 for web4.jpg)
 for web3a.jpg)
2026-03-12 02:07:13
13 March 2026 Friday
Third Week of Lent
Mark 12: 28 - 34
Reflection by Fr. Nicholas Kyaw Lin Tun, OSM
Posted by Sr. Maria Ni Ni, MSP
ရှင်မာကု ၁၂း ၂၈-၃၄ တွင် သခင်ယေဇူးက ဥပဒေအားလုံးအနက် အရေးကြီးဆုံးသောအချက်မှာ အသက်ဝိညာဉ်အပြည့်၊ဉာဏ်ပညာအပြည့်နှင့်ခွန်အားအပြည့်တို့ဖြင့် ဘုရားသခင်ကို ချစ်ရန်နှင့် မိမိကိုယ့်ကိုယ်ကိုချစ်သကဲ့သို့ တစ်ပါးသူများကိုချစ်ရန်ဖြစ်ပါသည်။ထို့အပြင် သခင်ယေဇူးက ဥပဒေတစ်ခုကိုသာလိုက်နာခြင်းထက်ချစ်ခြင်းမေတ္တာကိုအခြေခံ၍ ပညတ်တော်များကိုစောင့်ထိန်းလိုက်ကျင့်ကြံရန်ဖိတ်ခေါ်နေပါသည်။ဘုရားသခင်ကို ချစ်ခြင်းသည်ဆုတောင်းခြင်း၊ဝတ်ပြုခြင်းများတွင်သာမကဘဲနေ့စဉ်ဘဝသက်တာအတွင်း သနားခြင်း၊ခွင့်လွှတ်ခြင်းနှင့်တရားမျှတခြင်းတို့ကိုလိုက်ကျင့်ခြင်းဖြင့်ဖော်ပြရမည်ဖြစ်ပါသည်၊၊ထိုနည်းတူတစ်ပါးသူကိုချစ်သည့်နေရာတွင်လည်းစကားဖြင့်သာမကလုပ်ဆောင်ချက် ဖြင့်လည်းပြသရမည်ဖြစ်သည်၊၊အကျင့်မပါသောအပြောသက်သက်သည်အနှစ်သာရမဲ့၏ဟုသောကျမ်းစကားကိုသတိမူသင့်သည်။တစ်ချိန်တည်းမှာပင်ယေဇူးအရှင်ကယေဇူရှင်၏ စကားကို နားလည်သဘောပေါက်စွာ တုံ့ပြန်နိုင်သော ဥပဒေစာရေးဆရာအား “ သင်သည်ဘုရားသခင်၏ နိုင်ငံတော်နှင့် မဝေးပါ” ဟု ပြောကြားခဲ့ပါသည်။ ဤအရာက ယုံကြည်ခြင်းသည်အသိပညာတင်မကဘဲ လက်တွေ့ကျင့်ဆောင်မှုအထိ ရောက်ရှိရမည် ဖြစ်ကြောင်း သတိပေးနေပါသည်။ ထို့ပြင် ကျွန်ုပ်တို့၏ယုံကြည်ခြင်းကို ပြန်လည်စဉ်းစားရမည်ဖြစ်ပါသည်၊၊ ကျွန်ုပ်တို့သည် ဘုရားသခင်ကို စစ်မှန်သော အချစ်နှင့် ချစ်နေသလား ဆိုသည်ကို ဆန်းစစ်သင့်ပါသည်။ ဤရှင်မာကု ၁၂း ၂၈-၃၄ သည်ခရစ်ယာန်ဘဝ၏ အဓိကအချက်မှာ “ချစ်ခြင်း” ပင်ဖြစ်ကြောင်း နှိုးဆော်ထားပါသည်၊၊