 for web4.jpg)
 for web3a.jpg)
2023-10-01 08:35:06
2.10.2023 – 26th Week in Ordinary Time, Monday
The Guardian Angels Feastday, ကိုယ်စောင့်သိကြားများပွဲနေ့
၂၀၂၃ ခုနှစ်၊ အောက်တိုဘာလ (၂)ရက်၊ ၂၆ ကြိမ်မြောက် သာမန်ကာလ၊ တနင်္လာနေ့
Mt.18.1-5,10 - ရှင်မာတေးဦး၁၈း၁-၅,၁၀
Reflection by Sr. Isabella, SCCG
Posted by Sr. Benedetta Myat Hnin Nwe(ISR)
သူငယ်ဆိုသည့်ကလေးတို့၏ စိတ်နေသဘောထားကိုကျွန်ုပ်တို့ထောက်ရှုသွားကြပါစို့။အဘယ်ကြောင့်ဆိုသော်ခရစ်တော်ဘုရားရှင်သည်သူငယ်တစ်ယောက်ကိုအထံတော်သို့ခေါ်၍ သူတို့၏အလယ်တွင်ထားလျက်ငါ၏နာမတော်၌လက်ခံသောသူသည် ငါ့ကိုလက်ခံ၏ဟုမိတ်ဆိုထားသောကြောင့်ဖြစ်သည်။ကလေးသူငယ်၏ဘဝကိုကြည့်လျှင်အထင်သားမြင်တွေ့နိုင်သည်မှာရိုးသားပွင့်လင်း၍နှိမ့်ချသောသဘောကိုတွေ့နိုင်သည်။၎င်းတို့လိုချင်သောအခါတောင်းခံတတ်ကြသည်။မရလျှင်ငို၍စိတ်ကောက်ပြကြသည်။ချော့လျှင်တိတ်တတ်သည်။ဆူလိုက်လျှင်ကြောက်၍ငြိမ်သွားတတ်ကြသည်။အထူးသဖြင့်သွန်သင်ပြလျှင်လိုက်၍တစ်သွေမတိမ်းပြုလုပ်တတ်ကြသည်။ဆိုလိုသည်မှာ၎င်းတို့ဘဝသည်ဖယောင်းကဲ့သို့အပူပေးလျှင်လိုအပ်သလိုပြောင်းလဲပုံသွင်းယူ၍ရသည့်အဓိကမှာဤအချက်ပင်ဖြစ်သည်။ထို့ကြောင့်ခရစ်တော်သည်ကလေးသူငယ်ကိုသဘောကျခြင်းဖြစ်သကဲ့သို့ကျွန်ုပ်တို့ကိုလည်းဤကဲ့သို့ ဖြစ်စေချင်ပါသည်။ကျွန်ုပ်တို့အားဟန်ဆောင်မှုကင်းသောစိတ်နှလုံးသားဖြင့်အသက်ရှင်သန်ဖို့ရန်နှင့် ဘုရားသခင်၏နေ့စဉ်သမ္မာကျမ်းစာအားဖြင့်လမ်းညွှန်သွန်သင်ပြမှုများကိုခံယူရရှိကြားနာရသည့်အခါငါဟူသည့်အတ္တမာန်မာနကိုတစ်လွှာချင်းခွာချကာခရစ်တော်ဘုရားရှင်ဖြစ်စေချင်သောရိုးသားနှိမ့်ချပြီးစိတ်နှလုံးဖြူစင်သည့်သူတစ်ဉီးအဖြစ် အချိန်တိုင်းကောင်းရာဘက်သို့သတ္တိရှိရှိ ပြောင်းလဲရဲသော စိတ်နေသဘော ရှိရန် ကြိုးစားကြပါစို့။ဤနည်းဖြင့်ကျွန်ုပ်တို့သည်ခရစ်တော်၏နောက်လိုက်ခရစ်ယာန်ကောင်းတို့၏နှိမ့်ချသောကြင်နာတတ်ပြီးချစ်ခင်တတ်သောစသည့်အကျင့်ပါရမီကောင်းများနှင့် ပြည့်စုံသောသူအဖြစ်ဘဝကို သက်သေခံနိုင်ကြမည်ဖြစ်ပါသည်။နောက်တစ်ချက်တွင်လည်း သင်တို့သည်ဤသူငယ်တို့တွင် ဖူးမျှော်လျက်ရှိကြ၏။ ကျွန်ုပ်တို့သည် အစဉ်အမြဲ မိမိကိုယ်ကိုသတိဖြင့်ပြောင်းလဲရန် ကြိုးစားနေကြသော ဖြစ်စဉ်ထဲတွင်ရှိနေသကဲ့သို့အခြားသူများကိုလည်းလေးစားတတ်ဖို့ထားတတ်ရန်အထူးသဖြင့်ကလေးသူငယ်အပေါ်တွင်ပြုမူကြရန်ခရစ်တော်ကကျွန်ုပ်တို့ကိုယနေ့ဖိတ်ခေါ်နေပါသည်။၎င်းတို့အားနူးညံ့သိမ်မွေ့စွာသွန်သင်ဆုံးမ၍လမ်းကောင်းပြတတ်ရန်လိုအပ်သည်။၎င်းတို့သည်ဘုရားသခင်ရှေ့မျက်နှာရသော၊ ချစ်ခြင်းခံကြရသော ပုဂ္ဂိုလ်လေးများဖြစ်သည်ကိုအမြဲသတိဖြင့် ဆင်ခြင်၍ ၎င်းတို့အား နည်းမှန်လမ်းမှန်ဖြင့် ခရစ်တော်၏ ချစ်ခြင်းဆီသို့ ကျွန်ုပ်တို့ ခေါ်ဆောင်သွားနိုင်ရန် လိုအပ်သော ကျေးဇူးများကိုလည်းတောင်းလျှောက်ကြပါစို့။ အာမင်။
