 for web4.jpg)
 for web3a.jpg)
2023-09-10 07:54:41
11.8.2023 – 23rd Week in Ordinary Monday
၂၀၂၃ စက်တင်ဘာလ ၁၁ ရက် (၂၃) ကြိမ်မြောက် သာမန်ကာလ၊တနင်္လာနေ့
Lk. 6:6-11- ရှင်လုကာ ၆း ၆-၁၁
Reflection by Rev. Fr. Henry Aung Myo Kyaw, MS
Posted by Sr. Benedetta Myat Hnin Nwe(ISR)
ယနေ့ကျမ်းစာတော်မြတ်၌ခရစ်တော်ဘုရားရှင်ကဥပုသ်နေ့မှာလက်တစ်ဖက်သေနေသောလူတစ်ယောက်ကိုကုသပေးခဲ့ပါသည်။ဂျုးလူမျိုးတို့၏ဓလေ့ထုံးစံအရဥပုသ်နေ့တွင်ထိုကဲ့သို့သောအမှုကိစ္စများကိုမပြုလုပ်ရန်တားဖြစ်ထားပါသည်။ခရစ်တော်ဘုရားရှင်ကဂျူးလူမျိုးတို့၏ဓလေ့ထုံးစံများနှင့်ဥပုသ်နေ့၏ဥပဒေသများကိုမသိ၍မဟုတ်ပါ။သို့ဖြစ်လျှင်အဘယ်ကြောင့်ခရစ်တော်ဘုရားရှင်ထိုဥပဒေသကိုချိုးဖောက်ခဲ့သနည်း။အဖြေကတော့ရှင်းပါသည်။ချစ်ခြင်းမေတ္တာပဲဖြစ်ပါသည်။တစ်ပါးသူကိုချစ်ခြင်းမေတ္တာပြကူညီဖို့ရန်အတွက်ဥပုသ်နေ့ဆိုတာမရှိပါဘူး။လူမျိုးရေး၊ဘာသာရေးဆိုတာ မရှိပါဘူး။အသားအရောင်၊အဆင့်အတန်းအနိမ့်အမြင့် ဆိုတာမရှိပါဘူး။နေ့၊ညဆိုတာမရှိပါဘူး။ထိုကဲ့သို့သောချစ်ခြင်းမေတ္တာမျိုးကိုကိုယ်တော်ရှင်ပြသလုပ်ဆောင်ခဲ့တာဖြစ်ပါတယ်။တစ်ပါးသူဆီမှာ မည်သည့်တုန့်ပြန်မှုကိုမျှမျှော်လင့်ခြင်းမရှိဘဲမိမိအသက်ကိုပေးဆပ်ခဲ့သည့်အချစ်မျိုးနှင့်ကိုယ်တော်ရှင်ဘုရားကျွန်ုပ်တို့အားလုံးကိုချစ်ပြခဲ့တာဖြစ်ပါသည်။ကျွန်ုပ်တို့သည်လည်းဘုရားရှင်၏ချစ်သား သမီးတွေပီပီခရစ်တော်ဘုရားရှင်၏နောက်လိုက်တွေပီပီမိမိနှင့်နီးစပ်သောသူအားလုံးကိုမည်သည့်ကန့်သတ်ချက်ဘောင်မျိုးမရှိသည့်အချစ်မျိုးနှင့်ချစ်ခြင်းမေတ္တာပြသဖို့၊အစေခံကူညီမှုပြုကြဖို့ ခရစ်တော်ဘုရားရှင်ကျွန်ုပ်တို့အားလုံးကိုဖိတ်ခေါ်လျက်ရှိနေပါသည်။
