 for web4.jpg)
 for web3a.jpg)
2026-08-10 04:20:21
11 August 2026 Tuesday
19th Week in Ordinary Time
Matthew 18: 1- 5, 10, 12-14
Reflection by Padre Pietro, MSP
Posted by Sr. Maria Ni Ni, MSP
" ကလေးငယ်များကဲ့သို့ ဖြစ်ကြလော့၊ ဘုရားသခင်ချစ်တော်မူသော တစ်စုံတစ်ယောက်ကိုမျှ မဆုံးရှုံးစေနှင့်။ "
ယနေ့ ဧဝံဂေလိကျမ်းတွင် တပည့်တော်များက သခင်ယေဇူးအား “အဘယ်သူသည် ကောင်းကင်နိုင်ငံတော်တွင် အကြီးမြတ်ဆုံး ဖြစ်ပါနည်း” ဟု မေးလျှောက်တယ်။
တပည့်တော်တွေက ရာထူးဂုဏ်ဒြပ်၊အဆင့်အတန်းနှင့်အရေးပါမှုကိုစဉ်းစားနေကြတယ်။သို့သော်သခင်ယေဇူးသည် သူငယ်တစ်ယောက်ကိုအထံတော်သို့ခေါ်၍ သူတို့အလယ်တွင် ထားလျက်မိန့်တော်မူသည်မှာ “သင်တို့သည် အကျင့် ပြောင်းလဲ၍ သူငယ်များကဲ့သို့ မဖြစ်ကြလျှင် ကောင်းကင်နိုင်ငံတော်သို့ မည်သည့်အခါမျှ ဝင်ကြရလိမ့်မည်မဟုတ်” ဟု မိန့်တော်မူတယ်။
သခင်ယေဇူးသည် ကျွန်ုပ်တို့ကို ကလေးဆန်သူများ ဖြစ်စေရန် ခေါ်တော်မူခြင်းမဟုတ်ပါ။ ကလေးငယ်ကဲ့သို့ " နှိမ့်ချခြင်း၊ ယုံကြည်ကိုးစားခြင်း၊ ရိုးသားဖြောင့်မတ်ခြင်းနှင့် ဘုရားသခင်ကို မှီခိုအားထားခြင်း " ရှိသူများ ဖြစ်စေရန် ဖိတ်ခေါ်တော်မူခြင်း ဖြစ်တယ်။ ကလေးငယ်တစ်ဦးက မိမိအတွက် မေတ္တာနှင့် လမ်းညွှန်မှု လိုအပ်ကြောင်း သိရှိတယ်။ ထိုနည်းတူ ကျွန်ုပ်တို့လည်း မိမိတို့၏မာနနှင့် အောင်မြင်မှုများကိုသာ အားမကိုးဘဲ ဘုရားသခင်ကို အားကိုး မှီခိုရန် ခေါ်တော်မူခြင်း ခံရတယ်။
ထို့နောက် သခင်ယေဇူးသည် လမ်းလွဲ၍ပျောက်ဆုံးသွားသော သိုးတစ်ကောင်အကြောင်းကို မိန့်တော်မူတယ်။ သိုးထိန်းသည် သိုးကိုးဆယ့်ကိုးကောင်တို့ကိုတောင်ပေါ်တွင်ထားခဲ့လျက် ပျောက်ဆုံးသောသိုးကို
သွား၍ ရှာဖွေရန် ထွက်သွားတယ်။ ဤအရာက ဘုရားသခင်၏ နှလုံးသားကို ဖော်ပြပေးခြင်းပါ။
လူတိုင်းသည် ဘုရားသခင်အတွက် တန်ဖိုးကြီးမားသောအရာဖြစ်တယ်။
တစ်ယောက်မျှ မေ့လျော့ခြင်းခံရမည်မဟုတ်၊
တစ်ယောက်မျှ တန်ဖိုးမရှိသူ မဟုတ်၊ တစ်ယောက်မျှ
ဘုရား၏ကရုဏာတော်မှ ဝေးနေမည်မဟုတ်ပါ။ ဘုရားသခင်သည် ကျွန်ုပ်တို့ကို ဘယ်သောအခါမျှ စွန့်ပစ်တော်မူမည်မဟုတ်။
ယနေ့ ဧဝံဂေလိကျမ်းက ကျွန်ုပ်တို့ကို မေးခွန်း နှစ်ခုဖြင့် စိန်ခေါ်နေတယ်။
* ကျွန်ုပ်သည် ကလေးငယ်တစ်ဦးကဲ့သို့ နှိမ့်ချခြင်း၌ တိုးပွားလာနေပြီလား။
* ဘုရားသခင်ထံမှ လမ်းလွဲသွားသူများကို ဂရုစိုက်သလား၊ သို့မဟုတ် လျစ်လျူရှုထားသလား။
ယနေ့တွင် နှိမ့်ချသောနှလုံးသားကို ရရှိစေရန်နှင့် လမ်းလွဲပျောက်ဆုံးနေသူများကို လက်ခံကြိုဆိုခြင်း၊ ကာကွယ်စောင့်ရှောက်ခြင်း၊ ဆုတောင်းပေးခြင်းတို့အားဖြင့် ဘုရားသခင်၏ ကရုဏာမေတ္တာကို ထင်ဟပ်နိုင်ရန် သခင်ဘုရားထံ ကျေးဇူးတော်ကို တောင်းခံကြပါစို့။ အကြောင်းမှာ သခင်ယေဇူး မိန့်တော်မူသကဲ့သို့
" ကောင်းကင်ဘုံ၌ရှိတော်မူသောသင်တို့၏အဖသည် ဤသူငယ်တို့တွင်တစ်ဦးကိုမျှ ပျက်စီးစေခြင်းဌာအလိုရှိတော်မမူ။"