 for web4.jpg)
 for web3a.jpg)
2023-08-28 04:54:45
29.8.2023 – 21st Week in Ordinary Tuesday
The Martyrdom of St. John the Baptist
သြဂုတ်လ (၂၉) ရက် ၂၀၂၃ (၂၁) ကြိမ်မြောက် သာမန်ကာလ၊အင်္ဂါနေ့
Mk. 6: 17-29 - ရှင်မာကု (၆:၁၇-၂၉)
Reflection by Sr. Agnes Mary (OSM)
Posted by Sr. Benedetta Myat Hnin Nwe(ISR)
ကျွန်မတို့နေထိုင်ရာလူကမ္ဘာမှာလူအမျိုးမျိုးစိတ်အထွေထွေလို့ဆိုစမှတ်ပြုထားတဲ့အတိုင်းလူအမျိုးမျိုးဟာကွဲပြားခြားနားပါတယ်။လောကဘဝမှာအမှားအမှန်၊အလင်းအမှောင်၊အနီးအဝေး၊ချီးမွမ်းခြင်းကဲ့ရဲ့ခြင်း၊အတက်အဆင်း၊အနိမ့်အမြင့်၊အကောင်းအဆိုးစိတ်ကောင်း၊စိတ်ယုတ်တာအမြဲကပဲဒွန်တွဲနေပါတယ်။ဒီကနေ့ကျမ်းစာတော်မြတ်ထဲမှာပါတဲ့အဓိကဇတ်ဆောင်(၃)ယောက်ဖြစ်တဲ့John the Baptist,Herod နဲ့ Herodiesတို့ဟာလည်းလောကမှာလူ့စိတ်အမျိုးမျိုးကွဲပြားခြာတယ်ဆိုတာကို သက်သေပြနေပါတယ်။ဦးစွာပထမရှင်ယောဟန်ဘဝကိုကြည့်မယ်ဆိုရင်လူ့အလိုမလိုက်၊လူ့အကြိုက်မဆောင်ဘဲဘုရားမျက်နှာကိုပဲ ကြည့်ကာဖြစ်သင့်တဲ့အရာကိုမကြောက်မရွံ့ အမှန်တိုင်းပြောလိုက်တဲ့အတွက်ခေါင်းဖြတ်သတ်ခံရတဲ့ အထိဖြစ်ဒဏ်ပေးခြင်းခံခဲ့ရပါတယ်။မှန်တာပြောရင်ရွာပြင်ထုတ်ခံရတယ်လို့ဆိုရိုးရှိပါတယ်။မှန်ပါတယ်။ကျွန်မတို့ရဲ့မျက်မှောက်ခေတ်နိုင်ငံတော်ကိုကြည်မလား။အဖွဲ့အစည်းတွေကိုကြည့်မလား။မိတ်ဆွေအပေါင်းအသင်းတွေကိုကြည့်မလား။အမှန်ပြောတဲ့သူတွေကိုဘေးဖယ်ထားတတ်ကြပါတယ်။ ဒါကြောင့်ဘေးဖယ် ထားခြင်းခံရမှာ မကြောက်ဘဲ အမှန်တရားကိုရဲရဲဝံ့ဝံ့ပြောဖို့အမှန်တရားအတိုင်းအသက်ရှင်ဖို့ ဒီကနေ့ ရှင်ယောဟန် ရဲ့ဘဝအားဖြင့်မီးမောင်းထိုးပြနေပါတယ်။ ဟေရုဒ်မင်းကြီးဟာသူအရမ်းကျေနပ်ပျော်ရွှင်နေတဲ့အချိန်မှာမစဉ်းစားမဆင်ခြင်းဘဲကတိတစ်ခုကိုလွယ်လွယ်ပေးခဲ့တဲ့အတွက်တစ်ပါးသူရဲ့အသက်ဆုံးရှုံးရတဲ့အထိဖြစ်ခဲ့ပါတယ်။ဟေရုဒ်ရဲ့လုပ်ရပ်ကိုကြည့်ခြင်းဖြင့်စကားတစ်ခွန်းကိုလွယ်လွယ်မပြောဖို့၊ကတိတစ်ခုကို လွယ်လွယ်မပေးဖို့၊ကျွန်မတို့ကိုသင်ခန်းစာပေးနေပါတယ်။နောက်ဆုံးတစ်ယောက်ကတော့Herodlesဖြစ်ပါတယ်။အရှိကိုအရှိအတိုင်းလက်မခံခြင်း၊အတ္တကြီးခြင်း၊သူတစ်ပါးကိုလက်စားချေခြင်းစတဲ့အရာတွေဟာအပျက်သဘောဆောင်ပြီးမကောင်းတဲ့အရာတွေကိုပဲဖြစ်စေတယ်ဆိုတာHerodles ရဲ့စရိုက်ကို ကြည့်ခြင်းဖြင့်သိရှိနိုင်ပါတယ်။လောကမှာလူအမျိုးမျိုးစိတ်အထွေထွေရှိတယ်။ဆိုပေမဲ့ကောင်းတဲ့အရာတွေကိုပဲကျွန်မတို့အတုယူရမှာ ဖြစ်ပါတယ်။ဒါကြောင့်ဒီကနေ့ကျမ်းစာတော်မြတ်အားဖြင့်မျက်နှာပျက်မှာ၊အမုန်းခံရမှာမကြောက်ဘဲအမှန်တရားကိုပြောဖို့စကားတစ်ခွန်းကိုလက်လွတ်စပယ်မပြောဖို့၊အရှိကိုအရှိတိုင်းလက်ခံဖို့သူတစ်ပါးကိုလက်စားမချေခွင့်လွှတ်တက်ဖို့သွန်သင်နေပါတယ်။
