 for web4.jpg)
 for web3a.jpg)
2024-10-22 00:05:33
23.10.2024 – Wednesday of week 29th in Ordinary Time;
အောက်တိုဘာလ ၂၃ ရက်၊ ၂၀၂၄၊ ၂၉ကြိမ်မြောက် သာမန်ကာလ ဗုဒ္ဓဟူးနေ့
Luke 12;39-48 - ဧဝံဂေလိကျမ်း ရှင်လုကာ ၁၂:၃၉-၄၈
Reflection By Sr. Patrcia, SFX
Posted by Sr. Benedetta Myat Hnin Nwe(ISR)
သခင်ယေဇူး၏ဒုတိယအကြိမ်ပြန်လာမည့်အကြောင်းကို ဆက်လက် ဖော်ပြနေခြင်းပင်ဖြစ်ပါသည်။သခင်ယေဇူးဒုတိယအကြိမ်ကြွလာမည့်အချိန်သည်ကျွန်ုပ်တို့မထင်မှတ်သည့်အချိန်တွင် ကျရောက်လာမည်ဖြစ်သောကြောင့်ပြင်ဆင်လျက်စောင့်နေကြဖို့ သခင်ယေဇူးကဆက်လက်မှာကြားနေပါသည်။ထိုသို့မှာကြားရာတွင် ဥပမာနှစ်ခုကိုပါထည့်သွင်းအသိပေးထားပါသည်။ဥပမာကတော့၊အိမ်ရှင်က အချိန်တန်လို့ရှိရင်မိမိအိမ်သားတွေကိုအစားအသောက်များဝေပေးရန်သစ္စာနှင့်၄င်း၊ သတိပညာနှင့်၄င်းပြည့်စုံသောကျွန်တယောက်ကိုစီမံခန့်ခွဲအုပ်ချုပ်ရန် ခန့်ထားခဲ့ပါသည်။ အိမ်ရှင်သခင်က ပြန်လာတဲ့အခါ အဲဒီကျွန်က၊မိမိခန့်ထားတဲ့အတိုင်း လုပ်ဆောင်နေသည်ကို တွေ့မြင်တဲ့အခါမှာ အဲဒီကျွန်ကိုမင်္ဂလာရှိသူလို့သတ်မှတ်ပါတယ်။ အိမ်ရှင်က မိမိပိုင်ဆိုင်သမျှကို ထိုကျွန်ကိုထပ်ပြီး အပ်နှံဦးမည်လို့ ဖော်ပြထားပါတယ်။အကယ်၍ ခန့်ထားခြင်းခံရတဲ့ အဲဒီကျွန်က“ငါ့သခင်ပြန်မလာသေးပါဘူးကွာ။” ဆိုပြီး မိမိကဲ့သို့ ကျွန်အချင်းချင်းကို နှိမ့်ချစွာဆက်ဆံခြင်း၊အနိုင်ကျင့်ညှင်းဆဲခြင်းအပြင်၊ စားသောက်ပျော်ပါးလျက်နေချိန်သူမထင်မှတ်တဲ့အခါမှာအိမ်ရှင်က ပြန်ရောက်လာပြီး ထိုအပြုအမူသူပြုလုပ်နေတာကိုတွေ့ရင် ထိုကျွန်ကိုပြင်းပြင်းထန်ထန်ဆုံးမမယ်။ သစ္စာမရှိတဲ့အခြားသောသူတွေနဲ့အတူပစ်ထားမယ်လို့ပြောပါတယ်။“မိမိသခင်ရဲ့အလိုကိုသိလျက်နှင့်မလုပ်တဲ့သူကများစွာသောဒဏ်ကိုခံရတယ်။ သခင်ရဲ့အလိုကိုမသိပဲ၊ဒဏ်ခံထိုက်တဲ့အမှုကိုပြုသူကတော့အနည်းငယ်သောဒဏ်ကိုသာခံရပြီး များစွာသောကျေးဇူးကိုခံရသူကများစွာပြန်ဆပ်ရမယ်။ များစွာသောဥစ္စာကို အပ်နှင်းခြင်းခံရသူကိုလည်းများစွာပြန်တောင်းမယ်” လို့ သခင်ယေဇူးကဖော်ပြထားပါတယ်။ကျွန်ုပ်တို့အနေနဲ့ မိမိကို ဘုရားသခင်ကဘယ်လောက် ကျေးဇူးပြုထားသလဲ?မိမိကိုဘုရားသခင်က ဘာတွေအပ်နှံထားသလဲ? ဆိုတာကိုပြန်လည်ဆန်းစစ်ရန် အထူးလိုအပ်ပါတယ်။ သခင်ပြန်လာတဲ့အခါမှာကျေးဇူးပြုထားတဲ့ပမာဏ၊ အပ်နှံထားတဲ့ပမာဏနှင့်အညီ ပြန်လည်စီရင် ဆုံးဖြတ်မှာ ဖြစ်ပါတယ်။ထို့နောက်မှာ ထပ်မံအပ်နှံခြင်းဆိုတဲ့ ဆုပေးခြင်းနှင့် ဆုံးမခြင်းလည်း ရှိတယ်ဆိုတာကိုအမြဲသတိယအောက်မေ့ဖို့လိုကြောင်းဆင်ခြင်ရပါတယ်။အိုအဘ၊သခင်ယေဇူး ပြန်လာသောအခါသစ္စာရှိသောငယ်သားကောင်းဖြစ်ရန်ခွန်အားပေးမစတော်မူပါ။သစ္စာမရှိခဲ့မိသောအချိန်များအတွက်အပြစ်ဝန်ချတောင်းပန်ပါ၏။ကျွန်ုပ်တို့ကိုအပ်နှံထားသော အရာများအတွက်လည်း ကျေးဇူးတင်ပါ၏။ ထိုသို့အပ်နှံထားသောအရာအားလုံးကိုသိမြင်ပြီး သခင့်အလိုအတိုင်း အလုံးစုံ အသုံးပြုတာဝန်ကျေကာသစ္စာရှိသောငယ်သားကောင်းဖြစ်ရန်လည်းမစတော်မူပါ။ သခင်ယေဇူး၏နာမ၌ ဆုတောင်းပါ၏။ အာမင်။
