 for web4.jpg)
 for web3a.jpg)
2023-09-05 05:51:52
5.9.2023 – 22nd Week in Ordinary Tuesday
၂၀၂၃ ခုနှစ်၊ စက်တင်ဘာလ (၅) ရက် (၂၂) ကြိမ်မြောက် သာမန်ကာလ၊အင်္ဂါနေ့
Lk. 4: 31-37 - ရှင်လုကာ ၄း ၃၁-၃၇
Reflection by Rev. Fr. Michael Kyaw Swar Naing, MS
Posted by Sr. Benedetta Myat Hnin Nwe(ISR)
ကျွန်တော်တို့သဘောသဘာဝအရကျွန်တော်တို့သည်အာဏာတပ်မက်ကြတယ်။နေရာခုံမင်တတ်ကြတယ်။ဒီကနေ့မှာတော့ကျမ်းစာတော်မြတ်ထဲမှာသခင်ဘုရားကအခွင့်အာဏာနှင့်ဟောပြောတယ်။ဒီအခွင့်အာဏာကသူ့အတွက်မဟုတ်ပါဘူး။ကျွန်တော်တို့လူသားတွေအတွက်ဘဲဖြစ်ပါတယ်။ဒါကြောင့်(ယောဟန် ၃း၁၆)မှာဘာရေးထားလဲဆိုရင်“သားတော်ကိုယုံကြည်သောသူဟူသမျှကိုပျက်စီးခြင်းသို့မရောက်စေဘဲထာဝရအသက်ကိုရစေခြင်းငှါဘုရားသခင်သည်မိမိ၏တစ်ပါးတည်းသော သားတော်ကိုစွန့်သည့်တိုင်အောင်ကမ္ဘာလောကသားတို့ကိုချစ်တော်မူ၏”ဘုရားသခင်ရဲ့(Calvary)လမ်းစဉ်တလျှောက်မှာလည်း(လုကာ ၂၃း၂၈)ယေရုဇလင်အမျိုးသမီးတွေငိုကြွေးတော့လည်းဘုရားသခင်ကဘာတုံ့ပြန်လည်းဆိုရင်“ငါ့အတွက်မငို ကြွေးကြနှင့်သင်တို့နှင့်သင်တို့၏ သားသမီးများအတွက်ငိုကြွေးကြလော့”တဲ့။အာဏာဆိုတာအမှန်တကယ်တော့ပိုပြီးအစေခံဖို့အတွက်ဘဲဖြစ်တယ်။ဘုရားသခင်ကမိမိမှာရှိတဲ့ အာဏာနှင့်တပါးသူကိုအစေခံတယ်။နောက်တနည်းပြောရရင် တပါးသူရဲ့ လိုအပ်ချက်ကိုဖြည့်ဆည်းပေးတယ်။ ဒီကနေ့မှာဆိုရင် နတ်ဆိုးစီးနေတဲ့သူကို ပျောက်ကင်းစေခဲ့တယ်။ဒါကြောင့် ကျွန်တော်တို့ ဘုရားသားသမီးတွေလည်း ဘုရားရဲ့နာမတော်နှင့် ကျွန်တော်တို့ရရှိတဲ့ (power)တွေ၊နေရာတွေ(titles )၊ (talents) တွေကမိမိအတွက်ထက်တပါးသူကိုအစေခံဖို့ဖြစ်ရမယ်။ဟိုတုန်းက(cross)ကိုကြောက်စရာတခုအနေနဲ့မြင်ကြပြီးဘုရားသခင်ကျွန်တော်တို့အတွက်ချစ်ခြင်း၊နှိမ့်ချခြင်း၊အာဏာတွေနှင့်ပေးဆပ်လိုက်တဲ့အခါမှာဒီ(cross )က ယခုကျေးဇူးတော်များ၊ ပါရမီများစီးဆင်းရာနေရာတခုဖြစ်သွားတယ်။ဒါကြောင့်ကျွန်တော်တို့လည်းလူ့ပတ်ဝန်းကျင်မှာကျွန်တော်တို့တည်ရှိခြင်းအားဖြင့်ပတ်ဝန်းကျင်ကို အကျိုးပြုနိုင်တဲ့ခရစ်ယာန်တွေဖြစ်သွားကြပါစို့။
