပ်တို့ဘဝတွင်လည်း စိန်ဂျိုးဇက်ကဲ့သို့ တာဝန် ကျေပွန်သောသူ၊ မိမိ၏မိသားစုအသိုင်းအဝိုင်းအား ကိုယ်စိတ်အရင်းခံဖြင့် ချစ်တတ်သောသူ၊ ဘုရားသခင်၏အလိုတော်ကို ဦးစားပေးတတ်သောသူဖြစ်အောင် ကြိုးစားကြပါစို့၊