 for web4.jpg)
 for web3a.jpg)
2024-06-30 05:56:04
1.07.2024 - 13th week of Monday in Ordinary time
ဇူလိုင် ၁ ရက်၊ ၂၀၂၄၊ ၁၃ ကြိမ်မြောက်သာမန်တနင်္လာနေ့
Gospel (Matthew 8;18-22) ရှင်မာတေးဦး ၈း၁၈-၂၂
Reflection and Posted by Sr. Benedetta Myat Hnin Nwe,ISR
ယေဇူးသည် မိမိအနီးတွင်ဝိုင်းရံလျက်ရှိသော လူအစုအဝေးတို့ကို မြင်လျှင် တစ်ဖက်ကမ်းသို့ကူးသွားရန် အမိန့်ပေးတော်မူ၏။ထိုအခါ ကျမ်းတတ်ဆရာတစ်ဦးသည် အထံတော်သို့ချဉ်းကပ်လာ၍ ဆရာသခင်၊အရှင်ကြွသွားမည့်နေရာတိုင်းသို့ အကျွန်ုပ် လိုက်ပါမည်ဟုကိုယ်တော်အားလျှောက်လေ၏။ ယေဇူးကလည်း မြေခွေးတို့ ၌ တွင်းများ ရှိကြ၏။ ကောင်းကင်ငှက်တို့ ၌ အသိုက်များရှိကြ၏။ လူသား၌ မူကားမိမိ၏ ခေါင်းချစရာနေရာပင်မရှိဟုသူ့အားမိန့်တော်မူ၏။ တပည့်တော်တို့ထဲမှအခြားတစ်ယောက်ကလည်း သခင်၊ပထမဦးစွာသွား၍ အကျွန်ုပ်၏ အဖကို သင်္ဂြိုလ်ပါရစေဟု ကိုယ်တော်အားလျှောက်လေ၏။ သို့သော်ယေဇူးက ငါ့နောက်သို့လိုက်လော့၊လူသေတို့သည် မိမိတို့၏ လူသေများကိုသင်္ဂြိုဟ်ကြပါစေဟု မိန့်တော်မူ၏။ ရှင်မာသေဦး ၈:၁၈-၂၂ **ထောက်ရှုချက်**ငါ့နောက်သို့လိုက်လော့.ဆိုတဲ့ သခင့်ခေါ်သံကြားတိုင်း စိတ်လှုပ်ရှားမိတယ်။ဘာဖြစ်လို့လဲဆိုတော့“သူတော်စင်ဘဝအစ ဤခေါ်သံက”ဖြစ်လို့ပါပဲ။ အစကတော့ အမျိုးမျိုးဘုရားကိုနေ့ရွှေ့ညရွှေ့ မိသားစုအရေး၊မောင်နှမအရေးနဲ့ ချက်ချင်းမလိုက်ချင်ခဲ့ပါဘူး။ဒါပေမဲ့ ‘Come and Follow Me’ဆိုတဲ့ပဲတင်ထပ်သံတွေကြောင့် သူတော်စင်ဘဝ ကိုအဆုံးထိပို့ဆောင်ပေးခဲ့ပါတယ်။ ဒီလိုပါပဲ ဒီနေ့ကျမ်းစာထဲကလို ခရစ်တော်နောက်လိုက်ဖို့လူနှစ်ဦး ဆင်ခြေမှုပေးတတ်ကြသလို့ ခရစ်တော်ကသူ့တပည့်တွေခေါ်ခဲ့တုန်းက ချက်ချင်းတုံ့ပြန်နောက်လိုက်ခဲ့ကြတယ်။ ဒါပေမဲ့ ခရစ်တော်ဒုက္ခနဲ့ ရင်ဆိုင်ရသောအခါမြင်တွေ့ပြီးညင်းပယ် ခဲ့တတ်ကြပါတယ်။ ဒါကြောင့် ခရစ်တော်နောက်လိုက်ယုံကြည်သူဘာသာဝင်၊ သူတော်စင်များအတွက်ဆင်ခြင်ထောက်ရှုစရာတစ်ခု ဖြစ်ပါတယ်။ မိမိတို့ကိုယ်စီခံယူထားသောဘဝကို အကောင်းဆုံးသော ခရစ်တော်နောက်လိုက်ခြင်းဖြစ်ဖို့ ကြိုးစားကြပါစို့။
