 for web4.jpg)
 for web3a.jpg)
2024-09-16 05:21:41
17.9.2024 – Tuesday of Week 24th in Ordinary Time;
၂၀၂၄၊စက်တင်ဘာလ ၁၇ ရက်၊ ၂၄ ကြိမ်မြောက်သာမန်ကာလအင်္ဂါနေ့
Luke 7:11-17- ဧဝံဂေလိကျမ်း ရှင်လုကာ ၇း၁၁-၁၇
Reflection By Sr Celestina Wai (LWST)
Posted by Sr. Benedetta Myat Hnin Nwe(ISR)
ဒီကနေ့ထောက်ရှုရတဲ့ကျမ်းစာမှာ မုဆိုးမရဲ့သားကို အသက်ရှင်ပြန်ရှင်စေတဲ့အကြောင်းပဲဖြစ်တယ်။ အစနဲ့အဆုံးမရှိခြင်းဟာဖန်ဆင်းရှင်ဖြစ်ခြင်းရဲ့အမှတ်လက္ခဏာဖြစ်သလို အစအဆုံးရှိခြင်းဟာလည်းဖန်ဆင်းခံဖြစ်ရခြင်းရဲ့အမှတ်လက္ခဏာပဲဖြစ်တယ်။ လူသားအစ မြေမှုန့်ကဆိုပြီးသမ္မာကျမ်းစာတော်မြတ်က သက်သေခံထားတာတွေ့ရသလို သေခြင်းတရားရဲ့အဆုံးသတ်နောက်ကွယ်မှာ ရှင်ပြန်ထမြောက်ခြင်းရှိနေသည်ကို မမေ့လျော့ဖို့သတိထားရမှာပဲဖြစ်တယ်။ ထာဝရဘုရားသခင်နှင့်အတူ ဖန်ဆင်းခြင်းအစက အတူ နေရသည့်ဘဝသို့ ပြန်ရောက်စေရန်အတွက် ကယ်တင်ရှင်ယေဇူးကို ကျွန်ုပ်တို့အတွက်အသေခံစေခြင်းဖြင့် သက်သေပြခဲ့ပါတယ်။ ယေဇူးဘုရားရှင်ကိုယ်တိုင်က သူ၏သနားကြင်နာမှုကြောင့် အကူအညီလိုအပ်နေသူများအတွက် ကူညီပေးခဲ့တဲ့သူဖြစ်တယ်ဆိုတာကို ဒီကနေ့ကျမ်းစာက သက်သေပြခဲ့ပါတယ်။ယေဇူးဘုရားရှင်သည် အခြားသောသူများကိုသာ ရှင်ပြန်ထမြောက်စေခြင်းသက်သက်မဟုတ်ပဲ သူကိုယ်တိုင်အသေခံပြီးမှသုံးရက်မြောက်နေ့၌ သေခြင်းတရားကိုအောင်နိုင်ပြီး သေရာမှ ရှင်ပြန်ထမြောက်ခဲ့တယ်။သူရဲ့ရှင်ပြန်ထမြောက်ခြင်းကြောင့် သေမျိုးဖြစ်တဲ့ကမ္ဘာလူသားအပေါင်းတို့သူ့ရဲ့သေခြင်း၌ပါဝင်ကြရသည့်နည်းတူသူ၏ရှင်ပြန်ထမြောက်ခြင်း၌လည်းပါဝင်စေပြီး ထာဝရအသက်ချမ်းသာရရှိခွင့်ကိုလည်းပေးခဲ့ပါတယ်။ လူသားတွေရဲ့အစနဲ့အဆုံးဟာ ကိုယ်တော်၌သာရှိနေပါတယ်။ ရှင်ပြန်ထမြောက်ခြင်းအကြောင်းနှင့် ကောင်းကင်နိုင်ငံတော်အကြောင်းကိုပူဆွေးသောကရောက်နေကြတဲ့သူတို့အား ဟောပြောသက်သေခံရန်နှင့်နှစ်သိမ့်ပေးနိုင်ရန်ကျွန်ုပ်တို့ကို ကိုယ်တော်အလိုရှိနေပါတယ်။
