 for web4.jpg)
 for web3a.jpg)
2024-08-15 05:05:58
16.8.2024 – 19th week of Friday in Ordinary Time
သြဂုတ်လ ၁၆ ရက်၊ ၂၀၂၄၊ ၁၉ကြိမ်မြောက်သာမန်ကာလ သောကြာနေ့
St. Stephen of Hungary
Reflection by Sr.Nang Mya Sein,SdP
Posted by Sr. Benedetta Myat Hnin New(ISR)
Matthew19:3-12 - ရှင်မာတေးဦး ၁၉း၃-၁၂
ဒီကနေ့ဧ၀ံဂေလိကျမ်းစာမှာ ဖာရီဇေဦးများက သခင်ယေဇူးကိုစုံစမ်းလိုတဲ့အကြံအစည်နဲ့ ‘’လူတစ်ဦးသည်မည်သည့်အကြောင်းကြောင့်မဆို မိမိ၏ဇနီးနှင့်ကွာရှင်းအပ်ပါသလော’’ ဆိုပြီးမေးတဲ့အခါ သခင်ယေဇူးက ဘုရားသခင်လူကိုဖန်ဆင်းတဲ့အချိန်ကတည်းကရှိခဲ့တဲ့ကနဦးရည်ရွယ်ချက်ဖြစ်တဲ့နှစ်ဦးတစ်သားတစ်ကိုယ်ဖြစ်ခြင်း၊ သန့်ရှင်းခြင်းစုံလင်သောချစ်ခြင်းအခြေအနေကို ပြန်လည်မီးမောင်းထိုးပြဖြေပေးခဲ့တယ်။ကျမ်းတတ်ဆရာများရဲ့မေးခွန်းဟာ ယောကျ်ားနဲ့ မိန်းမကိုဖန်ဆင်းခြင်း၊လူသားနှစ်ဦးတို့ရဲ့လက်ထပ်ထိမ်းမြားခြင်း ကနဦးရည်ရွယ်ချက်နဲ့လုံး၀ဆန့်ကျင်ကြောင်းသက်သေပြခဲ့ပါတယ်။“သင်တို့၏နှလုံးခက်ထန်ခြင်းကြောင့်”လို့ဆိုပြီးကာလအဆက်ဆက်လူ့လောကအဖြစ်အပျက်အားလုံးအကြောင်းရင်းနဲ့ပြသနာအရင်းအမြစ်ကိုရည်ညွန်းလိုက်ပါတယ်။ (ရှင်မာကု၇း၂၁,၂၃)။မိမိအတွက်၊မိမိမိသားစုအတွက်၊လူ့အသိုင်းအ၀ိုင်းတခုလုံးကောင်းကျိုးအတွက်လူတိုင်းမှာဖြူစင်တဲ့နှလုံးသားရှိဖို့လိုပါတယ်။ ကိုယ်နဲ့ အနီးစပ်ဆုံး သူအတွက်ထည့်စဥ်းစားခြင်းမရှိပြန်ရင်လည်းသူ့ရွေးချယ်မှုကနေ ပျော်ရွှင်မှုအပြည့်အ၀ မရနိုင်ပြန်ပါဘူး။ဘာကြောင့်လဲဆိုတော့ ပျော်ရွှင်မှုအစစ် လူတိုင်း ကိုယ်စီတာ၀န်ယူမှုအပြည့်အ၀နဲ့တဦးကတစ်ဦးအတွက်စဥ်းစားပေးမှပျော်ရွှင်မှုစစ်မှန်ပြီးရေရှည်ခံမှာဖြစ်ပါတယ်။ ဒီလိုအခြေအနေကိုရောက်ဖို့လူတိုင်းကကိုယ့်ရဲ့နှလုံးသားအလိုကိုသေချာသိမြင်ပြီးသင့်တင့်မျှတွေးချင့်ချိန်တတ်ဖို့လိုအပ်ပါတယ်။ဖန်ဆင်းခြင်းအစမှာဘုရားသခင်ကသူ့ရဲ့ဖန်ဆင်းခံလက်ရာတွေကိုကြည့်ပြီး‘’ကောင်းမြတ်တယ်’’လိုမှတ်ချက်ပြုပြီးလူကိုဖန်ဆင်းပြီးတဲ့အခါမှာတော့‘’အလွန်ကောင်းမြတ်တယ်’’လို့မှတ်ချက်ပြုခဲ့တယ်။ ဘာဖြစ်စ်လို့လဲဆို တော့လူ့ရဲ့နှလုံးသားထဲမှာရောအဖြစ်အရှိအခြေအနေမှာပါအပြစ်တရားမရှိသေးလို့လူနဲ့ဘုရားကြားဆက်ဆံရေး၊လူလူချင်းဆက်ဆံရေး၊လူနဲ့သဘာ၀တရားကြားဆက်နွယ်မှုနဲ့လူသားနဲ့မိမိကိုယ်ကိုယ်ဆက်နွယ်မှုမှာဘာအဖုအထစ်မှမရှိသေးတာကြောင့်ဖြစ်တယ်။အဲတော့‘’နှလုံးသား ခက်ထန်ခြင်း”ဆိုတာကို ဒီအရာတွေ အားလုံးသဟဇာတမရှိခြင်းရဲ့ပြယုဒ်ဖြစ်ပါတယ်။ကျွန်ုပ်တို့တစ်ဦးစီရဲ့နှလုံးသားကိုဘုရား၏နှုတ်တော်ထွက်စကားလမ်းညွန်မှုကိုခံယူဖို့ကြိုးစားကြပါစို့။
