 for web4.jpg)
 for web3a.jpg)
2024-05-12 10:11:39
13.5.2024 - 7th Week of Easter, Monday
Our Lady of Fatima Feast, ဖာတီမာ မယ်တော်သခင်မပွဲနေ့
မေလ ၁၃ ရက်၊ ၂ ၀၂၄၊ ပါစကားကာလသတ္တမပတ် တနင်္လာနေ့၊
ရှင်ယောဟန်.... ၁၆း၂၉-၃၃- John 16:29-33
Reflection by Bro. Alphonso Naing Kyaw Htay O.P
Posted by Sr. Benedetta Myat Hnin Nwe,ISR
ထောက်ရှုချက်**ယေဇူး၌ငြိမ်သက်ခြင်းနှင့် ခွန်အားကိုရှာဖွေခြင်း**သခင်ယေဇူးသည်သူ၏သူငယ်ချင်းများ၊ တပည့်များနှင့်စကားပြောနေသည်။သူသည်သူတို့ကိုထားခဲ့ကာသူ၏ခမည်းတော်ဘုရားသခင်ထံ ပြန်သွားမည်ဖြစ်ကြောင်းသူတို့ကိုပြောထားသည်။တပည့်များသည် ယေဇူးသည် ဘုရားသခင်ထံမှဖြစ်ပြီး အရာအားလုံးကိုသိသည်ဟုယုံကြည်ကြသည်။ သခင်ယေဇူးက သူတို့သည်ကိုယ်တော်၌ ငြိမ်သက်ခြင်းရကြမည်ဟုပြောခြင်းဖြင့်တုံ့ပြန်သည်။ ဤငြိမ်သက်ခြင်းသည် ယေဇူးနှင့်ဆက်ဆံရေးရှိခြင်းမှရရှိသောအထူးငြိမ်သက်ခြင်းတစ်မျိုးဖြစ်သည်။ အရာအားလုံး အဆင်ပြေသွားတဲ့အခါ ခံစားရနိုင်တဲ့ငြိမ်သက်ခြင်းနဲ့မတူဘဲ၊ငါတို့ပတ်ဝန်းကျင်မှာ ဘာဖြစ်နေနေပါစေ သခင်ယေဇူးကိုနက်ရှိုင်းတဲ့ စိတ်တည်ငြိမ်မှုနဲ့ယုံကြည်ကိုးစားမှုတစ်ခုပါပဲ။ ဤလောက၌ခက်ခဲသောအချိန်များနှင့် ဒုက္ခများကြုံတွေ့ရမည်ဟုတပည့်များအားလည်း ယေဇူးပြောခဲ့သည်။ဘဝသည် အမြဲတမ်းလွယ်ကူမည်ဟု ကတိမပေးသော်လည်း၊ သူသည် ဤလောကကိုအောင်နိုင်နေပြီဖြစ်သည်ကို သိစေလိုသည်။ ဆိုလိုသည်မှာသခင်ယေဇူးသည် အသေခံခြင်းနှင့်ရှင်ပြန်ထမြောက်ခြင်းမှတစ်ဆင့် ကမ္ဘာပေါရှိ မကောင်းမှုများအားလုံးကိုအောင်နိုင်နေပြီဖြစ်သည်။ ထို့ကြောင့်၊ခက်ခဲကြမ်းတမ်းသည့်တိုင် တပည့်များသည် ယေဇူး၌နှစ်သိမ့်မှုနှင့်ခွန်အားကို ရှာဖွေနိုင်သည်။ သူသည် တိုက်ပွဲတွင်အနိုင်ရထားပြီးဖြစ်ပြီး၊ခက်ခဲသောအချိန်များကို ဖြတ်ကျော်ကာ၎င်းတို့နှင့်အတူအမြဲရှိနေသည်ကိုလည်းမှတ်မိနိုင်သည်။ကျွန်ုပ်တို့အတွက်လည်း ဤပုံပြင်က ကျွန်ုပ်တို့အားသခင်ယေဇူး၌ ငြိမ်သက်ခြင်းကို ရှာဖွေနိုင်သည်ဟုသွန်သင်သည်။ ကျွန်ုပ်တို့သည် ကိုယ်တော်ကိုယုံကြည်ကိုးစားပြီး ကိုယ်တော်နှင့်ဆက်ဆံရေးရှိသောအခါ၊ ကျွန်ုပ်တို့သည် ခက်ခဲသောအခြေအနေများကို ကျော်ဖြတ်နိုင်ရန်ကူညီပေးသည့်အထူးငြိမ်သက်ခြင်း တစ်မျိုးကို ရရှိနိုင်ပါသည်။ ယေဇူးသည်ကမ္ဘာပေါ်ရှိ မကောင်းမှုအားလုံးကို ကျော်လွှားပြီးဖြစ်ကြောင်း ကျွန်ုပ်တို့ယုံကြည်နိုင်ပြီး၊ ကျွန်ုပ်တို့အားကူညီရန်နှင့်ကျွန်ုပ်တို့အား ခွန်အားပေးရန်အမြဲရှိနေပါသည်။
