 for web4.jpg)
 for web3a.jpg)
2025-01-12 08:09:39
January 13 Week 1 in ordinary Time , Monday.
Mark 1: 14-20
သာမန်ကာလ ပထမသီတင်းပတ် တနင်္လာနေ့။
မာကု ၁း ၁၄-၂၀
Reflection by Fr.Tomas Zaw Lwin (OSM)
ရှင်ယောဟန်ဗတ္တိစတားရဲ့ ပထမဆုံးတရားကတော့နောင်တတရားပဲဖြစ်တယ်။အဲ့ဒီ့တရားကိုပဲခရစ်တော်ကလည်းယောဟန်ဗတ္တိစတားဖမ်းဆီးခံပြီးနောက်ဆက်လက်ဟောခဲ့တယ်။“ဘုရားသခင်ရဲ့ နိုင်ငံတော်ကတည်လုနီးပြီ-နောင်တရကြ၍ဧဝံဂေလိသတင်းကောင်းကိုယုံကြည်ကြလော့”ဟုဆိုတဲ့ သတင်းပဲဖြစ်ပါတယ်။ကောင်းကင်နိုင်ငံဆိုတာကစားခြင်းနှင့်သောက်ခြင်းပဲမဟုတ်ပဲ ဖြောင့်မတခြင်းငြိမ်းချမ်းသာယာခြင်းနှင့်ဝိညာဉ်တော်မြတ်၌ဝမ်းမြောက်ရွှင်လန်းခြင်းတို့ဖြစ်တယ်ဆိုတာ-ရှင်ပေါလုက(ရောမ ၁၄း ၁၇)တွင်ပြောထားတယ်။ဘုရားရှင်ရဲ့အလိုတော်ကလည်းလူသားတိုင်း တန်းတူညီတူလူ့ဂုဏ်သိက္ခာနှင့်အညီနေထိုင်ရန်ပဲဖြစ်ပါတယ်။ဒါကြောင့်ခရစ်တော်ကလည်းကောင်းကင်နိုင်ငံကိုတည်ထောင်ဖို့ဤလောကကိုကြွလာခြင်းဖြစ်တယ်ဆိုတာကိုအတိအလင်းကောင်းကင်နိုင်ငံဆိုတာ ဘုရားရဲ့ အလိုတော်အတိုင်း ဖြစ်တည်ခြင်းပဲဖြစ်တယ်။