 for web4.jpg)
 for web3a.jpg)
2024-10-02 01:57:36
3.10.2024 – Thursday of Week 26th in Ordinary Time;
အောက်တိုဘာလ ၃ ရက်၊ ၂၀၂၄၊ ၂၆ကြိမ်မြောက် ကြာသပတေးနေ့
Luke10:1-12- ဧဝံဂေလိကျမ်း ရှင် လုကာ ၁၀:၁-၁၂
Reflection By Sr. Patrcia, SFX
Posted by Sr. Benedetta Myat Hnin Nwe(ISR)
ရှင်လုကာ ၁၀၁-၁၂ က သခင်ယေဇူးက တပည့်တော်တွေကိုမြို့ရွာများကို စေလွှတ်တဲ့အကြောင်းဖြစ်ပါတယ်။ သခင်ယေဇူးကသူသွားမယ့်မြို့ရွာများဆီကို “ဘုရားသခင်နိုင်ငံတော်သင်တို့၌ တည်ထောင်ချိန်နီးပြီ”ဆိုပြီး ဟောပြောဖို့ တပည့်တော် နှစ်ယောက်တတွဲ ရှေ့ပြေးအနေနဲ့ စေလွှတ်ပါတယ်။“အိမ်ကိုဝင်တဲ့အခါ ဤအိမ်သည် မင်္ဂလာဖြစ်ပါစေလို့ပြောပါ။သင်တို့ကိုလက်ခံရင်နေပါ။ အိမ်ရှင်ကျွေးတဲ့အစားအစာကိုစားပါ။လူနာတွေကိုချမ်းသာပေးပြီးတော့ ဘုရားသခင်နိုင်ငံတော် သင်တို့၌တည်လုချိန်နီးပြီလို့ဟောပြောပါ။”လို့ တပည့်တော်တွေကိုမှာကြားပါတယ်။ အကယ်၍ သင်တို့က“မင်္ဂလာဖြစ်ပါစေ” လို့ပြောတဲ့အခါ သူတို့က လက်မခံရင်တော့“ မြို့လမ်းကိုထွက်ပြီး သင်တို့မှာကပ်နေတဲ့မြေမှုန့်ကိုခါလိုက်ပါ။ ဘုရားသခင်နိုင်ငံတော် မင်းတို့အနီးအနားကို ရောက်ခဲ့တယ်ဆိုတာ မှတ်ထားကြပါ။”လို့ မှာခိုင်းပါတယ်။ခရစ်တော်ရဲ့ဧဝံဂေလိသတင်းစကားကို သင်နဲ့ကျွန်ုပ်သာမကလူအများကကြားနေကြရပါတယ်။ ခရစ်တော်၏ဧဝံဂေလိသတင်းစကားဖြစ်တဲ့“ခရစ်တော်ကသင့်အပြစ်၊ကျွန်ုပ်ရဲ့အပြစ်နဲ့လူသားအားလုံးအပြစ်အတွက် လက်ဝါးကပ်တိုင်မှာအသေခံခဲ့တယ်။ထိုသခင်ဟာသင်္ဂြိုဟ်ခြင်းကိုခံပြီး သုံးရက်မြောက်တဲ့နေ့မှာရှင်ပြန်ထမြောက်ခဲ့တယ်။”ဆိုတဲ့သတင်းစကားကနည်းလမ်းအမျိုးမျိုးနဲ့ကျွန်ုပ်တို့အားလုံးထံရောက်ရှိပြီးဖြစ်ပါတယ်။ သခင်ယေဇူးလုပ်ဆောင်ပေးခဲ့ခြင်းက ငါ့အပြစ်အတွက်ဖြစ်တယ်ဆိုပြီး သခင်ယေဇူးကိုမိမိရဲ့အပြစ်ကနေကယ်တင်ပေးတဲ့ကယ်တင်ရှင်အဖြစ်ယုံကြည်လက်ခံရင်ကယ်တင်ခြင်းမင်္ဂလာကို လက်ခံရရှိပါတယ်။ လက်မခံခဲရင်တော့ထိုကယ်တင်ခြင်းမင်္ဂလာကို မရရှိပါ။ တကယ်လို့ ငြင်းပယ်ခဲ့ရင် တချိန်မှာ ကျွန်တော်၊ကျွန်ုမ ဧဝံဂေလိသတင်းစကားကို မကြားခဲ့ရဘူး၊မသိလိုက်ဘူး လို့ငြင်းဆိုစရာ အကြောင်းမရှိဆိုတာသတိပေးနေပါတယ်။ခရစ်တော်၏ ဧဝံဂေလိသတင်းစကားကိုကြားရတဲ့သူက လက်ခံယုံကြည်ဖို့ ဘုရားသခင်အလိုရှိတယ်။*ဆုတောင်းကြစို့*အိုအဘ၊ကိုယ်တော်၏ဧဝံဂေလိသတင်းစကားကိုကျွန်ုပ်တို့ ကြားရ၊ယုံကြည် လက်ခံခွင့်ရရှိသည့်အတွက်လည်း ကျေးဇူးတင်ပါ၏။ သခင်ယေဇူးဘုရား၊ ကျွန်ုပ်သည် အပြစ်သားဖြစ်ပါ၏။ သခင်ယေဇူးသည် ကျွန်ုပ်အပြစ်အတွက်၊ လက်ဝါးကပ်တိုင်မှာအသေခံကာ သင်္ဂြိုလ်ခြင်းကိုခံပြီးသုံရက်မြောက်သောနေ့ တွင်ရှင်ပြန်ထမြောက်သော အသက်ရှင်သောဘုရားဖြစ်ကြောင်း ကျွန်ုပ်ယုံကြည်လက်ခံပါ၏။ကျွန်ုပ်၏နှလုံးသားအတွင်းသို့၊ ဝင်ရောက်ကျိန်းဝပ်တော်မူပါ။အုပ်စိုးလမ်းပြတော်မူပါ။သခင်ယေဇူးနာမ၌ ဆုတောင်းပါ၏။ အာမင်။
