 for web4.jpg)
 for web3a.jpg)
2023-09-08 05:24:19
9.9.2023 – 22nd Week in Ordinary Time, Saturday
၂၀၂၃ ခုနှစ်၊ စက်တင်ဘာလ (၉)ရက် (၂၂) ကြိမ်မြောက် သာမန်ကာလ၊ စနေနေ့
Lk. 6:1-5 - ရှင်လုကာ ၆း ၁-၅
Reflection by Rev. Fr. Michael Kyaw Swar Naing, MS
Posted by Sr. Benedetta Myat Hnin Nwe(ISR)
ဘုရားသခင်ကကျမ်းတတ်ဆရာများနှင့်ဖာရီဇေဦးတို့ကိုဥပုဉ်နေ့နှင့်ပတ်သက်ပြီးမေးခွန်းထုတ်ဖူးပါတယ်။မေးထားတာကတော့ဥပုဉ်နေ့၌ ကောင်းမှုကိုပြုအပ်သလော။(သို့မဟုတ်)မကောင်းမှုကို ပြုအပ်သလော။ဒီကနေ့ကျမ်းစာတော်မြတ်အားဖြင့်ဘုရားသခင်ကထောက်ပြထားတာကတော့လူသားသည်ဥပုဉ်နေ့၏အရှင်သခင်ဖြစ်သည်။တကယ်တော့ဘုရားသခင်သည်ဥပုဉ်နေ့၏အရှင်သခင်ဖြစ်တယ်။ဒါကြောင့်ဥပုဉ်ဆိုတဲ့စကားလုံးကိုအဓိပ္ပါယ်ဖွင့်ရေးသားထားတာကတော့ It is the day, and to rest for the Lord.ဘုရားသခင်ရဲ့နေ့၊ဘုရားအတွက် အနားယူခြင်းဆိုပြီးအဓိပ္ပါယ်ဖွင့်ကြတယ်။ဒါပေမဲ့တချို့ကကိုယ်လိုရာဘဲယူပြီးFor the Lord.ဘုရားအတွက်ဆိုတဲ့စကားစုကိုဖြုတ်ပြီး ဥပုဉ်နေ့မှာလုပ်ချင်တာလုပ်နေတတ်ကြတယ်။ဒါကြောင့်ကျွန်တော်တို့ခရစ်ယာန်တွေသတိရမှာက Without God, we are nothing.ဘုရားမပါရင်ကျွန်တော်တို့ဟာဗလနထ္တိဖြစ်တယ်။မယ်တော်သခင်မလာဆလက်တောင်မှာကလေး(၂)ယောက်ကိုထင်ရှားပြတဲ့အခါမှာလည်းသူမသတိပေးခဲ့တယ်။ဘုရားကျောင်း သွားရင်ဘုရားကိုပျက်ရယ်ပြုဖို့မသွားကြပါနဲ့။တချို့ရှိကြပါတယ်။ဘုရားကျောင်းတော့တက်တယ်။ဆုတောင်းတယ်။ဒါပေမဲ့ လူတွေနဲ့မတည့်ဘူး။နားမလည်ပေးတတ်ဘူး။သည်းမခံတတ်ဘူး။နိမ့်ချခြင်းမရှိဘူး။ဒါကြောင့် ဝိညာဉ်ရေးပုဂ္ဂိုလ်က ဘယ်လိုမေးခွန်းထုတ်ပြီးအဆုံးသတ်ထားလဲဆိုရင် ထိုကဲ့သို့သော ပုဂ္ဂိုလ်၏ ဥပုဉ်၊ ဆုတောင်းမှုကို သင်ဘယ်လိုထင်ပါသလဲ? သင်ရောဘယ်အခြေအနေမှာ ရောက်နေပါသလဲ?
