 for web4.jpg)
 for web3a.jpg)
2023-10-02 04:53:19
3.10.2023 – 26th Week in Ordinary Time, Tuesday
၂၀၂၃ ခုနှစ်၊ အောက်တိုဘာလ (၃)ရက်၊ ၂၆ ကြိမ်မြောက် သာမန်ကာလ၊ အင်္ဂါနေ့
Lk .14:1-6 - ရှင်လုကာ ၁၄း ၁-၆
Reflection by Sr. Isabella, SCCG
Posted by Sr. Benedetta Myat Hnin Nwe(ISR)
ဘဝမှာဖြစ်စေချင်တဲ့အရာတွေဖြစ်မလာတဲ့အခါဆန္ဒတွေကဘဝနဲ့ တစ်ထပ်တည်းမကျတဲ့အခါစိတ်ဆိုပြီးအမျက်ဒေါတတွေကဒလဟောစီးဆင်းလာတဲ့ရေအရှိန်ကဲ့သို့ဘဲထိန်းမရသိမ်းမရပေါက်ထွက်လာတတ်တယ်ဆိုတာဒီကနေ့ရဲ့သမ္မာကျမ်းစာထဲက တပည့်တော်ကြီးယောဟန်နဲ့ယာကုပ်တို့ရဲ့ခရစ်တော်ဘုရားရှင်ကိုလက်ခံကြိုဆိုဖို့ငြင်းဆန်ကြတဲ့ဆမာရိယရွာမှလူတွေအပေါ်ထားရှိသော၊ပြောခဲ့သောစကားအားဖြင့်ကျွန်ုပ်တို့မြင်တွေ့ကြရပါသည်။အဲ့လိုဘဲကျွန်ုပ်တို့ရဲ့နေ့စဉ်ရှင်သန်ခြင်းကိုပြန်လည်ဆန်းစစ်တဲ့အခါသတိမမူ၊ဂူမမြင်ဆိုသကဲ့သို့ မိမိနှင့် ဆန့်ကျင်ပြီးဖြစ်လာတဲ့အရာတွေကိုသတိမထားမိတဲ့အခါတပည့်တော်တွေလိုဘဲဘာမှမစဉ်းစားဘဲနဲ့ဒေါသအလိုက်ပြောဆိုဆက်ဆံမိခဲ့တဲ့အချိန်တွေရင်ဆိုင်ကြုံတွေ့ခဲ့တာအခါခါရှိကြမည်ဟုထင်မိပါတယ်။ဤသို့အပျက်သဘောဆောင်သောပြုမူပြောဆိုခြင်း၏နောက်ဆက်တွဲအနေဖြင့်ကျွန်ုပ်တို့ကိုယ်တိုင်နှင့်ပတ်ဝန်းကျင်ရှိပုဂ္ဂိုလ်များမည်မျှထိခိုက်နာကျင်သွားသည်ကိုဤယနေ့တွင် ပြန်လည်သတိမူမိရန်ခရစ်တော်ကကျွန်ုပ်တို့ကိုပြန်လည်ဆန်းစစ်ရန်ဖိတ်ခေါ်နေပါသည်။ခရစ်တော်ဘုရားကိုယ်တိုင်ကနူးညံ့၊သိမ်မွေ့၊နှိမ့်ချသောစိတ်ထားရှိတဲ့အလျောက်သူ့ရဲ့တပည့်များဖြစ်သောကျွန်ုပ်တို့ကိုလည်းကိုယ်တော်ဘုရားရှင်ကဲ့သို့သောစိတ်နေသဘောထားရှိရန်အလိုရှိပါသည်။ထို့ကြောင့်ကြုံလာသမျှ အဖြစ်အပျက်အခြေအနေတိုင်းမှာအပျက်သဘောဆောင်သောအရာများကိုရှောင်ရှားကာအပြုသဘောဆောင်တဲ့စကားကြမ်းတမ်းစွာဆူပူကြိမ်းမောင်းမည့်အစားညင်သာစွာနားလည်သဘောပေါက်အောင်လမ်းညွန်ပြပြောဆိုတတ်ခြင်းတွေကိုမွေးမြူကြပါစို့။အာမင်။
