 for web4.jpg)
 for web3a.jpg)
2024-07-27 23:45:25
29.07.2024 - 17th week of Monday in Ordinary time
ဇူလိုင် ၂၉ ရက်၊ ၂၀၂၄၊ ၁၇ ကြိမ်မြောက်သာမန်ကာလ တနင်္လာနေ့
St. Martha
Gospel (Luke 10: 38-42) ရှင်လုကာ ၁၀း၃၈-၄၂
Reflection by Sr. Benedetta Myat Hnin Nwe,ISR
သူတို့သည်ခရီးဆက်ကြစဉ် ကိုယ်တော်သည် ရွာတစ်ရွာသို့ဝင်သဖြင့် မာဿအမည်ရှိသောအမျိုးသမီးတစ်ဦးသည် ကိုယ်တော့်ကို မိမိ၏အိမ်၌လက်ခံကြိုဆိုလေ၏။ မာဿတွင် မာရိယာအမည်ရှိသောညီမတစ်ဦးရှိ၍ သူမသည်သခင်ဘုရား၏ခြေတော်ရင်း၌ထိုင်လျက်ကိုယ်တော်၏ သွန်သင်ချက်များကို နားထောင်နေလေ၏။ မာဿမူကား ဧည့်ခံခြင်းအမှု၌ အလုပ်များလျက်ရှိသဖြင့် ကိုယ်တော်၏အထံတော်သို့ ချဉ်းကပ်၍ သခင်ဘုရား၊ကျွန်မ၏ညီမဖြစ်သူသည် ကျွန်မတစ်ဦးတည်း ဧည့်ခံခြင်းအမှုဆောက်ရွက်ရန်ပစ်ထားသည်ကိုသတိမမူပါသလော။ သို့ဖြစ်၍ ကျွန်မကိုကူညီစေရန် သူမအားအမိန့်ရှိတော်မူပါဟု လျှောက်လေ၏။သို့သော် သခင်ဘုရားက မာဿ၊ မာဿ၊ သင်သည်များစွာသောအမှုကိစ္စတို့အတွက် စိုးရိမ်ပူပန်ခြင်းရှိ၏။ လိုအပ်သောအရာတစ်ခုတည်းသာရှိ၏။ မာရိယာသည် ထိုကောင်းမြတ်သောအရာကိုရွေးချယ်လေပြီး။ထိုအရာကိုသူမထံမှဖယ်ရှား၍ ရလိမ့်မည်မဟုတ် ဟု မိန့်တော်မူ၏။ **ထောက်ရှးချက်** ဘဝမှာ မာဿကဲ့သို့ကာယခွန်အားအတွက်အလုပ်လုပ်နေရသလို မာရိယာကဲ့သို့လည်းတရားနာယူ ဝိညာဥ်ခွန်အားဖြည့်ဖို့လည်း အထူးလိုအပ်ပါသည်။ လုပ်လည်းလုပ်နေကြပါသည်။ သို့သော်တခါတရံတွင် ကာယအတွက်နစ်ပြီးလုပ်နေရင်း ငြီးညူခြင်း၊မြည်တွန်တောက်တီးခြင်း၌သာ အချိန်ကုန်လွန်စေပါက ဘာမှကုသိုလ်အကျိုးမရပဲဝိညာဥ်ခွန်အားဖြည့်ဖို့ဝေးနေမည်ဖြစ်သည်။သို့ပါသောကြောင့် မာဿကဲ့သို့ကာယခွန်အားအတွက်ကြိုးစားလုပ်ဆောင်ရင်း ဝိညာဥ်ခွန်အားဖြည့်ဖို့လည်း မချန်ထားပဲ တရားနာယူကာ လက်တွေ့ဘဝတွင်ကျင့်ကြံနေထိုင်သွားကြပါစို့။
