Untitled Document
Untitled Document
Untitled Document
Untitled Document
Vatican Vatican News FABC UCA News CBCM CRCM NCMS Yangon Archdiocese Pathein Diocese Mawlamying Diocese Pyay Diocese Mandalay Archdiocese Hakha Diocese Lashio Diocese Banmaw Diocese Kalay Diocese Myitkyina Diocese Taungyi Archdiocese Phakon Diocese Loikaw Diocese Taungngu Diocese Kengtung Diocese
Untitled Document

2024-12-23 04:31:05

24.12.2024 – 4th Week of Advent; Tuesday
အာဒ်ဝင်တူးကာလ စတုတ္ထ သီတင်းပတ်၊ အင်္ဂါနေ့  
၂ဓမ္မရာဇဝင် ၇း၁၅ - ၈၊၁၂၊၁၄ - ၁၆
ရှင်လုကာ ၁း ၆၇ - ၇၉ - Luke 1:67-79
Reflection By Daw Moe  Trio
Posted by Sr. Benedetta Myat Hnin Nwe(ISR)

"ငါတို့ဘုရားသခင်၏ ကြင်နာတတ်သောကရုဏာတော်အားဖြင့် ကောင်းကင်မှပေါ်ထွက်လာသော အာရုံဦး၏အလင်းရောင်သည် ငါတို့အပေါ်သို့သက်ရောက်ပြီးလျှင် မှောင်မိုက်နှင့်သေမင်း၏အရိပ်တွင် ထိုင်နေကြသောသူတို့ကို အလင်းပေး၍ ငါတို့အားငြိမ်းချမ်းခြင်းလမ်းစဥ်ကို ပြလိမ့်မည်..."လို့ အစရှိတဲ့ ဒီနေ့ရဲ့ဧဝံဂေလိကျမ်းစာတော်မြတ်ထဲမှာ ဖော်ပြထားတဲ့၊ ဇာခရိယရဲ့ချီးမွမ်းသီကျူးတဲ့သီချင်းထဲက "ကောင်းကင်မှပေါ်ထွက်လာသော အာရုံဦး၏အလင်းရောင်ခြည်တော်"ကတော့ ခရစ်တော်ယေဇူးဘုရားရှင်ပဲ ဖြစ်ပါတယ်။ကျွန်ုပ်တို့လူသားယုံကြည်သူခရစ်ယာန်အပေါင်းရဲ့ ရှင်သန်တည်ရှိနေရခြင်းမှာ အလင်းရောင်ခြည်တော်ကိုပေးနေသူကတော့ အာရုံဦးတည်းဟူသော ခရစ်တော်ဘုရားရှင်ပဲဖြစ်ပါတယ်။ဒါ့ကြောင့် ကျွန်ုပ်တို့အားလုံးရဲ့ လှုပ်ရှားမှုတိုင်း၊ ဆောင်ရွက်ချက်တိုင်းမှာ အဓိပ္ပာယ်ရှိစွာ ဆောင်ရွက်လုပ်ကိုင်ချင်တယ်ဆိုရင်တော့ ဘုရားရှင်ခရစ်တော်ကို ပူဇော်ဆက်ကပ်ပြီး ဆောင်ရွက်ဖို့ လိုအပ်ပါတယ်။အမိမယ်တော်မာရီးယားကိုပဲ ကြည့်ကြရအောင်။အမိမယ်တော်မာရီးယား သူ့ရဲ့သားတော်ခရစ်တော်ဘုရားရှင်အပေါ်မှာ ဗဟိုပြုထားပုံ၊အာရုံစူးစိုက်ထားပြီးရှင်သန်ပုံတွေဟာ သာမန်ထက်ထူးကဲပြီးအံ့မခန်းလောက်အောင် အံ့ဖွယ်ကောင်းစွာ ဆက်ကပ်ရှင်သန်ခြင်းတွေပဲဖြစ်ပါတယ်။အမိမယ်တော်မာရီးယားရဲ့စိတ်နှလုံးထဲမှာ သားတော်ဘုရားရှင်ပဲရှိနေတယ်။ အမိမယ်တော်မာရီးယားဟာ ခရစ်တော်ဘုရားရှင်နဲ့အတူ စကားပြောလေ့ရှိနေတဲ့အတွက် အစဥ်ဆုတောင်းနေသူဖြစ်တယ်။တကယ်တော့ ဆုတောင်းခြင်းမပြုရင် ကျွန်ုပ်တို့တွေဟာ အရှုံးသမားတွေပါပဲ။ အရာရာတိုင်းမှာ ဆုတောင်းခြင်းပါမှ ကျွန်ုပ်တို့ဆောင်ရွက်ရမယ့်တာဝန်များကို အားနဲ့အင်နဲ့ဆောင်ရွက်နိုင်မှာဖြစ်ပါတယ်။ဒါကြောင့်လည်း အမိမယ်တော်မာရီးယားဟာ သူ့ရဲ့သားတော်ဘုရားရှင်မွေးနေ့ အဖိတ်နေ့မှာ ဆုတောင်းခြင်းအမှုမှာ လစ်ဟင်းမှုမရှိစေဖို့ ကျွန်ုပ်တို့အားလုံးကို အားပေးနေပါတယ်။

Daily Reflection