 for web4.jpg)
 for web3a.jpg)
2023-09-13 03:12:38
14.8.2023 – The Exaltation of the Holy Cross Feast Thursday
၂၀၂၃ စက်တင်ဘာလ ၁၄ ရက် (၂၃) ကြိမ်မြောက် သာမန်ကာလ၊ကြာသပတေးနေ့
Jn. 3:13-17- ရှင်ယောဟန် ၃း ၁၃-၁၇
Reflection by Sem. Robert Khai Thawn Kim, MS
Posted by Sr. Benedetta Myat Hnin Nwe(ISR)
ဒီကနေ့ကျွန်ုပ်တို့ ကရူးစူးလက်ဝါးကပ်တိုင်ပွဲကိုကျင်းပကြပါသည်။အေဒီ ၃၂၀တွင်ရဟ္တာမ Helena၊Constantine၏ မိခင်ကဖေါ်ထုတ်ခဲ့ခြင်းဖြစ်ပါသည်။ဒီလက်ဝါးကပ်တိုင်ရဲ့သမိုင်းကြောင်းကို ပြန်လည်ထောက်ရှုကြည့်ရင်ဓမ္မဟောင်းခေတ်ကလူတွေဟာဘုရားသခင်၏စေခိုင်းသူခေါင်းဆောင်များ၏စကားကိုနားမထောင်ဘဲငြီးတွားကြသောကြောင့်မြွေကိုက်ခြင်းကိုခံရပြီးသေဆုံးကြပါသည်။မိုးဇက်ကလည်း ဘုရားသခင်ထံဆုတောင်းပြီး မြွေရုပ်ထုကို ထုလုပ်၍ထို မြွေရုပ်ကို ကြည့်သူတိုင်း အသက်ချမ်းသာရကြကြောင်းပထမကျမ်းဖြစ်သော တောလည်ရာကျမ်း ၂၁း၄-၉ တွင်တွေ့ရပါသည်။ထိုနည်းတူဓမ္မသစ်ခေတ်ရောက်သောအခါခမည်းတော်ဘုရားကသားတော်ကိုယုံကြည်သောသူဟူသမျှတို့ကို ပျက်စီးခြင်းသို့မရောက်စေဘဲထာဝရအသက်ကိုရစေခြင်းငှါ မိမိ၏ တစ်ပါးတည်းသော သားတော်ကို စွန့်သည့်တိုင်အောင် ကမ္ဘာလောကသားတို့ကို ချစ်တော်မူ၏ဟု ဧဝံဂေလိကျမ်းစာတွင် ကြားနာရပါသည်။ ဘုရားသခင်၏ အတောမသတ်သော ချစ်ခြင်းမေတ္တာကို မြင်တွေ့ရပါသည်။ကျွန်ုပ်တို့ ဓမ္မဟောင်းနှင့်ဓမ္မသစ်ကိုပြန်လည်နှိုင်းယှဉ်ကြည့်ရင်ထာဝရဘုရားသည်ကျွန်ုပ်တို့နှင့်အတူကူညီစောင့်ရှောက်ဖို့အမြဲထာဝရရှိကြောင်းခံစားရပါသည်။ဘုရားသခင်၏ ချစ်ခြင်းမေတ္တာသည်လောကလူသားများအတွက်ဝမ်းမြောက်ရာ သတင်းကောင်းဖြစ်ပါသည်။အဘယ့်ကြောင့်ဆိုသော်ကမ္မာဦးကျမ်းတွင်ထာဝရဘုရားကငါတို့နှင့်ပုံသဏ္ဍာန်တူသောလူကိုဖန်ဆင်းကြစို့ ဟု ဆိုပြီးဖန်ဆင်းခဲ့သည်။ ထာဝရဘုရားသည်လည်း ကျွန်ုပ်တို့အား ကတိပေးစကားအတိုင်း ကမ္ဘာကုန်သည့်တိုင်အောင် ငါသည်သင်တို့နှင့်အတူ ထာဝရအစဉ်တည်နေမည် ဟု မိန့်မှာခဲ့ပါသည်။ဒီနေ့ ကျင်းပတဲ့ကရူးစူးကားတိုင်ပွဲဟာလည်းဘဲငါတို့အပြစ်ရှိသူကိုကယ်တင်ခြင်း ရအံ့ငှါသားတော်ဘုရားကလက်ဝါးကပ်တိုင်ပေါ်မှာအသက်စတေးခြင်းခံရပါသည်။ထို့ကြောင့်ငါတို့တစ်ဦးချင်းစီ အနေဖြင့်ထာဝရဘုရား၏ချစ်ခြင်းမေတ္တာကိုခံစားပြီးကျွန်ုပ်တို့လူသားဘုရား၏သားသမီးများအနေဖြင့်ထာဝရဘုရားသခင်အပေါ်မှာကိုယ့်ရဲ့ ချင်းခြင်းမေတ္တာကိုဘယ်လောက်အထိပြနိုင်ပြီလဲစဉ်းစားထောက်ရှုရင်းဘုရားရှင်၏ချစ်ခြင်းမေတ္တာကိုအစဉ်အမြဲသူတစ်ပါးအပေါ်မှာမျှဝေနိုင်သောသူများဖြစ်ကြပါစေ။
