 for web4.jpg)
 for web3a.jpg)
2024-09-11 03:18:25
12.9.2024 – Thursday of Week 23rd in Ordinary Time;
စက်တင်ဘာလ ၁၂ ရက်၊ ၂၀၂၄၊ ၂၃ကြိမ်မြောက်သာမန် ကြာသပတေးနေ့
Luke 6:27-38- ဧဝံဂေလိကျမ်း ရှင်လုကာ ၆း၂၇-၃၈
Reflection by Sr. Rebecca Niang San Cing (L .W .S .T )
Posted by Sr. Benedetta Myat Hnin Nwe(ISR)
ယနေ့ ဘုရား၏နှုတ်ကပါတ်တော်ကျမ်းမှာရန်သူကိုချစ်ဖို့၊ ကိုယ်နဲ့နီးစပ်သောသူကို ကိုယ်ရှင်ကဲ့သို့ချစ်ဖို့၊သူတစ်ပါးအပြစ်တွေကို မစီရင်မဆုံးဖြတ်ပဲခွင့်လွှတ်တတ်ဖို့ရန် ဤကနေ့ဧဝံဂေလိကျမ်းက ကျွန်ုပ်တို့ကိုသတိပေးနေပါတယ်။“ရန်သူကို မိတ်ဆွေပြောင်းခြင်း”လောကမှာ ရန်သူတစ်ထောင်ရှိတာထက် မိတ်ဆွေကောင်းတစ်ယောက်ရှိတာက ပိုပြီးပျော်ရွှင်ရပါတယ်။လူတိုင်းဟာချစ်ခြင်းမေတ္တာကိုသာ လိုချင်ကြပါတယ်။ဘယ်သူတစ်ဦးတစ်ယောက်မျှ ရန်သူကိုမလိုချင်ကြပါဘူး။ရန်သူကိုကျွန်ုပ်တို့ မိတ်ဆွေအဖြစ်ကိုယ့်ကိုမချစ်မနှစ်သက်သူတွေ၊ မခေါ်မပြောချင်တဲ့သူတွေကို အမြဲသတိရဆုတောင်းပေးပါ။ စိန့်ထရေဇားလေးက“ ကျွန်မကို မချစ်မနှစ်သက်၊ မပေါင်းသင်းချင်တဲ့သူတွေကျွန်မကို ဒုက္ခပေးတတ်တဲ့သူတွေဆီမှာတမင်တကာ သွားပြီးမှ ပေါင်းသင်းဆက်ဆံနေထိုင်လေ့ရှိပါတယ်။ ဒီလိုလုပ်ရတာဟာကျွန်မအတွက် အခက်အခဲမရှိပါဘူး။ ပိုပြီးမှပျော်ရွှင်မှုကို ကျွန်မခံစားပါတယ်”လို့ သူမဆိုခဲ့ပါတယ်။ဒီနည်းလမ်းမျိုးဟာ သခင်ခရစ်တော်လိုချင်တဲ့နည်းလမ်းမျိုးပဲဖြစ်ပါတယ်။“သင်ကောင်းလျှင်ကျွန်ုပ်မဆိုးပါ”ဆိုတာဟာ ခရစ်ယာန်လမ်းစဉ်မဟုတ်ပါ။“သင်ကောင်းကောင်းမကောင်းကောင်း ကျွန်ုပ်ကချစ်နေရမည်”ဆိုတဲ့အချစ်မျိုးနဲ့ ကိုယ့်ရန်သူတွေကိုချစ်ဖို့ရန်သာဘုရားသခင်အလိုချင်ဆုံးဖြစ်ပါတယ်။ ဒီလိုအချစ်မျိုးဟာဘုရားအချစ်မျိုး“Agape Love”လို့ခေါ်ပါတယ်။ လှလို့ချစ်တာမဟုတ်ပဲချစ်လို့လှတာပါ။သီချင်းစာသားလိုမျိုးဘုရားကျွန်ုပ်တို့ကိုချစ်နေတာက ကျွန်ုပ်တို့လှလို့၊ ချစ်စရာကောင်းလို့ ချစ်တာမျိုးမဟုတ်ဘူး။ ကျွန်ုပ်တို့က မုန်းစရာကောင်းတဲ့အချိန်တွေမှာတောင် ကျွန်ုပ်တို့အတွက် သူ့ရဲ့အသက်ကို စတေးဖို့ အသင့်ရှိနေသူပါ။ ဒါကြောင့် သခင်ယေဇူးက“ငါသည် သင်တို့ကို ချစ်သည့်နည်းတူ သင်တို့သည်လည်း အချင်းချင်းချစ်ကြလော့” ဟုဆိုရခြင်းဖြစ်တယ်။ကျွန်ုပ်တို့တစ်ယောက်နဲ့တစ်ယောက်အပြစ်မစီရင်ဖို့ ဘုရားသခင်ကကျွန်ုပ်တို့ရဲ့အားနည်းချက်တွေကို စိတ်ရှည်သည်းခံပြီး ရှင်သန်ခွင့်ပေးတဲ့ဘုရားဖြစ်တယ်။ ထိုနည်းတူစွာကျွန်ုပ်တို့လည်း သူတစ်ပါးရဲ့အားနည်းချက်များကိုအပြစ်မတင်ပဲ နားလည်ခွင့်လွှတ်ပေးဖို့ဖြစ်ပါတယ်။ လူတိုင်းကို လူဆိုး၊ လူကောင်းဆိုပြီး ကျွန်ုပ်တို့စီရင်ဆုံးဖြတ်စရာမလိုပါ။ ဘုရားသခင်ကသာလျှင် စီရင်ဆုံးဖြတ်ရမှာဖြစ်တယ်။ သူတစ်ပါးကိုအပြစ်မတင်မီ ဦးစွာမိမိကိုယ်တိုင်၏ အားနည်းချက်၊ချို့ယွင်းချက်များကို ရှာဖွေစီစစ်ရမှာဖြစ်တယ်။ (Lk 7:41-43) ကျွန်ုပ်တို့တစ်ဦးချင်းစီလည်းစစ်မှန်သောချစ်ခြင်းအားဖြင့်သူတစ်ပါးရဲ့အပြစ်ကိုခွင့်လွှတ်နားလည်နိုင်သော ချစ်ခြင်းမေတ္တာမျိုး ပိုင်ဆိုင်သောသူများဖြစ်ကြပါစေ။
