 for web4.jpg)
 for web3a.jpg)
2023-09-05 05:43:59
6.9.2023 – 22nd Week in Ordinary Wednesday
၂၀၂၃ ခုနှစ်၊ စက်တင်ဘာလ (၆) ရက် (၂၂) ကြိမ်မြောက် သာမန်ကာလ၊ဗုဓ္ဒဟူးနေ့
Lk. 4: 38-44 - ရှင်လုကာ ၄း ၃၈-၄၄
Reflection by Rev. Fr. Michael Kyaw Swar Naing, MS
Posted by Sr. Benedetta Myat Hnin Nwe(ISR)
သူမအတွက်ကိုယ်တော့်ကိုတောင်းလျှောက်ပေးကြ၏။(V.38)ဒီကနေ့ကျမ်းစာတော်မြတ်ထဲမှာ၎င်းပတ်ဝန်းကျင်မှာရှိနေကြတဲ့လူပုဂ္ဂိုလ်များရဲ့ဘုရားအပေါ်ယုံကြည်ခြင်းကိုတွေ့ကြရတယ်။ဤယုံကြည်ခြင်းကြောင့်ဘုရားသခင်ထံမှ စီမွန်၏ ယောက္ခမသည်ပြင်းထန်သောအဖျားရောဂါခံစားရခြင်းမှပျောက်ကင်းခြင်းကုသမှုကျေးဇူးတော်ကိုရရှိခဲ့တယ်။ဒါကြောင့် ဘုရားသခင်ကကုသမှုပြုလုပ်တိုင်းသုံးတဲ့ဝါကျလေးတစ်ခုရှိပါတယ်။(Luke7:50)သင်၏ယုံကြည်ခြင်းသည်သင့်ကိုကယ်တင်လေပြီဆိုတဲ့အရာပဲ။ဒါကြောင့်ယုံကြည်ခြင်းဆိုတာရိုးရိုးလေးတွေးတောမယ်ဆိုရင်ဖြင့်ဘုရားသခင်ကိုမိမိဘဝမှာလက်ခံလိုက်ခြင်းမည်၏။(ယေရမိအနာဂတိကျမ်း ၁း၈)မှာယေရမိကိုဘုရားသခင်ကသူ့အမှုတော်ထမ်းဆောင်ဖို့စေလွှတ်တော့။သူဘယ်လိုငြင်းလည်းဆိုရင်သူကငယ်သေးတယ်။ဘာပြောရမှန်းသူမသိဘူး.ယေရမိကကြောက်တာပေါ့။ဒါပေမဲ့ဘုရားသခင်ကဘာပြောလဲဆိုရင်မကြောက်နဲ့။မင်းဘာပြောရမလဲ။ဘာလုပ်ရမလဲဆိုတာကိုဝိညာဉ်တော်ကဦးဆောင်မယ်။ဘာကြောင့်ယုံကြည်ခိုင်းလဲဆိုရင်ငါမင်းနဲ့ အတူရှိတယ်။ဒါကြောင့်ဘုရားအပေါ်ယုံကြည်ခြင်းနဲ့လုပ်ဆောင်ရမှာဖြစ်ပါတယ်။နေထိုင်ပြနိုင်ရမှာဖြစ်ပါတယ်။ဒါဆိုရင်ကျွန်တော်တို့ဘဝမှာလည်း ဒီကနေ့စီမွန်၏ယောက္ခမကုသခြင်းတန်ခိုး အံဖွယ်ရာကိုရရှိပိုင်ဆိုင်သွားသလို၊ကျွန်တော်တို့ဘဝမှာလည်း ဧကန်မုချတန်ခိုးအံဖွယ်ရာအဖြစ်ပျက်တွေရရှိမှာဖြစ်ပါတယ်။ဘုရားအပေါ်ယုံကြည်ပြီး၊ဒီယုံကြည်တဲ့အတိုင်းနေထိုင်သွားကြပါစို့။သက်သေခံသွားကြပါစို့။
