 for web4.jpg)
 for web3a.jpg)
2024-10-26 09:23:00
27.10.2024 – 30th Sunday in Ordinary Time;
အောက်တိုဘာလ ၂၇ ရက်၊ ၂၀၂၄၊ ၃၀ကြိမ်မြောက် သာမန်တနင်္ဂနွေနေ့နေ့
Mark10;46-52 - ဧဝံဂေလိကျမ်း ရှင်မာကု ၁၀:၄၆-၅၂
Reflection By Sr. Patrcia, SFX
Posted by Sr. Benedetta Myat Hnin Nwe(ISR)
သခင်ယေဇူးကတပည့်တော်များ၊များစွာသော လူများနှင့်တကွယေရိခေါမြို့ကနေ သခင်ယေဇူးကတပည့်တော်များ၊ များစွာသောလူများနှင့်တကွယေရိခေါမြို့မှထွက်ခွါလာခဲ့ပါတယ်။ သခင်ယေဇူးဖြတ်လျှောက်သွားတဲ့ လမ်းမှာ ဗာတိမဲဆိုတဲ့မျက်စိမမြင်သူက လမ်းဘေးနားမှာ တောင်းစားလျက်ရှိနေပါတယ်။ မျက်မမြင် ဗာတိမဲကသူ့အနားကနေယေဇူးက ဖြတ်လျှောက်သွားတယ်ဆိုတာကို သိလိုက်ရတဲ့အချိန်မှာ“ဒါဝိဒ်၏သားတော်ယေဇူး၊အကျွန်ုပ်ကို ကယ်မသနားတော်မူပါ။”လို့ဟစ်အော်လိုက်ပါတယ်။ တိတ်ဆိတ်စွာနေဖို့ သူ့ကိုလူတွေက အပြစ်တင်ပြောဆိုကြပါတယ်။ ဒါပေမဲ့ ဗာတိမဲက “ဒါဝိဒ်၏သားတော်၊ အကျွန်ုပ်ကို ကယ်မသနားတော်မူပါ။”လို့ ပိုပြီး ကျယ်လောင်စွာဟစ်အော်ပါတယ်။ ဒီအခါမှာတော့ သခင်ယေဇူးက သူ့ကို ခေါ်လိုက်ပြီး “မင်းကိုဘာလုပ်ပေးစေချင်သလဲ” လို့ မေးလိုက်တဲ့အခါမှာ ဗာတိမဲက“အရှင်ဘုရား၊ အကျွန်ုပ်မျက်စိမြင်စေခြင်းငှါပြုတော်မူပါ။”လို့ ပြန်ဖြေလိုက်ပါတယ်။သခင်ယေဇူးက“သင်သွားလော့၊သင်၏ယုံကြည်ခြင်းသည်သင့်ကိုကယ်မပြီ”လို့ပြောလိုက်တာနဲ့ဗာတိမဲကမျက်စီပြန်မြင်သွားပြီးသခင်ယေဇူးနောက်ကို လိုက်ပါတယ်။ယခုအခြေအနေမှာသခင်ယေဇူး၏ ကယ်မသနားခြင်း တခုခု လိုအပ်နေပါသလား။သခင်ယေဇူးက ကယ်မသနားနိုင်တယ်လို့ကော ယုံကြည်ပါသလား?အိုအဘ၊ မည်မျှအပြစ်များပါစေ၊ အဆင့်အတန်း နိမ့်ကျနေပါစေ၊ ယုံကြည်ခြင်းနှင့် ကိုယ်တော့်ထံချဉ်းကပ်သူကို ကိုယ်တော်က ကြည့်ရှုသနား၊လက်ခံ ကြောင်းကိုဖော်ပြသည့်အတွက်ကျေးဇူးတင်ပါတယ်။ ဗာတိမဲကဲ့သို့ ရဲရင့်စွာမိမိယုံကြည်ခြင်းကိုထုတ်ဖော်ပြောဆိုသူဖြစ်ရန်မစတော်မူပါ။ ကိုယ်တော့်ကိုယုံကြည်ခြင်းသာ၍ ခိုင်ခံ့စေပါ။သခင်ယေဇူးနာမ၌ ဆုတောင်းပါ၏။ အာမင်။
