 for web4.jpg)
 for web3a.jpg)
2024-06-10 21:43:33
11.6.2024 - Tuesday of Week 10;
ဇွန်လ ၁၁ ရက်၊ ၂၀၂၄၊ ၁၀ကြိမ်မြောက် အင်္ဂါနေ့
Memorial of St.Barnabad
ရှင်မာတေးဦး ၅း၁၃-၁၆, Mt.5:13-16
Reflection by Rev.Fr. Thomas Zaw Lwin,OSM
Posted by Sr. Benedetta Myat Hnin Nwe,ISR
ခရစ်တော်၌ ချစ်လှစွာသော ညီအစ်ကိုမောင်နှမဘာသာတူ အပေါင်းတို့..မိမိအသင်းတော်သည် ယနေ့တမန်တော်ကြီး တစ်ပါးဖြစ်သည့် သံဘားနာဘတ်စ်အား အောက်မေ့သတိရခြင်းပွဲကိုကျင်းပဖို့ရန် ကျွန်ုပ်တို့ကို ဖိတ်ခေါ်ပါတယ်။ မူလက“ဂျိုးဇက်” ဆိုတဲ့ အမည်ကို နောက်မှာတော့ ဘားနာဘတ်စ်ဆိုပြီး အခြားတမန်တော်ကြီးများက ပြောင်းလဲပစ်လိုက်ကြသည်။ ဘားနာဘတ်စ်ဆိုတဲ့ အဓိပ္ပာယ်ကတော့ “နှစ်သိမ့်စေခြင်း၏သား”ဟု အဓိပ္ပာယ်ရပါသည်။ဘုရားရှင်သည် ကမ္ဘာလောကမှာရှိတဲ့ နှစ်သိမ့်ခြင်းကို စာငတ်နေသောသူများထံသို့ ဝေငှရန် သူ့ရဲ့တပည့်တော်ကြီးများနှင့် တမန်တော်ကြီးများကို စေလွှတ်တော်မူခဲ့တယ်ဆိုတာကို ယနေ့ဧဝံဂလိနှုတ်ကပတ်တော်မှာကျွန်ုပ်တို့ ကြားနာခဲ့ရပါတယ်။ “ဖျားနာသောသူတို့ကို ကုသပေးကြလော့။ သေသောသူတိုကို ပြန်ရှင်စေကြလော့။အနာကြီးရောဂါသည်တို့ကို စင်ကြယ်ပျောက်ကင်းစေကြလော့။ နတ်ဆိုးများကို နှင်ထုတ်ကြလော့။” (မာတေးဦး ၁ဝး၈) ကမ္ဘာလူသားများအား ဘုရားရှင်ရဲ့ နှစ်သိမ့်ခြင်းကိုပေးစေရန် အလို့ငှာ မိမိရဲ့အသက်ကိုတောင် စတေးကြတဲ့ ရဟန္တာသူတော်သူမြတ် မြောက်များစွာတို့ကို ကျွန်ုပ်တို့ တွေ့မြင်ခဲ့ကြပြီးပြီ။ နားထောင်ခဲ့ကြပြီးပြီ။ တမန်တော်ကြီး ဘားနာတစ်သည်လည်း တစ်ဦးအပါအဝင်ဖြစ်ပါသည်။ ဤသူများတို့နည်းတူ ကျွန်ုပ်တို့သည်လည်း အလင်းမဲ့နေသောနေရာ၌ အလင်းပေးတတ်သူများဖြစ်ဖို့ လမ်းပျောက်နေသူများကို လမ်းမှန်ပြပေးဖို့၊ စာငတ်နေသူများကို ကျွေးမွေးဖို့၊အချစ်ငတ်နေသူများကို ချစ်ခြင်းမေတ္တာပြသဖို့ ကြိုးစားရင်းလိုအပ်သောကျေးဇူးတော်များကို တောင်းလျှောက်ကြပါစို့။
