 for web4.jpg)
 for web3a.jpg)
2024-10-01 04:08:45
2.10.2024 – Wednesday of Week 26th in Ordinary Time;
အောက်တိုဘာလ ၂ ရက်၊ ၂၀၂၄၊ ၂၆ကြိမ်မြောက် ဗုဒ္ဓဟူးနေ့
Holy Guardian Angels Feast day
Matthew 18;1-5,10 - ဧဝံဂေလိကျမ်း ရှင်မဿဲ ၁၈:၁-၅၊ ၁၀
Reflection By Sr. Patrcia, SFX
Posted by Sr. Benedetta Myat Hnin Nwe(ISR)
သခင်ယေဇူးကို တပည့်တော်တွေက မေးခွန်းမေးလို့သခင်ယေဇူးက ဖြန်ဖြေတဲ့အကြောင်းအရာပဲဖြစ်ပါတယ်။တပည့်တော်တွေကသခင်ယေဇူးအနားကို ချဉ်းကပ်လာကြပြီး ကောင်းကင်နိုင်ငံတော်မှာဘယ်သူက ပိုပြီး ကြီးမြတ်သောသူဖြစ်မလဲလို့မေးကြပါတယ်။ သခင်ယေဇူးက အချက် (၄)ချက်နဲ့ပြန်ဖြေတာကိုတွေ့ရပြီး သူငယ်ကိုဗဟိုပြုဥပမာနဲ့ပြန်ဖြေတာသလို နှိမ့်ချသောစိတ်ကိုဗဟိုပြုတာကိုလည်း တွေ့ရပါတယ်။“သင်တို့သည်ပြောင်းလဲ၍ သူငယ်ကဲ့သိုမဖြစ်လျှင်ကောင်းကင်နိုင်ငံတော်သို့ မရောက်ရကြ။” လို့ ဖြေပါတယ်။အဖြေကထူးခြားပါတယ်။ ကောင်းကင်နိုင်ငံတော်မှာဘယ်သူကပိုပြီးကြီးမြတ်မလဲထက်ကောင်းကင်နိုင်ငံတော်ကို ရောက်မရောက်ကအရေးကြီးပါတယ်။သူငယ်ကဲ့သို့ပြောင်းလဲမှကောင်းကင်နိုင်ငံတော်ကိုရောက်မယ်။မပြောင်းလဲရင်မရောက်ဘူးလို့ သခင်ယေဇူးကအတိအလင်းပြောပါတယ်။သူငယ်ရဲ့သဘောသဘာဝက တခုခုကိုလုပ်ဆောင်ဖို့ မိမိမတတ်နိုင်ဘူး၊ မိမိထက် တတ်စွမ်းသူ၊ ကြီးမြတ်သူကို လိုအပ်လေ့ရှိပါတယ်။ “ငါမတတ်နိုင်ဘူး” ဆိုတဲ့ စိတ်သဘောဖြစ်ပါတယ်။တနည်းအားဖြင့်နိမ့်ချသောစိတ်ဖြစ်ပါတယ်။ကျွန်တော်တို့လူတွေရဲ့သဘောသဘာဝက တခုခုဆိုငါသိတယ်၊ ငါလုပ်နိုင်တယ်၊ ငါပိုသိတယ်ဆိုတဲ့စိတ်ရှိတတ်ပါတယ်။ ဒါဟာ မာနစိတ်ဖြစ်ပါတယ်။ လူသားသဘာဝက ကောင်းကင်နိုင်ငံတော်ကိုရောက်ရှိဖို့ရန်လည်း မိမိရဲ့ ကြိုးစားအားထုတ်မှုနဲ့ ကြိုးစားတတ်ကြပါသေးတယ်။ ကြိုးစားရင်ရောက်မယ်လို့ထင်တတ်ပါတယ်။တကယ်တော့ ကောင်းကင်နိုင်ငံတော်ကိုရောက်ဖို့လူမတတ်နိုင်ပါ။ ဒါကို သိမြင်ပြီး စိတ်နှလုံးပြောင်းလဲဖို့ လိုအပ်ပါတယ်။ အပြစ်ငရဲကလွှတ်ဖို့ ငါ့ရဲ့ကြိုးစားအားထုတ်မှုနဲ့မရဘူး၊ ငါမတတ်နိုင်ဘူးလို့ ဝန်ခံပြီးသခင်ယေဇူးပြုပေးတဲ့ ကယ်တင်ခြင်း၊ အသွေးတော်အားဖြင့်အပြစ်ဆေးကြောပေးခြင်းကိုနှိမ့်ချသောစိတ်နဲ့ယုံကြည်လက်ခံရပါမယ်။“သခင်ယေဇူးကကျမ်းစာလာတဲ့အတိုင်းငါတို့အပြစ်ကြောင့် အသေခံတယ်။သင်္ဂြိုလ်ပြီးမှ ကျမ်းစာလာသည့်အတိုင်း သုံးရက်မြောက်သောနေ့မှာရှင်ပြန်ထမြောက်တော်မူတယ်။”ဆိုတာကို နှိမ့်ချသောစိတ်နဲ့ ယုံကြည်လက်ခံသူကသာ ကောင်းကင်နိုင်ငံတော်ကိုရောက်ရှိမယ်လို့ သခင်ယေဇူးကပြောနေပါတယ်။*ဆုတောင်းကြစို့*အိုအဘ၊ကျွန်ုပ်ကို အပြစ်မှကယ်တင်ပေးဖို့သခင်ယေဇူးကို စေလွှတ်တဲ့အတွက် ကျေးဇူးတင်ပါ၏။ ကျွန်ုပ်တို့အပြစ်အတွက် လက်ဝါးကပ်တိုင်မှာအသေခံခဲ့ပြီး သင်္ဂြိုလ်ခြင်းကိုခံ၍၊ (၃) ရက်မြောက်သောနေ့မှာ ရှင်ပြန်ထမြောက်ခဲ့သော သခင်ယေဇူးကို ကျွန်ုပ်တို့ ယုံကြည်လက်ခံပါ၏။ လူအပေါင်းတို့သည်လည်း သခင်ယေဇူးကို မိမိအပြစ်မှကယ်တင်ပေးသော ကယ်တင်ရှင်ဖြစ် ယုံကြည်လက်ခံကြစေရန် မစတော်မူပါ။ ဧဝံဂေလိသတင်းစကားသည် သာ၍ ပျံ့နှံ့စေပါ။ သခင်ယေဇူးနာမ၌ ဆုတောင်းပါ၏။ အာမင်။
